Mathai 26:24 - Asang Khongso New Testament

²⁴ Cabu Kacai mah a thuih ih batiah Kami Capa loa dueh tih, to-e Kami Capa nuiah paipi alae kami hanih loa khosak a bingh! To kami loa zah aiah om ngala nahaeloa anih hanih loa hoih kue han tomah,” tiah a naa.

Caekäcai Kangthae (Lemi)

²⁴ Caekäcai ma tärü te kätyng Kai, Khimi üng Cäpaw, lä dü vi ai. Tungaila Kai, Khimi üng Cäpaw, bung täre na kö thung-a a saite khimi lä tähang si. Honi khimi aepeng y khyry dylä, äni tähang lä hawiky” näkha näpa.

Mathai 26:24 Iomraidhean Croise

Mathai 18:7

Longprae ah kaminawk ih taanghaih kamrosakkung hmuennawk a oh mang pongah zitman oh parai. Tobatih loa om toemoe tih, to-e tobatih ka omsakkung hanah loa natanto maw khobingh!

Mathai 26:31

Topacoengah Jesuh mah anihcae khaeah, “Vaiduem roeroe ah nangcae boih mah na cawn o tak king ueloa kaimah khueh ah amcin sut tih, kawmawtiah Cabu Kacai mah, ‘Sithaw mah tuukroekung to hum ueloa tuuhu thungih tuu to ampraek dung tih,’ tiah a thuih.

Mathai 26:54

To-e totiah om soehaeloa Cabu Kacai mah hitiah om roe tih, tiah a thuih ih to kawbangmaw akoep thaih tih loa?” tiah a naa.

Mathai 26:56

To-e tahmanawk mah Cabu Kacai thungah tarik ih acunghaih hanah ni hibatih hae a oh,” tiah a naa. Tona-ah a hnukbangnawk boih mah Jesuh to a caeh o tak moa a cawnh o tak phang.

Marka 14:21

Kami Capa loa dueh tih, tiah Cabu Kacai mah thuih ih batiah dueh tih; to-e Kami Capa nuiah paipi alaekung han-iah loa hmabang khosak bingh! Tacawt aiah om ngala nahaeloa hoih kue han tomah!” tiah a naa.

Marka 9:12

Jesuh mah, “Tiboih to coengcoe ta-ah sak coek hanah Elijah loa angzo tangtang tih. To-e tipongmaw Cabu Kacai mah ‘Kami Capa loa katingai patang khang ueloa tahnawng o sut tih’ tiah a thuih?

Luka 22:22

Sithaw mah lok takroek tangcae batiah Kami Capa loa dueh tih, to-e kai nuiah paipi alaekung hanah loa khosak bingh!” tiah a naa.

Luka 24:46

Anihcae khaeah, “Tarik ih loa hi ni: Messiah loa patang khang ueloa ni thumto pacoengah duekhaih thung hoitoah angthawklet tih,

Johan 17:12

Anihcae hoiah ka oh nathuemah nangmah kai nang paek ih na hmin hmuensak thaihaih hoiah anihcae to kasueng ta-ah ka toepkawt. Cabu Kacai mah a thuih ih to acung haih hanah anghmat hanah ka om roe kami longto tiaialoa longto doeh anghma angtaa ai; kaimah kang dungh o king.

Johan 19:24

Risanawk mah, “Ahi laihaw kathuk loa asik o hmah sih. Amimah maw ka coe han tito panoekhaih hanah qoihcung azuk o sih,” tiah a ti o. Hitiah hmuen ka om hae Cabu Kacai thungah tarik ih acunghaih hanih ni. Cabu Kacai mah, “Kai ih khukbuenhnawk loa amzet o moa, Kai ih laihaw kathuk to qoihcung azuh o,” tito acunghaih hanih ni. Totiah to risanawk mah a sak o.

Johan 19:28

Jesuh mah tiboih acung king boah tito panoek moa Cabu Kacai mah a thuih ih to acunghaih hanah, “Tui kanghae,” tiah a tih.

Angtawtha 2:23

Sithaw angmah ih khokhanhaih ih batih toengah Jesuh to nangcae khaeah paek hanah dawn oekcoek ih boah ni; kami kazaenawk mah anih to kraws nuiah takhing moa na hum o.

Angtawtha 28:23

Topongah Paul hoiah angqum hanih ani to adok o moa ato ni ah to Paul toemhhaih ih khaeah kami paroeai angzoh o. Akhawnbang hoikamtong aduembang khoekto Sithaw Poenghaih kawng tamthang to kacai ah a thuih pae, Mosi ih Tawklok hoi tahmanawk mah tarik ih thung hoitoah a lak moa Jesuh kawng to thaihkopsak hanah a zom moa a thuih pae.

Angtawtha 4:28

Nangmahcae ih tharahhaih hoi patoephaih hoiah ka om hankoi na thuih o coek ih cungriboih to sak hanah anihcae loa amkhueng o.

1 Korin 15:3

Ka hak ih lokpui parai tiah nangcae khaeah kang thuih patoeng ih loa hi ni: Cabu Kacai thungah tarik ih batih toengah Khrih loa aicae zaehaih pongah a duek;