1 Konit 15:30 - Kije Manido Odikido8in: Ocki Mazinaigan

³⁰ Kenina8it dac, kicpin ega abidjiba8apan kagi nibo8adj, ceck8at apanigotc kidji paba ijaiagiban ka iji nanizaniziag e paba tibadjimo8ag min8adjimo8in.

1 Konit 15:30 Iomraidhean Croise

Min8adjimo8ini kagi ojibiag kitcit8a Lok 8:23

Meg8adj e ajo8agameaci8adj, Jesos taji nibagoban. Kegapitc ki kitci nodin sagaiganikag. Kitci pizibigoban ii tciman acitc kitci nanizanizi8agoban.

1 Konit 15:29

Mamidonenimikog igi8e kagi sigaadazo8adj e k8ag8e 8idoka8a8adjin ini8e aja kagi nibondjin. Kicpin ega abidjiba8apan ka nibo8adj, adi dac 8in ke odji todamo8apan? Ceck8at kidji k8ag8e 8idoka8a8apanin kicpin ega abidjibandjin.

1 Konit 15:31

Nidjiki8eg! Taso kajik nikitci nanizanizinan e anokita8ag Kije Manido. Ki8idamonom kakina ini kegonan, e kitci modjigendaman kina8a odji, ka Tibeniminak Jesos Christikag eji mama8iseieg.

2 Konit 6:9

Nandam a8iagog ikido8ag: “Ka8in a8ian okikenimigosi8an,” pekic dac kakina a8iagog maia nikikenimigonanag. Mi maia tabickotc aja pecodj ke nibo8ag enadjimigo8ag, pekic dac kiabadj nipimadizimin. Nanigodin nipajacteogomin, ka8in dac 8in ninisigosimin.

Kalecia 5:11

Nidjiki8eg! Nandam a8iagog nidinactaonigog e kagik8e8ag e ikido8an panima a8iag ki pak8ej8agani8idj kidji gi k8aiak8abamigodjin Kije Manidon. Kicpin dac teb8emagagiban ii, ka8in aja nida paba kagik8esi e ikido8an egi nibodj Jesos tcibaiatigokag kidji gi odji k8aiak8abamigo8ak Kije Manido. Ka8in dac nida nickimasi8ag Coda8innig, ka8in dac aja nida nanekadjiigosig.