1 Konit 3:23 - Kije Manido Odikido8in: Ocki Mazinaigan

²³ Kina8a dac Jesos Christikag kidiji tibendagozim, acitc dac Jesos Christ 8in Kije Manidokag iji tibendagozi.

1 Konit 3:23 Iomraidhean Croise

Matio 17:5

Meg8adj e taji anim8edj, 8ak8ini e kitci tcakatenig ogi pi nigockagona8a. Ogi noda8a8an dac a8ian iima 8ak8ikag e odji mad8e anim8endjin e ikidondjin: “Mi aa Nig8izis ka kitci sagiag. Nikitci min8endamiig. Ndotaok dac!”

John 17:18

Kigi pidjinijaojinan kidji tibadjimo8an min8adjimo8in a8iagokag ooma akig. Midac pejig8an nigi ijinija8ag ke8ina8a kidji tibadjimo8adj min8adjimo8ini a8iagokag ooma akig.

John 17:21

Nidaiamietama8ag dac kakina ka teb8etamo8adj, kidji gi pejig8eiendagozi8adj. Nidadam! Nidaiamietama8ag kidji gi kigicka8agid8a, tabickotc kin ka iji kigickaojian acitc nin ka iji kigickaonan, kakina a8iagog ooma akig kidji gi teb8etamo8adj teb8e egi pidjinijaojian.

Ojibiama8agani8i8ag ka teb8etamo8adj Rom odenakag 14:8

8edji pimadiziak mega, kidji odji manadjiagani8idj ka Tibendjigedj. 8edji nibo8ak dac kek8an, kidji odji manadjiagani8idj ka Tibendjigedj. E pimadizi8ak8en dac, kek8an e nibo8ak8en, ka Tibendjigedj kitibenimigonan.

1 Konit 11:3

Kinada8eniminom kidji kikendameg oo8e. Nitam ik8e nabekag ki odji kijenimagani8igoban. Kakina nabeg Jesos Christan ogi kijenimigo8an. Jesos Christ dac 8in Kije Manidon ogi pidjinijaogon.

1 Konit 15:23

Kakina dac pepejig a8iag kada abidjiba apitc inendagozidj kidji abidjibadj. Jesos Christ dac 8intam ki abidjibaagani8i. Apitc dac koki tag8icig Jesos Christ, kakina ini8e 8inikag ka iji tibendagozindjin kada abidjibaagani8i8an.

1 Konit 15:28

Apitc dac Jesos kakina kegoni tibendag, 8in tibina8e kada pagidenimidizo, kidji tibenimigodjin Odadaman, kakina kegoni kagi minigopanin. Midac Kije Manido kada kitci ogima8i, kakina kegoni kidji tibendag.

1 Konit 7:22

Aa8e mega ka tibenimagani8ipan kidji anokitagedj apitc Kije Manidon ka nd8e8emigopanin, aja okikendan ka Tibendjigendjin egi todamindjin ega kidji tibenimigodj patado8ini. Aa8e dac ega ka tibenimagani8ipan kidji anokitagedj, aja okikendan Jesos Christan e tibenimigodjin kidji anokita8adjin.

1 Konit 8:6

Kina8it dac 8in, kikikendananan e motci pejigodj Kije Manido, acitc mi aa Kidadaminan. Kakina kegoni ogi kijendan, acitc kitibenimigonan. Motci pejigo acitc ka Tibeniminak, mi aa Jesos Christ. Mi aa8e Jesos kagi abadjiigodjin Kije Manidon kakina kegoni kidji kijendamindjin, acitc mi aa Jesos kagi minigo8ak pimadizi8ini.

2 Konit 10:7

Mi maia tabickotc ega ka 8abadamegon kegonan ka kitci paietenag8agin e todameg. Kicpin pejig a8iag ketcinamendag Jesos Christikag eji tibendagozidj, kada mamidonendamoban kenina8it Jesosikag eji tibendagoziag tabickotc 8in.

Kalecia 3:29

Kicpin Jesos Christikag iji tibendagozieg, Abanaamikag sa dac kidodaiagizim. Misa dac kakina kegonan kiga odisigona8a kagi iji nakomopan Kije Manido kidji migi8edj.

Kalecia 5:24

Igi8e a8iagog Jesos Christikag ka iji tibendagozi8adj, aja ogi onendana8a ega kidji todamo8adj adi ka iji madji mosa8endamo8adj. Mi maia pejig8an tcibaiatigokag ki acidak8aamo8apanin omadji mosa8endamo8ini8an acitc omadji inakamigizi8ini8an ejinagozi8adj.

Epes 1:10

Apitc dac odjitcisenig, oga todan kakina kagi iji onendamogobanen, kakina kegonan ka kijendagin 8ak8ig acitc akikag e mama8atodjin, Jesos Christan kidji iji ogimakadamindjin.