Luka 8:13 - Asang Khongso New Testament

¹³ Hlungsaret nuiah ka krah cangti loa Sithaw ih tamthang lok to ka thaih moa palung kanghoe ta-ah ka talawk kaminawk ni. To-e palung thungah kathuk ah a num ai; nawnetta thung khueh ah a taang o, to-e tanoekcakhaih tue angzoh na-ah amtim o let.

Caekäcai Kangthae (Lemi)

¹³ Älung qawng-a aeqa te ämöti na lä Säthaw lo thai kha kawng bärai te hai yng praw saite khimi na tea thui te vi. Tungaila Säthaw lo äni ce üng bälung thung-a cakhi y te phüng-a tänaetä yng ö te kae. Mätangca saite aeting te kätü-a lä yng jawjaw ö y vi dy.

Luka 8:13 Iomraidhean Croise

Marka 6:20

Herod loa Johan to a zit, kawmawtiah Johan loa kami kahoih hoi kami kacai ah a oh tito a panoek. Topongah kasueng ta-ah a ohsak. A lokthuih ih a thaih roekto palungbetsak e a thuih ih tahngaih to loa a koeh toengtoeng bae.

Luka 8:12

Loklam ah ka krah cangti loa Sithaw ih tamthang lok ka thaih kaminawk ni; to-e Diabol to angzoh moa a taang o thaih han ai hoi pahlong ah oh o thaih han aiah palung thungih Sithaw lok to a lak pae ving ih kaminawk ni.

Luka 8:14

Khringzang thungah ka krah cangti loa Sithaw ih tamthang lok to a thaih o; to-e longnui khosak mawnhaih hoi angraenghaih koehhaih hoi longnui zongohhaih ih mah a muek kang moa natuek doeh athaih ka thaii vaih ai kaminawk ni.

Johan 15:2

Kai thungah athaih kathai ai tanghang boih loa aboeng king moa athaih kathai tanghang to loa a thoengsoek han hoi athaih aep hanah tanghang kahoih ai to a taep pae.

Johan 15:6

Ami doeh kai thungah ka om ai loa misur tanghang batiah vah ueloa angqo tih; tobatih tanghangnawk to loa lak cu moa hmai kamngaeh thungah thumh o moa a kang king.

Johan 5:35

Johan loa kangqong moa ka aang hmai-im batih ni a oh; a aanghaih thungah nawnetta thung khueh ni loa zongom ah oh hanah na koeh o.

1 Korin 13:2

Kai loa lokthuih thaihaih ih langrae to ka tawnh langla cadoehsoe, panoekhaih ih cungri hoi loktamqu kathuk kaning boiboih thaih thaihaih ih to ka tawnh langla cadoehsoe, mae angthuiisak thaihaih ih taanghaih khoekto ka tawnh langla cadoehsoe, amlunghaih ka tawn ai nahaeloa kai loa tidoeh na ai ni.

1 Korin 15:2

Nangcae khaeah kang thuih o ih lok loa Tamthang kahoih ni. Ato tamthang lok to kacak ta-ah na patawn o nahaeloa pahlong ah om o tih. Kacak ah na patawn o ai nahaeloa nangcae taanghaih ih loa azompui ah om tih.

Galati 3:1

Galati kami kamthunawk! Mimah maw na anh o? Jesuh Khrih kraws nuiah a duekhaih to nangcae ih mik pongah hoihdak ta-ah amtueng to loa!

Galati 3:4

Na hnuk na tongh o ih boiboih to loa azom ah maw om king tih boah? Azom ah loa om king mak ai roeroe!

Ephesi 3:17

taanghaih ranghoiah nangcae ih palungthin thungah Khrih mah a ohhaih ih im ah sak hanah kho ka phoeh. Nangcae mah tangzun hoi amprawkhaih takung to amlunghaih thungah na tawnh o thaih hanah kho ka phoeh bae vop,

Kolosa 1:23

Topongah takung amtonghaih ih kacak nuiah taanghaih hoiah angdoe o poe ah. Tamthang kahoih na thaih o na-ah na hak o ih oepdoenghaih to hinghong bakah om o hmah. Kai Paul, a tamtoeh ah ka coenghsakkung loa tamthang kahoih hae ni, hi tamthang kahoih loa longnui ih kami boiboih khaeah thuih ah oh boah.

Kolosa 2:7

Nangcae ih tangzun to angmah thungah kathuk ah pakhrah oloa nangcae ih hinghaih to angmah nuiah im batiah sah oah, nam tuk tangcae ah oh batih toengah na taanghaih ih pongah angcak o aep aep ah. Topacoengah palung anghoehaih hoiah koi oah.

1 Thesalon 3:5

Topongah ni Timote to kang patoeh. Ka awn kong boah moa nangcae ih taanghaih kawng to panoek hanah anih to kang patoeh. Diabol mah ang pacung o pongah kaicae ih toksakhaih ih boiboih to azom ah coeng king tih tihae ka mawnh.

1 Timote 1:19

na taanghaih ih hoi kasae kahoih panoekhaih ih kathoeng to omsak ah. Thoemto kami loa angmahcae ih kasae kahoih panoekhaih ih to pazui han koeh o ai pongah angmahcae taanghaih ih to amrosak o.

Hebrai 10:39

Aicae loa hnuk bangah kamlaem moa kanghma kami ah om o ai. Taanghaih ka tawn hoi pahlonghaih ka hak kami ah ni oh o.

Jako 2:26

Topongah pakhra ka om ai takbum loa duek, tobatih toengah sakhaih ih ka om ai taanghaih loa duek.

2 Piter 2:20

Aicae Angraeng hoi Pahlongkung Jesuh Khrih to anihcae mah panoekhaih ranghoiah longnui zaehaih panuetsoeh ka om thung hoitoah na loih o pacoengah panuet kaom zaehaih mah na naeh o moa pazawk o let nahaeloa, tobatih kaminawk loa tangsuek ih pongdoeh hnukkhuem ah a set o aep.

2 Piter 2:22

Hibatih anihcae nuiah hmuen kathok to Tamtuklok mah, “Ui loa angmah ih tamlok to a cak let,” tihoi “Ok loa tui pahluk pacoengah tangkae anghawt let,” tiah thuih ih tamtuklok hae ahmaan tito amtuengsak.

1 Johan 2:19

Hi kaminawk loa aicae ih angkomhaih thungah ka om tangtang na ai ni. Topongah ni loa aicae hae ang tacawt o tak; anihcae hae aicae ih angkomhaih thungih nahaeloa aicae khaeah hae om poe tih. To-e anihcae loa longto doeh aicae angkomhaih thungih kami na ai ni tito amnoek thai hanah anihcae mah aicae to angcaeh o tak.

Judae 1:12

Anihcae loa azathaih panoek ai hoiah nangcae ih angkom amzenhaih buh na cak o na-ah anihcae loa thoengkai ai anuen asoeh hoiah ahmong o. Angmahcae khueh taham to dawn o. Anihcae loa takhi mah hmuh romram ih khotui kaom ai tamai batih ni a oh o. Anihcae loa caw tue na-ah mataeng doeh athaih ka thai ai thingkung batiah a oh; tangzun hoi boih ah aphongh king moa ka dueh kangqo batih ni.