1 Konit 15:28 - Kije Manido Odikido8in: Ocki Mazinaigan

²⁸ Apitc dac Jesos kakina kegoni tibendag, 8in tibina8e kada pagidenimidizo, kidji tibenimigodjin Odadaman, kakina kegoni kagi minigopanin. Midac Kije Manido kada kitci ogima8i, kakina kegoni kidji tibendag.

1 Konit 15:28 Iomraidhean Croise

John 14:28

Kigi nodaojim e ikido8an: ‘Nimadja, anic dac niga koki pija.’ Kicpin teb8e sagiijieg, kiga min8endana8a e ijaian Nidadamikag. Nidadam mega na8adj kitci apitendagozi apitc8in nin.

1 Konit 11:3

Kinada8eniminom kidji kikendameg oo8e. Nitam ik8e nabekag ki odji kijenimagani8igoban. Kakina nabeg Jesos Christan ogi kijenimigo8an. Jesos Christ dac 8in Kije Manidon ogi pidjinijaogon.

1 Konit 12:6

Kije Manido ominan pepakan kidji iji kackitondjin pepejig a8ian, kidji gi abadjitondjin ini ca8endjige8inan kagi odisigodjin. Misa8adj dac, Kije Manido aa ka todag kidji minosenigin omikimo8ini8an.

1 Konit 15:29

Mamidonenimikog igi8e kagi sigaadazo8adj e k8ag8e 8idoka8a8adjin ini8e aja kagi nibondjin. Kicpin ega abidjiba8apan ka nibo8adj, adi dac 8in ke odji todamo8apan? Ceck8at kidji k8ag8e 8idoka8a8apanin kicpin ega abidjibandjin.

1 Konit 3:23

Kina8a dac Jesos Christikag kidiji tibendagozim, acitc dac Jesos Christ 8in Kije Manidokag iji tibendagozi.

Epes 1:23

Igi8e ka teb8etamo8adj ka ma8adjiidi8adj kidji aiamie8adj tabickotc Jesos o8ia8 ijinagozi8ag. Apanigotc Jesos opidigecka8an ka teb8etamindjin, tabickotc 8in kabe ka kigickagodjin Kije Manidon.

Pilip 3:21

Apitc dac tag8icig, kia8inanan ka cagozimagagin oga adjitonan, ka kitci icpendag8anigin 8ia8an kidji minigo8ak, tabickotc 8in o8ia8 ka ijinag8anig ka ick8a abidjibadj kidji ijinag8anigin. Mi ke todag, omacka8izi8in e abadjitodj, ka odji kackitodj kakina kegoni kidji tibendag.

Kolosi 3:11

Ka8in dac pepakan apitendagozisi8ag a8iagog. Kicpin Coda8inni8i8adj kek8an ega ka Coda8inni8i8adj, kicpin pak8ej8agani8i8adj kek8an ka8in, kicpin pi8ide8i8adj konigotc kicpin pakan inakanezi8adj ega dac sabenimagani8i8adj, kicpin tibenimagani8i8adj kidji anokitage8adj kek8an tibenimidizo8adj, kakina tabickotc pejig8eiendagozi8ag. 8in dac eta Jesos Christ apitendagozi, acitc kakina okigicka8an ini8e 8inikag ka iji tibendagozindjin.