1 Konit 6:8 - Kije Manido Odikido8in: Ocki Mazinaigan

⁸ Tiegodj dac, kina8a e todameg, kimadji toda8a8ag kodagiag a8iagog, acitc kikimodima8ag, misa8adj ka teb8etamo8adj ke8ina8a.

1 Konit 6:8 Iomraidhean Croise

Matio 20:13

“Aa8e dac ka tibendag kitigan akini ogi nak8e8ajian pejig ii e tacindjin anokitage8innin: ‘Ni8idji8agan! Ka8in kidodji 8aiejimisinon. Kigi nakomonan kidji mikimo8an pejig 8abiconia8abik kidji kijikago8an pejigokajik, kana?

Min8adjimo8ini kagi ojibiag kitcit8a Mak 10:19

Kikikendanan Kije Manido odinakonige8inan: ‘Ka8in kiga nici8esim. Ka8in madji aido8in kiga pamendasina8a. Ka8in kiga kimodisim. Ka8in anodjigotc kiga iji inactaonasi8a8a kidjipimadizimi8a. Ka8in kiga kimodizisim. Kiga manadjia8ag kidadami8a acitc kidjodjomi8a.’ Exode 20.12-16; Deutéronome 5.16-20 Mi ka inakonigedj Kije Manido.”

Kolosi 3:25

Aa8e dac ka madjakamigizidj kada pajacte8agani8i adi kagi iji panaagedj. Ka8in dac Kije Manido opepakanenimasin a8iagon apitc tibakonadjin.

1 Tesalonika 4:6

Ka8in dac 8ikad pejig nabe oda madji toda8asi8an o8idjipimadiziman ka teb8etamindjin adi ke iji 8idji8adjin ik8e8an. Ka Tibendjigedj mega oga pajacte8an ini8e iidi ke iji panaagendjin. Aja kitci enigok kigi 8idamagom kidji iag8amieg.

Jak odojibiigan 5:4

Ka8in 8a8adj kigi kijika8asi8a8ag anokitage8innig kagi mikimo8adj kikitigan aki8akag. Ndotaokog e kitci ma8i8adj! Ka Tibendjigedj dac ma8adji ka kitci macka8izidj ogi noda8an ini a8iagon e pabibagindjin, ka kitci animendjigendjin.