Kalatikailu 2:9 - Alla la Kitabu Seniman

⁹ Yakuba ni Sefasi ni Yuhana mɛnilu tɛrɛ ye jatela ɲɛmɔɔbailu ri, woilu jɛrɛ ka a ɲayen ko Alla le ka ɲumaya kɛ n yɛ ka n kelaya. Wo le rɔ, ii ka ii bolo don Barinabasi ni nde bolo, ka a yiraka an na ko an bɛɛ ye baarakɛɲɔɔnilu le ri. An bɛnda a ma ko andeilu ye wa kibaro ɲuma lase siya gbɛrɛilu ma, woilu fanan ye wa wo lase faanintakɛlailu ma.

Kalatikailu 2:9 Iomraidhean Croise

Matiyu 16:18

N di a fɔ i yɛ fanan ko ile le Piyɛri ri, mɛn kɔrɔ ye ko farakolo. N di n na lemɛniya jama lalɔ farakolo wo kan. Saya ni a fanka tɛna nɔ sɔrɔnna dɛkuru wo ma.

Luka 22:8

Isa ka Piyɛri ni Yuhana kili ka ii lɔ kela la. A ka a fɔ ko: «Ai ye wa sali dɔɔnnin dabɛn an yɛ.»

Yuhana 1:42

Andere wara a kɔrɔcɛ ri Isa ma. Isa ka Simɔn mafɛne bɛrɛ bɛrɛ kɛ. A ka a fɔ a yɛ ko: «Ile le Simɔn di, Yuhana dencɛ. I ri i kili le butun ko Sefasi, mɛn kɔrɔ ye Piyɛri.»

Kewalilu 12:17

Piyɛri ka a bolo lawuli ko ii ye ii sabari. Maari ka a labɔ kaso la ɲa mɛn ma, a ka wo lase ii ma. Ko ii ye wo bɛɛ fɔ Yakuba ni ii badenmailu yɛ. Wo kɔ rɔ, a bɔra ye ka wa yɔrɔ gbɛrɛ rɔ.

Kewalilu 15:13

Pɔli ni Barinabasi banni kumala, Yakuba ka a fɔ ko: «N badenmailu, ai ye ai tolo malɔ n kan na.

Kewalilu 15:7

Ii mɛnda kumala wo ka a fɔ kosɛbɛ. Wo kɔ rɔ, Piyɛri ka i lɔ ka a fɔ ii yɛ ko: «N badenmailu, ai jɛrɛ ka a lɔn ko Alla ka n suwandi ai tɛma waati taminni. A ka a fɔ ko n ye kibaro ɲuma lase siya gbɛrɛilu ma, kosa ii ri wo mɛn ka lemɛniya Isa ma.

Kewalilu 4:36

Nba, cɛɛ do tɛrɛ ye, mɛn tɔɔ ko Yusufu. Lebi bɔnsɔn do le tɛrɛ a ri ka bɔ Sipere. Talibidenbailu ka a tɔɔ la ko Barinabasi, mɛn kɔrɔ ye ko dencɛ mɛn ye mɔɔ sɛɛbɛ donna.

Kalatikailu 1:16

ka a Dencɛ yiraka n na sa n di a la ko fɔ siya gbɛrɛ mɔɔilu yɛ, n ma hankili ɲinin mɔɔ si la.

Kalatikailu 1:18

San sawa taminni kɔ, n wara Jerusalɛmu, sa n ni Sefasi ri kuma an ɲɔɔn fɛ. N ka tele tan ni loolu kɛ a tɔrɔfɛ.

Kalatikailu 2:1

Nba, san tan ni naanin taminni kɔ, nde ni Barinabasi wara Jerusalɛmu ikɔ tuun. N wara Tite fanan di.

Kalatikailu 2:2

N na wa kun kɛra mɛn di Alla le ka a fɔ n yɛ ko n ye wa. N seni ye, n ye kibaro ɲuma mɛn nasela siya gbɛrɛilu ma, n ka wo yiraka mɔɔbailu la ii la ɲɔɔnyen dɔ ka a ɲafɔ ii yɛ. N ka wo kɛ ka a masɔrɔn n tun tɛ a fɛ n na baara ye kɛ baara fuu ri, n tun ka mɛn kɛ kɔrɔman na, a ni n tɛrɛ ye mɛn kan wo waati la.

Kalatikailu 6:3

Ni mɔɔ mɛn ye a mirila ko ale ye mɔɔ ba ri, ka a tɛrɛn a tɛ foyi ri, wo tii ye a jɛrɛ le lafilila.

Efɛsikailu 2:20

Ai ra kɛ ikomin bon mɛn ju lani kabailu la. Wo kabailu kɛni talibidenbailu ni nabiilu le ri. Isa Ɲenematɔmɔnin jɛrɛ le bon tonkon kaba bɛrɛ ri.

Efɛsikailu 3:8

Hali n dɔɔman mɔɔ sɛnimanilu bɛɛ ko, adon Alla ra a la hina latɛɛ n ma, ko n ye Ɲenematɔmɔnin na ko Kibaro Ɲuma nɔɔrɔ banbali lase siya gbɛrɛilu ma.

Kɔlɔsikailu 1:29

N ye baarala gbɛlɛya rɔ wo ko le ma, ka n sebaya don a fanka ba rɔ mɛn ye baarala n dɔ fanka la.

Yuhana Fɔlɔ 1:3

An ka mɛn yen, ka mɛn mɛn, an ye wo le fɔla ai yɛ, sa ai fanan di don an na duɲɔɔya rɔ, andeilu mɛnilu ye Fa Alla ni a dencɛ Isa Ɲenematɔmɔnin na duɲɔɔya rɔ.