1 Konit 15:53 - Kije Manido Odikido8in: Ocki Mazinaigan

⁵³ Nogom mega ka aiamakonin 8ia8an ke nibomagagin acitc ke 8anadagin, panima ki adjisegin, kidji gi aiamakonin 8ia8an ega 8ikad ke nibomagagin acitc ega 8ikad ke 8anadagin.

1 Konit 15:53 Iomraidhean Croise

Ojibiama8agani8i8ag ka teb8etamo8adj Rom odenakag 1:23

Inendagozi8ag kidji icpenima8adjin ka kagige pimadizindjin Kije Manidon. Tiegodj dac odicpenima8an manidokanan, a8ian ega ka kagige pimadizindjin e ijinagozindjin, kek8an pinecijan e ijinagozindjin, kek8an a8esizan ka niogadendjin kek8an ka pabamabikeindjin e ijinagozindjin.

Ojibiama8agani8i8ag ka teb8etamo8adj Rom odenakag 2:7

Nandam a8iagog apan kitci nak8i8ag 8e8enda kidji inadizi8adj. Onada8enima8an Kije Manidon kidji minigo8adjin icpendagozi8ini, kidji min8adjimigo8adjin, acitc kidji minigo8adjin pimadizi8ini ega 8ikad ke ick8asenig. Kije Manidon dac oga minigo8an kagige pimadizi8ini.

Kalecia 3:27

Kakina mega kigi sigaadazom, Jesos Christikag kidji gi odji mama8iseieg. Nogom dac mi pejig8an 8in tibina8e Jesos Christ ka ijinagozidj ejinagozieg.

Epes 4:24

Panima kiga ani ocki a8iago8im. Kije Manido kigi minigo8a ii ocki pimadizi8ini, tabickotc 8in ka ijinagozidj kidji ani ijinagozieg, kidji gi odji k8aiak8adizieg acitc maia kidji gi paiekideeieg.

1 John 3:2

Ni8idji8aganag ka kitci sagiinagok! Aja Kije Manido odabinodjijiman kidijinagozimin. Anic dac ka8in maci kigagi kikendasinanan 8egonen ke iji8ebag nigan, adi maia ke ijinagoziak. Misa8adj dac kikikendananan apitc Jesos ke koki tag8icig ooma akikag, tabickotc 8in kiga ijinagozimin. Teb8e mega maia ejinagozidj kiga 8abamanan.