1 Konit 7:2 - Kije Manido Odikido8in: Ocki Mazinaigan

² Pekic dac kicpin ega niba8idj, ne8ad kada 8ik8adjiagani8i madji aido8ini kidji pabamendag. Megadacta acitc ke odji min8acinig misa8adj pepejig nabe kidji o8idigemaganidj, acitc pepejig ik8e kidji o8idigemaganidj.

1 Konit 7:2 Iomraidhean Croise

Matio 5:32

Nin dac 8in ki8idamonom oo8e. A8enenigotc 8ebinadjin okokomiman ega egi nodjiandjin kodag naben, opatadian ini ik8e8an, madji aido8ini mega oga pabamendamini kicpin koki niba8indjin. Acitc aa8e ke 8idigemadjin ini ik8e8an, ke8in madji aido8ini opabamendan.”

1 Konit 6:18

Ka8in dac pabajine madji aido8in pamendakegon. Kakina kodagian patado8inan ka todamo8adj a8iagog, ka8in o8ia8i8akag odiji nici8anadjiigosina8an. A8iag dac madji aido8ini ka pamendag, 8in tibina8e o8ia8 omadji todan.

1 Konit 7:1

Nogom kiga nak8e8ajitaonom adi kagi iji k8ag8edjimijieg kidojibiigani8akag. Min8acin ega kidji niba8idj nabe.

1 Konit 7:3

Inendagozi nabe ka niba8idj kidji min8endamiadjin okokomiman e 8izig8amadjin, acitc mi pejig8an tabickotc ik8e, inendagozi kidji min8endamiadjin ocomisiman e 8izig8amadjin.

1 Konit 7:9

Kicpin dac ega kackito8eg 8e8enda kidji nagadjiidizo8eg enakamigizieg, na8adj kada minose kidji niba8ieg apitc8in kidji nici8anadjiigo8eg kimosa8endamo8ini8a ka kitci macka8izimagag.

Epes 5:28

Midac maia pejig8an enendagozi8apan nabeg kidji inakamigizi8adj. Oda sagia8an okokomimi8an, tabickotc ka iji sagito8adj 8ina8a tibina8e o8ia8i8a. Kicpin a8iag sagiadjin okokomiman, 8in tibina8e sagiidizo.

Epes 5:33

Midac pejig8an kekina8a. Panima pepejig e taci8adj nabeg oga sagia8an okokomimi8an tabickotc eji sagiidizo8adj, acitc mi pejig8an ik8e8ag, oga manadjia8an o8idigemagani8an.

1 Tesalonika 4:4

Kinada8enimigom kakina pepejig e tacieg 8e8enda kidji nagadjito8eg kia8i8a, kidji gi min8endamieg Kije Manido acitc kidji gi odji manadjiigo8eg kodagiag a8iagog adi enadizieg.

1 Timote 4:3

Kikinoamage8ag ega e inendagozindjin a8iagon kidji niba8indjin, acitc ikido8ag ega e inendag8anig nandam midjimini kidji midjigadenig. Kije Manido dac ogi kijendan kakina midjimini kidji midjigadenig. A8iagog dac ka teb8eta8a8adjin Jesosan acitc teb8e8ini ka kikendamo8adj, kakina midjimini ogagi midjina8a, mig8etc e ina8adjin Kije Manidon.