1 Konit 14:7 - Kije Manido Odikido8in: Ocki Mazinaigan

⁷ Mamidonendamok oo. Apitc nodag8atcigani8ag ka podadjigadeg nodag8atcigan kek8an mad8eabigibidjigan, kicpin ega k8aiak initag8ag, ka8in kada nisidotcigadesinon adi enitag8ag.

1 Konit 14:7 Iomraidhean Croise

Matio 11:17

‘Nigi nodag8atcigemin, ka8in dac kidodji nimisim. Mina8adj dac nibo8ini nigamo8inan nigi nigamomin, kiabadj dac ka8in kidodji ma8isim.’

Min8adjimo8ini kagi ojibiag kitcit8a Lok 7:32

Mi maia tabickotc abinodjijag ka odamino8adj ejinagozi8adj, pepakan ka taji okogaba8i8adj ka iji ada8ani8anig, acitc ka pabibagimidi8adj oo8eni: ‘Nigi nodag8atcigemin, ka8in dac kidodji nimisim. Mina8adj dac nibo8ini nigamo8inan nigi nigamomin, kiabadj dac ka8in kidodji ma8isim.’

1 Konit 13:1

Kicpin nin kackito8an kidji ijigij8eian kakinagotc ijigij8e8inan ooma akikag acitc 8a8adj ajenig odijigij8e8ini8a, pekic dac ega sagii8eian, kitci anica nidanim8e. Mi maia tabickotc motci 8ictad8e8ebikaigeiaban kek8an anica mad8esido8aban mad8esidjigan epitendag8ag.

1 Konit 14:6

Nidjiki8eg! Kicpin pijaian kina8akag e pakanigij8eian, adi dac kegi odji 8idjiinagok? Kicpin 8i 8idjiinagok, panima ki 8idamonagok teb8e8ini Kije Manido kagi 8idamaojidj, kek8an ki tibadjimo8an ini kegonan Kije Manido kagi pi kikendamonijidj, kek8an ki tibadjimo8an Kije Manido odikido8in, kek8an kegon kidji kikinoamaonagok.

1 Konit 14:8

Acitc kicpin pejig cimaganic ega 8e8enda initag8atodj ka podadjigadenig nodag8atcigani kidji nd8e8emadjin kodagian cimaganican ka iji migadinani8anig, ka8in a8ian kada ijasi8an iima ka iji migadinani8anig.