1 John 3:14 - Kije Manido Odikido8in: Ocki Mazinaigan

¹⁴ Kina8it dac, kikikendananan nogom egi nagadamak nibo8in acitc egi odisigo8ak kagige pimadizi8in. Kisagiananag mega kidjiki8enanag, mi 8edji kikendamak. Aa a8iag ega sagii8edj, mi maia kiabadj a8iag ka nibodj ejinagozidj.

1 John 3:14 Iomraidhean Croise

Matio 25:40

“Aa dac ogima oga nak8e8ajian: ‘Teb8e ki8idamonom, tasinigotc kagi mino toda8eg pejig oo ka taci8adj, nidjiki8eg ka inenimag8a, ega a8iagon ka apitenimigo8adjin, kenin kigi mino todaojim.’ ”

Min8adjimo8ini kagi ojibiag kitcit8a Lok 15:24

Nig8izis mega ooma ka tedj, ki nibo kagi inenimagiban, ki koki pimadizi. Ki 8anicinoban, acitc dac nigi koki mika8a,’ ki ikido. Midac ka iji kitci magocani8ag.”

Min8adjimo8ini kagi ojibiag kitcit8a Lok 15:32

Panima dac kida magocemin acitc kida min8endananan, kicimej mega ki nibo nidinenimaban, ki koki pimadizi dac. Ki 8anicinoban, nigi koki mika8a dac.’ ” Mi ka inadisokedj Jesos.

Min8adjimo8ini kagi ojibiag kitcit8a Lok 7:5

Misa8adj ega e Coda8inni8idj, kikitci sagiigonan kina8it ka Coda8inni8iak, acitc 8in kagi ojitodj Coda8inni aiamiemigi8amini ooma.”

John 13:35

Midac kicpin sagiidieg pepejig e tacieg, kakina a8iag oga odji kikendan e nosoneojieg,” ogi inan.

John 15:12

Mi oo e 8idamonagok panima kidji todamegoban. Sagiidiok kakina pepejig e tacieg, tabickotc eji sagiinagok.

John 15:17

Sagiidiok dac kakina pepejig e tacieg. Mi ka iji 8idamonagok kidji todameg.”

John 5:24

“Teb8e ki8idamonom, a8enenigotc ndotag ka ikido8an acitc teb8eta8adjin ini8e ka pidjinijaojindjin, kagige pimadizi8ini odaian. Ka8in dac kada tibakonagani8isi, tiegodj aja ki ag8acimagani8i ega kidji nibodj, acitc aja odaian kagige pimadizi8ini.

2 Konit 5:1

Ooma 8akidakamig, 8ia8 kidaiananan ka cagozimagag, mi maia tabickotc nibagan ejinag8ag, ke nici8anadag nigodin. Kikikendananan dac e aiamak ocki 8ia8 8ak8ig, apanigotc ke tag8ag. Mi maia tabickotc migi8am ejinag8ag, Kije Manido kagi ojitodj, ka8in 8in a8iagog.

Kalecia 5:22

Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,

Epes 1:15

Mi 8edji mig8etc inag Kije Manido kina8a odji. Nigi nodan mega adi inigik kiabadj eji teb8eta8eg Jesos ka Tibendjigedj. Nigi nodan acitc adi inigik eji sagieg8a kakina Kije Manido odanicinabeman.

Epes 2:1

8eckadj ako, mi maia pejig8an kagi nibo8egoban ka ijinagozieg, osa mega kinita patadina8aban acitc kipanaagena8aban ako.

Epes 2:5

Mi maia pejig8an kagi nibo8akoban ka ijinagoziak, osa mega kinita patadinanaban. Misa8adj dac, Kije Manido kigi koki pimadiziigonan, tabickotc kagi iji koki pimadiziadjin Jesos Christan. Maiagotc kigi 8abadaigo8a adi epitci kije8adizidj, e kitci ca8enimigo8eg kidji ag8acimigo8eg.

Kolosi 1:4

Nigi nodagemin mega adi epitci teb8eta8eg Jesos Christ acitc adi epitci sagieg8a kakina Kije Manido odanicinabeman.

1 Tesalonika 4:9

Ka8in mamakadj kiga ojibiamagosim kidji 8idamago8eg adi enendagozieg kidji iji sagieg8a kodagiag ka teb8etamo8adj. Kina8a mega tibina8e kigi kikinoamago8a Kije Manido kidji sagiidieg kakina pepejig e tacieg.

Ebaro 13:1

Ka8in poni sagiidikegon kakina pepejig e tacieg, kidiji 8idjiki8edim mega kiteb8etamo8ini8a odji.

1 Pien 1:22

E ndotameg Kije Manido oteb8e8in, kigi odji paiekideem. 8e8enda dac kigi ani sagia8ag Kije Manido odanicinabeman. Apanigotc dac sagiidiok pepejig e tacieg enigokodeeieg.

1 Pien 3:8

Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.

2 Pien 1:7

Kitci nak8iok kina8a ka teb8etameg kidji ani mino 8idji8idieg kakina pepejig e tacieg, tabickotc maia 8idjiki8emidiegoban, acitc kitci nak8iok kakina a8iagog kidji ani sagieg8a.

1 John 2:3

Kicpin dac teb8e todamak adi ka iji min8endag Kije Manido, kikikendananan teb8e e kikenimaiak Kije Manido.

1 John 3:23

Mi oo8e ka kikinoamago8ak. Panima kida teb8eta8anan Jesos Christ 8in Kije Manido Og8izisan e aiaa8idj, acitc kida sagiidimin kakina pepejig e taciak, adi ka iji kikinoamago8ak.

1 John 4:12

Ka8in 8ikad a8iag ododji 8abamasi8an Kije Manidon. Kicpin dac sagiidiak pepejig e taciak, Kije Manido kiga 8idjiogonan, acitc kada 8abadjigadeni dac epitci kitci sagii8edj, 8abamigo8ak adi enadiziak.

1 John 5:13

Kidojibiamonom oo8e kidji kikendameg aja e aiameg kagige pimadizi8in, kina8a ka teb8eta8eg Kije Manido Og8izisan.

1 John 5:2

Kicpin sagiaiak Kije Manido, acitc ijitcigeiak 8in ekidodj kidji todamak, misa dac kikikendananan e sagiaiakonig Kije Manido odabinodjijiman.