1 Konit 3:14 - Kije Manido Odikido8in: Ocki Mazinaigan

¹⁴ Aa8edi a8iag ega ke tcagakidenig omikimo8in, Kije Manidon oga ca8enimigon.

1 Konit 3:14 Iomraidhean Croise

1 Konit 3:8

Aa a8iag ka kitigedj acitc aa ka sigaada8adjin anominan, mi pejig8an epitendagozi8adj. Kije Manido dac oga kijika8an pepejig, adi ejinag8anig omikimo8ini8a.

1 Konit 4:5

Poni onenimikog dac a8iagog ka apitci 8e8enda mikimo8ag8en. Pitaok kidji odjitciseg ke koki tag8icig ka Tibendjigedj Jesos. Ii dac apitc, kada 8abadai8e adi kimodj ejideendjin a8iagon. Ii dac apitc, Kije Manido oga min8adjiman kakina pepejig a8ian adi kagi pi ijitcigendjin.

1 Konit 9:17

Kicpin nin tibina8e ki odapinamaban ii mikimo8in, panima nida kijikago. Ka8in dac nidodji odapinasin nin tibina8e ii mikimo8in, nidijita eta adi Kije Manido kagi inanonijidj.

Kalecia 6:4

Kakina pepejig a8iag oga kana8abadan adi enadizidj, kidji kikenimidizodj epitci k8aiak inadizig8en kek8an ka8in. Kicpin dac ki mino inadizidj, ogagi odji kitci inendan, ega mamakadj kidji kana8abamadjin kodagian a8iagon adi enadizindjin, kidji odji inendag na8adj 8in e k8aiak8adizidj apitc8in kodagian a8iagon.

1 Tesalonika 2:19

Kina8a mega 8edji aiamag apenimo8in acitc 8edji kitci modjigendamag. Kina8a ka 8abadai8eieg 8e8enda egi mikimo8ag, acitc niga kitci min8adjimomin e mikomigo8eg nigan Jesos Christikag ka Tibeniminak apitc koki tag8icig.

2 Timote 4:7

Adigotc epitcian nigi kitci k8ag8edjiton kidji anokita8ag Jesos, tabickotc iji pimibato8aban ka iji k8ag8edjikandinani8ag. Aja dac nogom nigi odjitcibato 8ek8aiak. Nigi kijiton Kije Manido omikimo8in kagi inanonijidj. 8e8enda nigi kana8endan ii ka iji teb8etamak.

1 Pien 5:1

Nidaiamiag nogom ka niganizi8adj ka iji teb8etamindjin. Kenin niniganizinan. Maiagotc nigi 8abama Jesos Christ apitc ka kodagitopan. Midac kenin niga acidagimigo 8ina8akag ke aiamo8adj Jesosan odicpendagozi8ini apitc nag8anig. Midac oo eninagok.

1 Pien 5:4

8in Jesos onagadjian ini8e ka niganizindjin, tabickotc a8iag ka iji nagadjiadjin omantceniciman. Kicpin dac 8e8enda ki niganizieg, apitc tag8icig Jesos, kiga ca8enimigo8a icpendagozi8ini, kagige ke tag8anig. Mi tabickotc sizok8epizon kagi pakinageieg ke ijinag8ag.