1 Konit 14:30 - Kije Manido Odikido8in: Ocki Mazinaigan

³⁰ Meg8adj a8iag taji anim8edj, kicpin Kije Manido kegoni kikendamonadjin kodagian ini8e ka taji abindjin, panima kada poni anim8e aa8e, kidji gi anim8endjin kodagian ka abinipanin.

1 Konit 14:30 Iomraidhean Croise

1 Konit 14:26

Nidjiki8eg! Adi ke todamegoban? Apitc ma8adjiidieg, pejig a8iag kada nigamo, kodag dac a8iag kada kikinoamage Kije Manidon omin8adjimo8ini, kodag a8iag kada 8idamage adi ka igodjin Kije Manidon, kodag mina8adj kada pakanigij8e, mina8adj kodag kada inotamage adi ka ikidondjin ini ka pakanigij8endjin. Kakinagotc ejitaieg, todamok ka teb8etamo8adj ka ma8adjiidi8adj kidji aiamie8adj kidji odji madjigi8adj oteb8etamo8ini8akag.

1 Konit 14:29

Apitc ma8adjiidieg, igi8e ka tibadjimo8adj Kije Manidon odikido8ini, mi eta nijin kek8an nisin kada anim8e8ag. Kodagiag dac igi8e oga k8ag8e kikenima8an epitci teb8enig8enin ii ka ikidondjin.

1 Konit 14:31

Kakina dac kigagi tibadjimom Kije Manido odikido8in, aiackodj kidji anim8eieg, kakina a8iag kidji gi odji kikinoama8agani8idj acitc kidji gi odji 8idoka8agani8idj.

1 Konit 14:6

Nidjiki8eg! Kicpin pijaian kina8akag e pakanigij8eian, adi dac kegi odji 8idjiinagok? Kicpin 8i 8idjiinagok, panima ki 8idamonagok teb8e8ini Kije Manido kagi 8idamaojidj, kek8an ki tibadjimo8an ini kegonan Kije Manido kagi pi kikendamonijidj, kek8an ki tibadjimo8an Kije Manido odikido8in, kek8an kegon kidji kikinoamaonagok.