1 Konit 15:15 - Kije Manido Odikido8in: Ocki Mazinaigan

¹⁵ Kicpin teb8emagagiban ii ega egi abidjibaagani8ig8en Jesos, nikagina8ickinanadok sa dac apitc e mikomagidj Kije Manido. Nigi ikidomin mega Kije Manido egi abidjibaadjin Jesos Christan nibo8inikag. Kicpin dac ega abidjibaagani8i8apan igi8e ka nibo8adj, ka8in sa dac Kije Manido ododji abidjibaasi8adog8enan Jesosan.

1 Konit 15:15 Iomraidhean Croise

Jesos Odanodaganan Odijitcige8ini8an 2:24

Kije Manido dac ogi abidjibaan. Ogi kibitinama8an adi eji kodagitonipanin apitc ka nibondjin. Ka8in mega pabajine ijinag8asiniban kidji taji midjiminigodj nibo8ini.

Jesos Odanodaganan Odijitcige8ini8an 2:32

“Kije Manidon ogi koki abidjibaigon aa Jesos ka taji mikomag acitc kakina nina8it nigi 8abamanan egi koki pimadizidj acitc nitibadjimomin.

Jesos Odanodaganan Odijitcige8ini8an 20:21

Nigi 8idama8ag kakina a8iagog, Coda8innig acitc ega ka Coda8inni8i8adj, kidji an8endizo8adj, kidji koki nazika8a8adjin Kije Manidon, acitc kidji teb8eta8a8adjin Jesosan ka Tibeniminak.

Jesos Odanodaganan Odijitcige8ini8an 4:10

Ninada8endananan kidji kikendameg, kina8a kakina acitc kakina Israel a8iagog, Jesos Christ, Nazaret ka odjidj, 8in omacka8izi8in 8edji ki kackitodj kidji pimosedj aa nabe ka makizipan. Jesos kigi nisa8a tcibaiatigokag, Kije Manido dac ogi abidjibaan. 8aa nabe makiziban, nogom dac Jesos omacka8izi8ini 8edji ki kackitodj kidji naniba8idj egi kigedj.

Jesos Odanodaganan Odijitcige8ini8an 4:33

Anodaganag ki kitci minagani8i8ag macka8izi8ini kidji paba tibadjimo8adj egi abidjibandjin Jesosan ka Tibendjigendjin. Kakina ka teb8etamo8adj ogi kitci minigo8an Kije Manidon okitci ca8endjige8ini.

1 Konit 15:13

Kicpin teb8e ega abidjibaagani8i8apan igi8e ka nibo8adj, ka8in dac ke8in ki odji abidjibaagani8isidok Jesos Christ.

1 Konit 15:16

Kicpin mega Kije Manido ega ki abidjibaag8enin ini8e ka nibondjin, misa dac ka8in ke8in Jesos Christ ododji abidjibaigosidog8enan Kije Manidon.

1 Konit 15:20

Teb8e sa dac Jesos Christ ogi abidjibaigon Kije Manidon. 8intam ki abidjibaagani8i, 8abadai8emagani dac igi8e kagi nibo8adj kidji abidjibaagani8i8adj ke8ina8a.