1 Johan 2:27 - Asang Khongso New Testament

²⁷ To-e nangcae hanah loa Khrih mah nangcae nuiah a Pakhra to a bawhthuih boah. A Pakhra to nangcae khaeah oh nathung loa patukkung ami doeh nangtoeng o ai. Kawmawtiah a Pakhra mah nangcae to cungriboih kawng ang patuk o moa ang patuk o ih loa loktang tang ni, amsawn na ai ni. Topongah Pakhra patukhaih ih to pazui oloa Khrih hoiah angpaeh o toemoe ah.

Caekäcai Kangthae (Lemi)

²⁷ Nang ce tea lä Khrista ma Muilaw Käcai py te vi dy. Honi Muilaw Käcai lä nang ce üng bälung thung-a awng jawjaw ö te vi. Tukätephüng-a nang ce tea lä lo mitang phüng khimi kälang na ma mätu hethang ngai y dy lyng. Muilaw Käcai ma nang ce tea angxynlyng phüng na mätu te vi dy. Äni üng mätu saite na lä mitang khaw te vi. Kaeling kaemae thui te y lyng. Muilaw Käcai üng mätu saite nang ce lä tängai kha Khrista hai bungtä awng ö lawi.

1 Johan 2:27 Iomraidhean Croise

Mathai 13:11

Jesuh mah anihcae khaeah, “Van Poenghaih ih loktamqu kawng panoekhaih to nangcae khaeah kang paek o boah; to-e anihcae khaeah paek ah om ai.

Johan 14:16

Pa khaeah ka hnik moa anih mah bomkung kalah to na paek o ueloa nangcae khaeah dungzan ah om tih.

Johan 14:17

Anih loa Sithaw kawng loktang to taphongkung Pakhra ni. Long mah anih to hnuh thaih ai moa panoek thaih ai pongah talawk thaih ai. To-e nangcae loa anih to na panoek o, kawmawtiah anih loa nangcae khaeah oh poe moa nangcae thungah a oh.

Johan 14:26

Ka hmin hoiah Pa mah patoeh hanih bomkung Cai Pakhra mah cungriboih to patuk ueloa ka thuih kok ih boih to doeh panoeksak let tih.

Johan 16:13

To-e loa Sithaw kawng loktang taphongkung Pakhra angzoh na-ah loa loktang boiboih thungah na zaehoi o tih. Anih loa angmah ih akaatawnhhaih hoiah thui mak ai, to-e a thaih ih to thui ueloa kangzo hankoi hmuennawk to doeh na thui tih.

Johan 4:14

to-e ami doeh kaimah paek ih tui ka nae loa tui anghae let mak ai. Ka paek hanih tui loa angmah thungah tuipuek ah coeng ueloa ato mah hinghaih tui hoi dungzan hinghaih to paek tih,” tiah a naa pae.

Johan 6:45

Tahmanawk mah, ‘Mi boih to Sithaw mah thuitaek ah om o tih,’ tiah a tarik o. Ami doeh Pa ih lok to ka thaih moa anih khae hoitoah kamtuk kami loa kai khaeah to angzoh.

1 Korin 2:12

Aicae loa hi longnui ih pakhra to hak o ai; Sithaw mah azom ah ang paek ih boiboih to panoek thai hanah, Sithaw mah patoeh ih Pakhra to ni aicae mah hak o boah.

1 Korin 2:13

Topongah aicae loa kami ciinghaih hoiah patuk ih lok hoiah thui o ai, to-e Pakhra ka tawn kaminawk khaeah pakhra bangih loktang to thuihpacaih na-ah Pakhra mah patuk ih lok hoiah ni aicae mah thuih o.

2 Korin 1:21

Kaicae doehsoe, nangcae doehsoe, nawnto ah Khrih hoiah maeto ah oh o, tiah kacaipin ah kamnoeksak takung loa Sithaw Angmah hae ni. Sithaw mah Angmah iah oh hanah ang pahloe o lah boah.

Ephesi 4:21

Khrih kawng loa na thaih o moa angmah ih hnukbang ah na oh o batih toengah Jesuh thungah kaom loktang lok to namtuk o boah.

Kolosa 2:6

Nangcae loa Khrih Jesuh to Angraeng ah na tapom o boah pongah angmah hoiah angpaeh oloa hing oah.

1 Thesalon 2:13

Topacoengah Sithaw khaeah kawn lok ka thuihhaih o toemoe ih ahlong kalah a oh vop. Nangcae khaeah Sithaw ih tamthang to kang sinh o na-ah kami ih lok batih na aiah, Sithaw ih lok tangtang batiah na thaih o moa na talawk o. Kawmawtiah Sithaw loa ka taangnawk nangcae thungah tok a sak.

1 Thesalon 4:9

Nangmahcae taangca ampuinawk palunghaih han kawng to loa tarik han angaih ai boah. Nangmahcae roeroe to Sithaw mah longto hoi longto amlung o han oh tiah ang patuk o.

1 Timote 2:7

Topongah kai hae taanghaih ih tamthang hoi loktang lok to taphong hanah kawkpatoeh hoi Gentel kaminawk ih patukkung ah ang patoeh. Amsawn ka thui ai; loktang ni ka thuih!

1 Piter 1:23

Kawmawtiah Sithaw ih lok kahing hoi dungzan kangcak ranghoiah nangcae loa tapen nang tha o boah, kadueh thai amno ampa ih canawk batih na aiah, ka dueh thai ai ih canawk batiah na oh o.

1 Johan 2:28

Ka canawk, angmah khaeah angpaeh o toemoe ah, totibaloa angmah to amtueng na-ah misa hoihhaih hoiah koi o ueloa angmah angzoh Ni ah azathaih hoiah anghawk han angaih mak ai.

1 Johan 3:24

Sithaw ih lokpaek ka pazui boih loa Sithaw hoiah angkomhaih thungah a oh o moa Sithaw doeh anihcae hoiah angkomhaih thungah a oh toeng. Sithaw mah aicae khaeah paek ih Pakhra ranghoiah Sithaw loa aicae thungah a oh tito aicae mah panoek o.

2 Johan 1:2

Kawmawtiah loktang to loa aicae thungah oh poe moa aicae khaeah dungzan ah om zawzaw tih.