1 Konit 16:2 - Kije Manido Odikido8in: Ocki Mazinaigan

² E taso manadjitagani8ag, pepejig e tacieg kidinendagozim kidji pakan aseg nandam kiconiami8a kagi kackieg, inigik keckito8eg kidji migi8eieg. Ka8in dac mamakadj kiga ma8adjiasi8a8a aa conia apitc tag8icinian.

1 Konit 16:2 Iomraidhean Croise

Min8adjimo8ini kagi ojibiag kitcit8a Mak 14:8

Aa ik8e eji kackitodj ogi todan. Ogi siginan nia8ikag oo ka minomag8anig, kidji iji medoni ojitodj ab8amaci naatcigadenig nia8ini.

Min8adjimo8ini kagi ojibiag kitcit8a Lok 16:10

“Aa8e 8e8enda ka kana8endagin kegonan ega ka kitci apitendag8anigin, oga kana8endanan 8e8enda kitci kegonan ka kitci apitendag8anigin. Aa8e dac ka 8agackizidj apitc kana8endagin ega ka kitci apitendag8anigin kegonan, kada 8agackizi apitc kana8endagin ka kitci apitendag8anigin kegonan.

Min8adjimo8ini kagi ojibiag kitcit8a Lok 24:1

8ibadj e kijeba8acinig e manadjitagani8anig, ik8e8ag ki ija8ag 8ibabikiniganikag. Pimide ka minomag8anig ogi iji8idona8a kagi ojito8agobanen.

John 20:19

E ani onag8icig mi pejig8an ii e kijigag e manadjitagani8ag, kikinoamaganag ki ma8adjiidibanig. Ki kibak8aodizo8ag osa e kosa8adjin Coda8innin ka niganizindjin. Jesos dac kitata ki odji nagozi iima acitc ki tajigaba8i nena8idj 8ina8akag, acitc ogi inan: “Pekadendamo8in kimininom.”

John 20:26

Ka ick8a pejigota8ateanig, Jesos okikinoamaganan mina8adj ki ma8adjiidi8an. Tomas dac aja teban iima ke8in. Misa8adj dac ick8ademan e kibakosigibanin, Jesos mina8adj ki nagozi acitc kitata nena8idj ki tajigaba8i. Ogi inan: “Pekadendamo8in kimininom.”

Jesos Odanodaganan Odijitcige8ini8an 20:7

E manikijigag e onag8icig, nigi ma8adjiidimin kidji mama8i 8isiniag. Pon ki kagik8e, e inendag 8iabanig kidji madjadj. Pinici kidji abitatibikanig ki taji anim8e.

2 Konit 8:10

8adan dac oo8e enendaman enendagozieg kidji todamegoban. Pibonog, kintami8a kigi nda8endana8aban kidji mineg8a conian ka teb8etamo8adj 8edi Jerusalem, acitc kintami8a kigi mina8ag.

Kagi iji 8abadaagani8idj John 1:10

Nigodin e aiamie kijigag, Mino Manido nigi pidigeckag. Odakanag ninikag nigi noda8a a8iag e kitci sogitagozidj tabickotc podadjigani nodag8atcigan.