Lokphong 14:7 - Asang Khongso New Testament

⁷ Lok katuen paraiah, “Sithaw to khangza oloa a lenhhaih to pakoeh oah! Kawmawtiah Sithaw lokcaekhaih hanih atue loa a phak boah. Van hoi long, tuiculi hoi tuipueknawk ka sahkung to bok oah,” tiah a thuih.

Caekäcai Kangthae (Lemi)

⁷ Äni ma, “Säthaw tea tämö khai kha äni üng leng saite tea bälaw ö. Khimi angxynlyng na tea äni ma tärae cei hethang kätü lä, tyng pyng vi dy. Käni, älawng hai pangle, tui cäpring na sa saite äni tea cäphaw ö lawi” näkha ätüng käleng hai thui pa vi dy.

Lokphong 14:7 Iomraidhean Croise

Mathai 25:13

Jesuh mah, “Totiah ani hoi atue to na panoek o ai pongah acoehaih hoiah zing oah,” tiah hnukkhuem koek ah a naa.

Luka 17:18

Tipongmaw ahi prae kalah kami longto khueh hae angzoh moa Sithaw khaeah kawn lok to a thuih?” tiah a naa.

Angtawtha 14:15

“Tipongkhoe maw hitiah na sak o? Kai hnit loa nangcae batih kami romram toengh ni! Nangcae mah kavang kalang ai hmuennawk to caehtak moa van hoi long hoi tuiculi hoi a thungih hmuen kaomnawk boiboih ka sahkung kahing Sithaw bangah angqoi hanah Tamthang Kahoih taphong hanih ni hiah kangzoh hoi.

1 Piter 4:7

Tiboih boih aboenghaih tue loa a hnai boah. Nangcae loa khophoeh o thai hanah aimah hoi aimah amquem o aloa acoe aha oah.

Lokphong 11:13

Ato tue thuem ta roeroe ah tali kana parai a hnawh; vangpui hmuenh hato ah hmuenh maeto amro king moa kami sangsarihto duek o. Kanghmat kaminawk to loa tasoeh takuen o moa van Sithaw lensawkhaih ih to pakoeh o.

Lokphong 11:18

Sithaw ka bok ainawk loa palung a phui o, kawmawtiah nang ih palungphuihaih tue loa a phak boah moa, kadueh kaminawk lokcaekhaih tue loa phak boah. Nang ih tamtoeh tahma hnit hoi nang to khangzahaih ka paek nangmah ih Sithaw kaminawk, kathoeng kalen boih to kawnvang paek hanah atue mah phak boah. Long ka paro kaminawk to paro tahmat hanah atue mah phak boah,” tiah a thuih o.

Lokphong 15:4

Angraeng, nang ka zi ai to mimaw ka om han? Na lenhhaih taphong aiah ka aek han mimaw ka om? Nang khueh ni kacai. Caeng kami boiboih mah angzo ueloa nang to bok o tih, kawmawtiah hmuen katoeng na sak ihnawk to mi boiboih mah a hnuk o king,” tiah a naa o.

Lokphong 16:9

Kaminawk loa nii kana mah a kangh moa raekhaih nuiah akaa ka tawnkung Sithaw hmin to thuihsae o. To-e anihcae loa a zaehaih ihnawk to dawnpakhuem o ai moa Sithaw lensawkhaih to saphaw o ai.

Lokphong 18:10

Patang khanghaih pauep ih to a zit o pongah kahla paraiah angdoet o. Anihcae mah, “Natanto zitman ka om maw vai! Natanto tasoeh takuen ka om maw vai! Kalen kasawk hoi tha karah Babilon vanglipui! Nazi taem maeto thungah raek amrohaih na tongh hae!” tiah a thuih o tih.

Lokphong 18:17

To-e nazi maeto thungah a tawnhnang ih boiboih to anghmat king boah!” tiah thui o tih. Tuisamphaw ka mongkung angraengnawk hoi kholong ka caeh kaminawk, tuisamphaw thungah toksahkungnawk hoi tuiculi nuiah angkok angtang hanah ka pakrongnawk loa kahla paraiah angdoet o moa,

Lokphong 18:19

Anihcae mah a lu ah vaiphu angphuih o, a qah o moa, “Zitman oh parai! Vangpui kalen kasawk, nang hanih loa tasoeh takuen oh parai! Tuisamphaw ka tawn moa tuiculi nuiah kapai ka sah kami boiboih mah anih ih angraenghaih ranghoiah angraeng kalen ah a coengh haih o ih vangpui ni. To-e nitue taem maeto thungah a tawnh ih vawnsai cungriboih to anghmat king boah halat,” tiah thuih o.

Lokphong 19:5

Topacoengah angraeng tangkhang khae hoi-ih lok maeto a tuenh moa, “Aicae Sithaw to pakoeh oah; angmah ih tamtoehnawk boih hoi angmah ih kaminawk boih, kathoeng hoi kalen thui aiah angmah khangzahaih ka tawn kaminawk boih mah pakoeh oah!” tiah thuih o.

Lokphong 4:11

“Aicae Angraeng hoi Sithaw! Nang loa lensawkhaih, khangzahaih, hoi tharahhaih hak hanah na krak. Kawmawtiah nang loa tiboih boih na sak moa nangmah na koeh ih batiah atonawk boih to na ohsak moa na hinghsak.”

Lokphong 4:9

Hmuensak kahing palitonawk loa angraeng tangkhang nuiah anghnut o moa dungzan hoi dungzan khoekto lensawkhaih, khangzahaih hoi kawnhaih laa a thuih o.

Lokphong 8:10

Topacoengah pathumhaih vanmi mah angmah ih mongka to a uengh. Sakae kalenpui maeto, hmai kangqong hmaithaw batih to van bang hoitoah tuivapuinawk hoi tuipueknawk ih hmuenh thumto ah hmuenh maeto nuiah a krak.