Lokphong 21:23 - Asang Khongso New Testament

²³ Vangpui loa nii aanghaih doehsoe, khrah aanghaih doehsoe aloe ai boah, kawmawtiah Sithaw lensawkhaih mah ato vangpui ah a aang moa Tuuca loa ato vangpui ih hmai-im ah a oh.

Caekäcai Kangthae (Lemi)

²³ Säthaw üng phung-ang lä honi märü qawng-a aevang kha Beram Caw lä maibung kaesang lawng te phüng-a märü lä käni üng kaevang, law üng kaevang tea ngai y vi dy.

Lokphong 21:23 Iomraidhean Croise

Mathai 16:27

Kawmawtiah Kami Capa loa Ampa ih lensawkhaih hoi angmah ih vanminawk hoiah angzo ngaepacae ueloa mi boih to a toksak ih taring ah kawnvang to paek tih.

Marka 8:38

Vaihi dung, Sithaw tamu suekhaih ai ih dung hoi tue kasae dung ah hae kami longlongto mah kaimah hoi ka patukhaih ih hae ka zat haih to loa Ampa ih lensawkhaih hoi vanmi kacainawk hoiah angzoh na-ah Kami Capa mah doeh azat haih toeng tih,” tiah a naa.

Luka 2:32

“Ato pahlonghaih loa Gentelnawk khaeah na koehhaih loklam patuekkung aanghaih iah oh moa, nangmah ih kami Israel kaminawk khaeah lensawkhaih ka phasakkung ah oh,” tiah a thuih.

Johan 1:14

Lok loa kami ah angcoeng moa aicae salak thungah a oh; tahmenhaih hoi loktang hoiah koi. Aicae mah anih ih lensawkhaih to hnuk o, ato lensawkhaih loa Ampa mah a Capa longto ta khueh a tawnh ih khaeah a paek ih lensawkhaih to ni.

Johan 1:18

Ami doeh Sithaw to hnuh vaih ai. Sithaw angmah hoiah vaanto ah ka om hoi moa Ampa ih saoek pongah ka om a Capa longto ta khueh mah hae Sithaw to amtuengsak boah.

Johan 1:4

Lok loa hinghaih takung ah oh moa ato hinghaih mah kami khaeah aanghaih to a paek.

Johan 1:9

Ato aanghaih loa longnui ah angzoh moa mi boih ka aangsakkung aanghaih tangtang ni.

Johan 17:24

“Pa! Anihcae to kai khaeah nang paek boah moa ka ohhaih khaeah kai hoiah oh hanah anihcae to ka koeh, tona-ah ni loa anihcae mah kai ih lensawkhaih nangmah nang paek ih to hnuh o thaih tih; kawmawtiah long sak ai nahlanah kai hae nang palung boah.

Johan 5:23

Topongah Pa to khangza o batiah mi boiboih mah Capa to doeh khangza o toeng tih. Ami doeh Capa khangza ai loa patoehkung Ampa to doeh khangza ai.

Angtawtha 22:11

Aanghaih to a aang lawnlai pongah ka mik a maengh, topongah ampuinawk mah ban hoiah ang yaeh o moa Damaskas vangthung ah to ang caeh o haih.

Lokphong 14:4

Anihcae loa nongpuinawk hoiah zaesakhaih ih om aiah angmahcae hoi angmahcae to kathoeng kacai ah kaom thendoeng kacuemnawk ni. Tuuca a caeh nakruek ah pazui o. Kami kanghmat thung hoi-ih krangkok ah oh o moa Sithaw hoi Tuuca khaeah tahlang hmaloe koek ih kami ah oh o.

Lokphong 18:1

Ato pacoengah vanmi kalah longto van hoi-ih kanghum to ka hnuk. Anih loa akaatawnhhaih kalen parai to a tawnh moa a phung-aeng mah long bum to a aangsak.

Lokphong 21:11

Ato vangpui loa Sithaw lensawkhaih hoiah ka aang vangpui ni. Vanglipui loa hlung thokana, jasper hlung batiah a aang moa hmaidan batiah caipin.

Lokphong 21:25

Vangpui khongkhanawk loa thunqui paong toemoe; natuekah doeh angkhaa vaih ai, kawmawtiah toah loa aqum doeh om ai boah.

Lokphong 22:5

Aqum om mak ai boah moa hmai-im doehsoe, nii aanghaih doehsoe, aloe o mak ai boah, kawmawtiah Angraeng Sithaw loa anihcae aanghaih iah om ueloa anihcae loa sangpahrang batiah dungzan hoi dungzan ah uk o tih.

Lokphong 5:6

Topacoengah tuuca maeto, angraeng tangkhang ih aum ah kangdoe moa hmuensak kahing hoi kacoetanawk mah ka ven to ka hnuk o. Ato tuuca loa hum pacoeng ih batiah amtueng. Takii sarihto hoi mik sarihto a tawnh moa ato mik sarihto loa longnui bum ah patoeh ih Sithaw pakhra sarihto ni.

Lokphong 7:17

Kawmawtiah Angraeng tangkhang um ah kaom Tuuca loa anihcae congkung ah om ueloa hinghaih ka paek tuipuek ohhaih bangah na caeh haih tih. Topacoengah anihcae ih miktui boih to hu pae king tih,” tiah a thuih.