1 Konit 10:27 - Kije Manido Odikido8in: Ocki Mazinaigan

²⁷ Kicpin dac a8iag ega ka teb8etag odji nd8e8emigo8eg kidji nda 8isinieg omigi8amikag, kicpin dac 8i ijaieg, mi iji midjiok 8egonenigotc ke minigo8eg. Ka8in mamakadj kiga k8ag8ed8esim adi ka odinag ii midjimini.

1 Konit 10:27 Iomraidhean Croise

Min8adjimo8ini kagi ojibiag kitcit8a Lok 15:23

Pijiok mictozoc ma8adji ka kitci adjibodj acitc nicik. Min8endadan acitc magocedan.

Min8adjimo8ini kagi ojibiag kitcit8a Lok 19:7

Kakina a8iagog kagi 8abage8adj, ka8in odji pejig min8endasibanig, acitc ki ikido8ag: “A8i tajike aa nabe ka madji inadizindjin omigi8aminikag.”

1 Konit 10:25

Kakinagotc dac 8ias ada8agamig ka iji ada8ani8ag, mi iji midjiok. Ka8in mamakadj nanada kikendakegon adi 8edinigadeg ii 8ias, kicpin epitci inendagozi8eg8en kidji midjieg.

2 Konit 1:13

Midac apitcigotc ojibiamago8eg, kinada8enimigom kidji nabo8adameg acitc kidji nisidotameg. Nogom dac pagi eta kinisidotaojinam, kinada8eniminom dac kidji ani nisidotaojiag 8e8enda. Apitc dac koki tag8icig ka Tibeniminak Jesos, kiga kitci inenimijinam, tabickotc kenina8it ke iji kitci inenimigo8eg.

2 Konit 4:2

Ka8in dac kegon nidiji kimodakamigizisimin, acitc ka8in nidagadakamigizisimin. Ka8in a8iag ni8agackibinasi8anan, acitc ka8in kegon nidadjibidosinanan apitc tibadjimo8ag Kije Manido odikido8in. Tiegodj, 8e8enda ni8idamagemin 8egonen ii teb8e8in, kidji gi kikenimigo8ag e teb8eiendagoziag. Kije Manido nikikenimigonan e teb8eiag.

2 Konit 5:11

Kitci 8e8enda nimanadjianan Kije Manido, midac 8edji k8ag8e cagozomagid8a a8iagog. Maiagotc nicabo kikenimigonan Kije Manido, acitc nikitci nda8endan kidji kikendameg kekina8a adi maia 8edjidagotc teb8e enadiziag.