1 Konit 14:24 - Kije Manido Odikido8in: Ocki Mazinaigan

²⁴ Kicpin dac kakina e tacieg taji tibadjimo8eg Kije Manido odikido8in, apitc pi pidige8adj iima igi8e ega ka teb8etamo8adj acitc igi8e ega ka kikenimigo8eg adi ejitaieg, oga mamidonendana8a kakina ii8eni ka ikido8eg. “Nigi patadimin acitc niga odji tibakonigomin” kada inendamog dac.

1 Konit 14:24 Iomraidhean Croise

John 16:8

Midac apitc tag8icig, oga kikendamonan a8iagon ooma akig e patado8inni8indjin, acitc oga inan a8ian e k8aiak8abamijindjin Kije Manidon, acitc kidji pi tibakonigendjin Kije Manidon.

John 4:29

“Pijaok! Pi nda 8abamik aa nabe kagi 8idamaojidj kakina kegoni kagi pi aidian! Kadagi ijiseban na mi ini teb8e Kije Manido kagi ikidodj kidji pidjinija8adjin?”

Jesos Odanodaganan Odijitcige8ini8an 2:37

Apitc igi8e a8iagog ka nodamo8adj ini anim8e8inan, ki kitci kackendamise8ag. Midac ogi k8ag8edjima8an Pienan, acitc kodagian ini8e Anodaganan: “Nidjiki8enanag! Adi ke todamag?”

1 Konit 14:1

Mikidamok kidji sagieg8a kidjipimadizimi8ag, acitc enigokodeeieg mosa8endamok kidji odisigo8eg kekina8a Mino Manido oca8endjige8inan, a8acamej dac mosa8endamok kidji ca8enimigo8eg kidji gi tibadjimo8eg Kije Manido odikido8in.

1 Konit 14:16

Kicpin dac kin taji icpenimadj Kije Manido e pakanigij8ean, a8iag dac pidigedj ega kikendag adi ejitaian, ka8in kiga nisidotagosi adi ekido8an. Adi dac kegi odji ikidodj “amen” apitc ick8a aiamie8adj?

1 Konit 2:15

A8iag ka kigickagodjin Mino Manidon, 8in oga nisida8inanan kakina kegonan adi ejinag8anigin, kicpin men8acinig8enin kek8an meanadanig8enin. Kodagian dac a8ian ega ka kigickagondjin Mino Manidon, ka8in ogagi nisida8inagosin kicpin epitci mino inakamigizig8en kek8an madji inakamigizig8en.