Efɛsikailu 1:10 - Alla la Kitabu Seniman

¹⁰ kosa a ye wo lakanbali a waati wa se. Wo sawo le ten ko a ye fen bɛɛ ladɛn, mɛnilu ye sankolo ni duukolo kan, ka Ɲenematɔmɔnin to woilu bɛɛ kun na.

Efɛsikailu 1:10 Iomraidhean Croise

A Damira 49:10

Faamaya gbeleke tɛ bɔ Yahuda bolo. Mansaya gbeleke ri to a bɔnsɔn bolo fo mansaya tii wa na, dunuɲa bɛɛ ri i majii mɛn kɔrɔ.

Matiyu 25:32

Dunuɲa siyailu bɛɛ ri ii ladɛn a ɲakɔrɔ. A ri ii fara ka ii bɔ i ɲɔɔn dɔ, ikomin saagbɛngbɛnna ye saailu ni baailu farala ɲa mɛn ma ka ii bɔ i ɲɔɔn dɔ.

Kalatikailu 4:4

Kɔni Alla la waati latɛɛni sera tuma mɛn na, a ka a dencɛ lana. Muso le ka a sɔrɔn. A sɔrɔnda Nabi Musa la sariya kɔrɔ,

Efɛsikailu 1:22

Alla ra fen bɛɛ to Ɲenematɔmɔnin sen kɔrɔ, ka a kɛ fen bɛɛ kun di lemɛniya jama kun na.

Efɛsikailu 2:15

Ale le ka sariya ban a ni a la jamariilu ni tɔnilu, ka wo jama filailu bɛɛ kɛ mɔɔ kura kelen di a jɛrɛ rɔ, ka jususuma lana ii tɛma,

Efɛsikailu 3:15

denbaya bɛɛ tɔɔ farani mɛn na mɛnilu ye sankolo ni duukolo kan.

Efɛsikailu 3:2

N lani a la, ai ra a lamɛn Alla ka hina mɛn natɛɛ n ma kosa n ye ai dɛmɛn.

Kɔlɔsikailu 1:16

Ka a masɔrɔn Alla ra fen bɛɛ dan ale baraka rɔ sankolo ni duukolo kan, fen mɛnilu ye yenna a ni mɛnilu tɛ yenna, mansayailu, kuntiilu, fankatiilu, ni faamailu. Fen bɛɛ danni ale le baraka rɔ ale yɛ.

Kɔlɔsikailu 1:20

A ra sɔn fanan, a ye woilu ni fen bɛɛ tɛmala rabɛn mɛn ye duu ni sankolo ma a la Mɔɔ Ɲenematɔmɔnin baraka rɔ. A jeli bɔra ka faa gbɔngbɔn jiri ma kosa a ye jususuma di an ma.

Kɔlɔsikailu 3:11

Wo danni kura rɔ, Kirɛkikailu ni Yahudiyailu, kanbarenilu ni faanintakɛbaliilu, londanilu ni ɲamakabaliilu, jɔnilu ni hɔrɔilu, Ɲenematɔmɔnin ye fen bɛɛ le ri bɛɛ yɛ, fanka ye a la ko bɛɛ rɔ.

Piyɛri Fɔlɔ 1:20

Alla tɛrɛ ra wo suwandi yani dunuɲa ye dan, ka a labɔ kɛnɛma ai le la ko rɔ waati laban ɲinilu rɔ.