Marka 13:9 - Asang Khongso New Testament

⁹ “Nangmahcae hoi nangmahcae to acoe oah. Mimah na naeh o ueloa lokcaek zung ah na hoii o tih. Sinakok thungah na bop o tih; kai pongah ukkung hoi sangpahrangnawk ih hma-ah nangdoe o ueloa anihcae khaeah Tamthang Kahoih to na thui o tih.

Caekäcai Kangthae (Lemi)

⁹ “Nang ce lä kähawi-a sädi khai ö. Khimi ce ma nang ce bung jung kai-a nähai ö ai. Judae na üng ingkäcai na thung-a nang ce tea bo ö ai. Nang ce lä kai phüng-a pre pyng saite na hai sanphrang na üng maw-a tyng kha Angthang Kähawi äni ce tea thui ö ai.

Marka 13:9 Iomraidhean Croise

Mathai 5:22

To-e vaihi kang thuih o: Ami doeh naukamza nuiah palungphui kami boih loa lokcaekhaih zung ah caeh haih ah om tih. Ami doeh naukamza to ‘Tidoeh na vanglang ai,’ tiah ka naa kami loa lokcaekkung hma-ah phak haih ah om tih, ami doeh naukamza to, ‘Kamthu kamling,’ tiah ka naa kami boih loa hell hmai thungah krah tih.

Marka 1:44

anih khaeah, “Tahngai ah! Hi kawng hae mita khaeah doeh thui hmah. To-e Qaihmanawk khaeah caeh poe aloa na khen na soe; topacoengah mi boih mah a thoeng boah tito panoek hanah Mosi mah lokpaek ih batih toengah angbawnhaih to sah ah,” tiah a naa pae.

Marka 13:5

Jesuh mah anihcae khaeah, “Acoe aha oah, mita mah doeh na ling o hmah na soe,” tiah a naa.

Marka 13:8

Prae maeto hoi maeto, caeng maeto hoi maeto misa angtuh o tih. Hmuenh kruekah talihnawh ih om ueloa takang thok tih. Hi hmuennawk hae loa naukta zah tom na-ih zokna hmaloe batih ni a oh.

Marka 6:11

Avang maeto ah na phak o na-ah imtoemh paek han koeh o ai moa lok doeh tahngai han koeh o ai nahaeloa na khok pongih vaiphu to takhoek o thuih ah. Ato loa anihcae hanah acoehaih paek iah om tih,” tiah a naa pae.

Luka 9:5

Nangcae to imtoemh paek ai ih vang boih to loa caeh o tak aloa acoehaih paek iah khok pongih hmaiphu to takhoek thuih oah,” tiah a naa.

Johan 15:20

‘Misong loa angmah ih angraeng ponghdoeh len kue vaih ai,’ tiah kang thuih ih to palung thungah pakuem o toemoe ah. Kaminawk mah kai hae pacaekhlaek o nahaeloa nangcae to doeh pacaekhlaek o toeng tih; anihcae mah kai ih patukhaih to pazui o nahaeloa nangcae ih patukhaih to doeh pazui o toeng tih.

Johan 16:2

Sinakok thung hoitoah na haek o tih, nangcae ka hum kaminawk mah hitiah sak hae Sithaw tok ni ka sak o tiah dawn o haih ih atue to pha tih.

Angtawtha 21:11

Kaicae khaeah angzoh, Paul ih kaengkaeh to a lak moa a khok hoi a ban to taoeng pae moa, “Cai Pakhra mah hitiah a thuih: Hi kaengkaeh ka tawnkung hae hitiah Jerusalem ih Judah kaminawk mah taoeng o ueloa Gentel kaminawk ih ban thungah paek o tih,” tiah a naa.

Angtawtha 7:54

Lokcaekhaih Kawngsi ih kaminawk mah Stefen ih lokthuih to tahngai o na-ah katingai palungphui o moa anih to haa kaekthuih o.

Angtawtha 9:16

Topacoengah anih loa kai hanih pongah patanghaih pauep hanih boiboih to kaimah khaekhaeh mah kang patuek han,” tiah a naa.

Filipi 1:29

Kawmawtiah Khrih na taanghaih o ih pongh khueh aiah angmah patang khanghaih ih pauephaih pongah doehsoe Khrih ih toksak hanah nangcae taham tok to angpaek o boah.

2 Thesalon 1:5

Hinawk boih mah hae Sithaw lokcaekhaih ih loa a toeng tito amtuengsak. Topongah nangcae loa Sithaw Poenghaih hoiah avang kating kami ah na om o tih; totih hanah ni nangcae mah patang na khang o.

2 Johan 1:8

Topongah acoe oah, totisoe nahaeloa aicae mah toksak patoephaih ih to na sung o mak ai ueloa kawnvang to kacung ta-ah na hnuh o tih.

Lokphong 1:9

Kai loa nangcae ih amnauk Johan ah ka oh moa Jesuh ih hnukbang ah ka oh batiah Poenghaih thungah kaom kaminawk khaeah kangzo patang khanghaih ka pauep kaminawk hoiah nawnto ka pauep toengh kami ni. Sithaw lok hoi Jesuh mah taphong ih loktang lok to ka taphong pongah Patmos tuilanglum ah ang suek o.

Lokphong 2:10

Patang khanghaih na pauep hankoi to tidoeh zi hmah. Tahngai e! Diabol mah nangcae thungih thoemto to thongim ah pakhrah o tih, moa ni hato kraa tih. Duek han khoekto om langla cadoehsoe kai hanah oepom ta-ah om ah, pazawkhaih tho ah hinghaih lumuek to kang paek han.

Lokphong 2:13

Na ohhaih ih ahmuenh to ka panoek, Setan mah angmah ih angraeng tangkhang suekhaih ih ahmuenh ni. Kai hanah oepom ah na oh moa Setan ohhaih ih ahmuenh ah kai ih saksi oepom Antipas to hum o na-ah doeh kai taanghaih to na prawt sut ai.