Kewalilu 10:2 - Alla la Kitabu Seniman

² Kɔrinɛli ni a la denbaya bɛɛ sɛɛbɛ donni tɛrɛ ye Alla batola. Ii silanni Alla ɲɛ. A tɛrɛ ye fantanilu sɔla kosɛbɛ, ka Alla matara tuma bɛɛ.

Kewalilu 10:2 Iomraidhean Croise

A Damira 18:19

N da a ɲenematɔmɔn, kosa a ri a denilu ni a bɔnsɔn bɛɛ jamari ko ii ye n na sila taama telenbaya rɔ. Ni ii ka wo kɛ, n di n na teriya mafa, n ka mɛn ta Iburahima yɛ.»

Matiyu 25:17

Mɛn ka waa fila sɔrɔn, ale fanan ka a ta kɛ ɲa kelen wo ma, ka gbanan saninnama waa fila gbɛrɛ sɔrɔn tɔnɔ ri.

Luka 18:1

Nba, wo kɔ, Isa ka kuma kɔrɔlama do fɔ ka a la karandenilu karan, ka a masɔrɔn a ye a fɛ ii ye to Alla matara tuma bɛɛ. Ii kana jiitɛɛ ka wo boloka.

Luka 2:25

Wo tuma, cɛɛ do tɛrɛ ye Jerusalɛmu ye, mɛn tɔɔ ko Simeyɔn. Mɔɔ ɲuma le tɛrɛ; a silanni Alla yɛ a ɲa jɛrɛ jɛrɛ ma. Alla tun ka kisiba lahidi mɛn ta Isirayɛlikailu yɛ, Simeyɔn tɛrɛ ye wo dafa makɔnɔla. Alla la Nii Sɛniman tɛrɛ ye Simeyɔn kan.

Kewalilu 10:22

Woilu ka Piyɛri jabi: «An bɔni Kɔrinɛli wara le. Kɛlɛden kuntii do le a ri. Mɔɔ telenni de, a silanni Alla ɲɛ. Yahudiyailu bɛɛ ye a tɔɔɲuma fɔla. Nba, Alla la mɛlɛka sɛniman ka a fɔ a yɛ ko a ye i kili ka wa a wara, sa a ri a tolo malɔ i la kuma la.»

Kewalilu 10:31

A ka a fɔ ko: ‹Kɔrinɛli, i ra Alla matara mɛn kɛ, Alla ra wo mɛn. I ra bolokolonilu sɔ, a ma ɲina woilu kɔ.

Kewalilu 10:35

Siya siya rɔ, mɔɔ mɛn silanni Alla ɲɛ ka telenbaya kɛ, wo le duman Alla yɛ.

Kewalilu 10:4

Kɔrinɛli ka a ɲa lɔ a la silan dɔ. A ka a fɔ ko: «Faama, nfen de ɲin?» Mɛlɛka ka a jabi: «I la Alla tarailu ni i la bolokolonilu sɔ ko ra diya Alla yɛ. Alla ra a hankili to i rɔ.

Kewalilu 10:7

Mɛlɛka bɔra a tɔrɔfɛ ka wa tuma mɛn na, Kɔrinɛli ka a la bonkɔndɔ baaraden fila kili, a ni a jɛrɛ dɛmɛnba kɛlɛden do. Wo fanan sɛɛbɛ donni tɛrɛ Alla bato ma.

Kewalilu 11:14

A ri kumailu fɔ i yɛ, mɛnilu ri i ni i la denbaya bɛɛ lakisi.›

Kewalilu 13:16

Pɔli ka i lɔ wo rɔ. A ka a bolo kɔrɔta ka a fɔ ko: «Isirayɛlikailu cɛɛilu ni Alla ɲɛsilanɲɛbailu bɛɛ, ai ye ai tolo malɔ.

Kewalilu 13:26

Pɔli ka a fɔ ko: «N badenmailu, Iburahima bɔnsɔnilu ni Alla ɲɛsilanɲɛbailu, Alla ra kisi ko kuma ɲin nase an bɛɛ ma.

Kewalilu 13:50

Nba, muso tɔɔlaman doilu tɛrɛ ye so kɔndɔ, mɛnilu tɛrɛ ye Alla batola. Yahudiyailu ka woilu ni so kɔndɔ mɔɔbailu kɔndasu. Ii wulira ka Pɔli ni Barinabasi tɔrɔ kojuuya ka ii gbɛn ka ii labɔ ii la jamana rɔ.

Kewalilu 18:8

Salibon wo kuntii Kiripusi ni a la denbayailu bɛɛ lara Maari la. Korɛntika mɛnilu ka Pɔli la kuma mɛn, woilu siyaman fanan lara Isa la ka sun ji rɔ.

Kewalilu 2:5

Wo ka Yahudiya siyaman jiyani tɛrɛn Jerusalɛmu, mɛnilu ye Alla ɲɛsilanɲɛbailu ri. Ii bɔni dunuɲa jamana bɛɛ rɔ.

Kewalilu 22:12

«Wo ka Alla ɲɛsilanɲɛba do tɛrɛn Damasi, mɛn tɔɔ ko Ananiyasi. Cɛɛ wo tɛrɛ ye Alla la sariya mirala kosɛbɛ. Damasi Yahudiyailu bɛɛ tɛrɛ ye a tɔɔ ɲuma fɔla.

Kewalilu 8:2

Alla ɲɛsilanɲɛba doilu ka Etiyɛn su don ka kasi kosɛbɛ a la saya ko rɔ.

Kewalilu 9:11

Maari ka a fɔ a yɛ ko: «I wuli ka sila ta, mɔɔilu ye a fɔla mɛn ma ko Sila Telenni. I ye wa Judasi wara, ka Tarisika do maɲininka, mɛn tɔɔ ko Sawuli. A ye n matarala sisen.

Kewalilu 9:31

Nba, wo tuma lemɛniya jama tɛrɛ ye jususuma rɔ Jude, a ni Kalile ni Samari. Maari tɛrɛ ye ii la lemɛniya sabatila. Ii tɛrɛ ye ii taamala Maari ɲɛsilanɲɛ le rɔ. Alla la Nii Sɛniman tɛrɛ ye ii sɛɛbɛ donna. Wo rɔ, mɔɔilu tɛrɛ ye donna ka la lemɛniya mɔɔilu kan.

Kewalilu 9:36

Nba, Isa la karanden do tɛrɛ ye Jope so kɔndɔ. Wo tɔɔ ko Tabita. Mɔɔilu ye a fɔla a ma Kirɛkikan dɔ ko Dɔrikasi. Muso wo tɛrɛ ye koɲuma kɛla tuma bɛɛ ka fantanilu dɛmɛn.

Kɔlɔsikailu 4:2

Ai ye ai raja Alla matara ma, ka a to ai ɲana, ka baraka bila a yɛ.

Yakuba 1:5

Kɔni ni famunyali ka ai do jɛn, a ye Alla matara. Wo ri famunyali di a ma, baa Alla ye mɔɔ bɛɛ sɔla ka a wasa. A tɛ ii jalakila fo ka ii sɔ.

Yosuwe 24:15

Ni Allabatala bato ma di ai yɛ, ai ye maarilu suwandi bi, ai ye a fɛ ka mɛnilu bato. Ai benbailu tɛrɛ ye maari mɛnilu batola Efirati Ba kɔ, ai ye woilu suwandi. Ni wo tɛ, ai ye Amɔrikailu la maarilu suwandi, baa ai siini Amɔrikailu la jamana le rɔ ɲin. Nde kɔnin ni n na denbaya, andeilu ri Allabatala bato.»