1 Konit 14:12 - Kije Manido Odikido8in: Ocki Mazinaigan

¹² Kina8a dac teb8e kikitci nda8endana8a kidji odisigo8eg Mino Manido oca8endjige8inan, enigok dac k8ag8edjitaok kidji aiamegon ini ca8endjige8inan a8acamej ke 8idokago8adjin kakina ka teb8etamo8adj ka taji ma8adjiidi8adj.

1 Konit 14:12 Iomraidhean Croise

Ojibiama8agani8i8ag ka teb8etamo8adj Rom odenakag 14:19

Pijicig dac kida k8ag8e mino 8idji8idimin pekadendamo8inikag, acitc kida k8ag8e 8idokodadimin, kakina pepejig ka taciak kidji gi sogigaba8iak kiteb8etamo8ininakag.

1 Konit 12:31

Mosa8endamok dac enigokodeeieg Kije Manido kidji minigo8eg ma8adji ka kitci apitendag8anigin ca8endjige8inan. Nogom dac kiga 8abadaigom inadizi8in ma8adji ka kitci apitendag8ag.

1 Konit 12:7

Mino Manido 8abadai8e kakina pepejig ka tacieg e kigickago8eg, kidji gi 8idjiidieg kakina pepejig e tacieg.

1 Konit 14:1

Mikidamok kidji sagieg8a kidjipimadizimi8ag, acitc enigokodeeieg mosa8endamok kidji odisigo8eg kekina8a Mino Manido oca8endjige8inan, a8acamej dac mosa8endamok kidji ca8enimigo8eg kidji gi tibadjimo8eg Kije Manido odikido8in.

1 Konit 14:13

Aa8e dac ka pakanigij8edj, inendagozi kidji pagosenimadjin Kije Manidon kidji gi ca8enimigodjin kidji gi kackitodj kidji inotamagedj odikido8in.

1 Konit 14:26

Nidjiki8eg! Adi ke todamegoban? Apitc ma8adjiidieg, pejig a8iag kada nigamo, kodag dac a8iag kada kikinoamage Kije Manidon omin8adjimo8ini, kodag a8iag kada 8idamage adi ka igodjin Kije Manidon, kodag mina8adj kada pakanigij8e, mina8adj kodag kada inotamage adi ka ikidondjin ini ka pakanigij8endjin. Kakinagotc ejitaieg, todamok ka teb8etamo8adj ka ma8adjiidi8adj kidji aiamie8adj kidji odji madjigi8adj oteb8etamo8ini8akag.

1 Konit 14:5

Ninada8endan kakina pepejig e tacieg kidji pakanigij8eieg, anic dac ma8adji eji nda8endaman, kidji tibadjimo8eg Kije Manido odikido8in. Kicpin a8iag pakanigij8edj, panima a8ian oga inotamagon, kidji odji 8idoka8agani8indjin kakina ka teb8etamindjin ka taji ma8adjiidindjin. Ega dac iidi ijiseg, na8adj apitendag8an kidji tibadjimo8eg Kije Manido odikido8in apitc8in kidji pakanigij8eieg.

Tite 2:14

Ki pagidenimidizo kina8it odji, ega mina8adj kidji tibenimigo8akonin kipatado8ininanan, acitc kidji gi paiekideeiak, odanicinabeman kidji apitendagoziak, e 8i mino ijitcigeiak.