1 Konit 15:25 - Kije Manido Odikido8in: Ocki Mazinaigan

²⁵ Panima mega 8in Jesos ki ogima8idj pinici Kije Manido kidji cagodjiadjin kakina ini8e ka madjenimandjin Jesosan.

1 Konit 15:25 Iomraidhean Croise

Matio 22:44

‘Ka Tibendjigedj ogi inan ka Tibenimijindjin: Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.’ Psaume 110.1

Min8adjimo8ini kagi ojibiag kitcit8a Mak 12:36

David mega, e kigickagodjin Mino Manidon, 8inigotc ki ikidogoban oo8eni: ‘Ka Tibendjigedj ogi inan ka Tibenimijindjin: Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.’ Psaume 110.1

Jesos Odanodaganan Odijitcige8ini8an 2:34

Ka8in dac 8in tibina8e David 8ak8ig ki icpikasi. Anic oo8e ki ikido: ‘Ka Tibendjigedj ogi inan ka Tibenimijindjin: Nikitcinikikag iji pi nda abin,

Epes 1:22

Kije Manido dac ogi minan Jesosan kakina kegoni kidji tibendamindjin, acitc ogi onabaman kidji niganindjin kakina a8iagokag ka teb8etamindjin ka ma8adjiidindjin kidji aiamiendjin.

Ebaro 1:13

Ka8in 8ikad Kije Manido ododji inasin pejig ajenin adi kagi inadjin Og8izisan: “Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.” Psaume 110.1

Ebaro 2:8

Kigi minag kakina kegoni kidji tibendamo8adj,” Psaume 8.5-7(4-6) mi ejibiigadeg. Kije Manido ogi minan a8iagon kakina kegoni kidji tibendamindjin, ka8in dac odji pejig tag8asino8an kegonan ega kidji tibendamindjin. Pekic dac nogom ka8in ki8abadasinanan ii kidji ijisenig, ka8in maci a8iagog otibendasina8an kakina kegonan.