1 Konit 1:19 - Kije Manido Odikido8in: Ocki Mazinaigan

¹⁹ 8adan oo8e ka mazinadenig Kije Manido Omazinaiganikag: “Niga 8abadaag ega odji pejig e min8acinig ka kagita8endamo8adj okagita8endamo8ini8a, acitc maia niga 8isk8emag ‘nikitci omidonendjiganimin’ ka inendamo8adj.” Ésaïe 29.14

1 Konit 1:19 Iomraidhean Croise

1 Konit 3:19

Igi8e mega a8iagog ooma akikag “maia ka kagita8endamo8adj” ka inenimagani8i8adj, Kije Manido 8in okagibadeniman. Mazinadeni mega Kije Manido Omazinaiganikag: “Kije Manido mega okatcidinan ka kagita8endamindjin a8iagon 8ina8a tibina8e eji 8aiejimi8endjin.” Job 5.13

1 Konit 4:10

Niki8ack8eienimigomin osa mega nikagik8emin Jesos Christ e mikomagidj, kina8a dac 8in “nikagita8endananan” kidinenimidizom, osa Jesos Christikag kidiji tibendagozim. “Cagozi8ag” nidinenimigomin, kina8a dac 8in “nimacka8izimin” kidinenimidizom. Nimaskenimigomin, kina8a dac 8in kikitci manadjiigom.

1 Konit 4:6

Nidjiki8eg! Nigi mikomidizonan acitc Apollos nigi mikoma, kidji 8idjiigo8eg kidji nisidotameg. Kinada8eniminom kidji inakamigizieg adi kagi iji ojibiigadeg kidji todamak. Ka8in dac kitci inadjimakegonig nandam a8iagog ka niganizi8adj, kodagiag dac igi8e kidji maskenimeg8a.