Tito 1:3 - Inkeanon

³ Ag sa oras nga anang gintaeana, nga makaron eon ngani ron hay ginpahayag ron nana paagi sa Mayad nga Balita nga ginawali. Ro mensahi ngaron hay ginsalig kakon it Dyos nga aton nga Maneueuwas, ag ginsugo nana ako nga iwali ron sa mga tawo.

Tito 1:3 Iomraidhean Croise

1 Timoteo 1:11

Ro tama nga doktrina ngara hay ro Mayad nga Balita nga gintugyan kakon agod ituro. Nagapahayag ra ku pagkadaeayawon it Dyos nga ginahalinan it tanan nga pagpakamaayo.

1 Timoteo 1:1

Raya nga sueat hay halin kakon nga si Pablo. Ako hay sangka apostol ni Kristo Jesus suno sa sugo it Dyos nga atong Maneueuwas, ag ni Kristo Jesus nga aton nga ginabasehan ku atong kasiguruhan nga maeuwas kita sa ulihi.

Tito 2:10

Indi man sanda dapat magpangupit kundi ipakita nanda nga masaligan gid sanda, agod ro tanan nandang ginahimo hay magapakita nga ro mensahi nga halin sa Dyos nga aton nga Maneueuwas hay mayad-ayad gid.

Tito 2:13

Makaruyon dapat ro atong batasan samtang ginapaabot naton ro malipayon ag sigurado nga pagbalik ni Jesu-Kristo. Imaw ro aton nga Makagagahom nga Dyos ag Maneueuwas ag sa pagbalik na ngato hay may anang grabi nga kasilaw nga nagapakita ku anang pagkadaeayawon.

1 Timoteo 4:10

Ngani dahil gusto gid naton nga makasayod ro mga tawo parti sa bag-o nga kabuhi ngara nga ginpromisa it Dyos, mawron nga nagapanikasog ag nagapangabudlay kita para karon. Ag sigurado gid kita nga tumanon it Dyos ro ana ngarang promisa, imaw nga buhi hasta sa owa it katapusan. Gusto nana nga euwason ro tanan nga mga tawo ag euwason gid nana ro mga nagatuo kay Jesus.

1 Timoteo 2:3

Ro pagpangamuyo para sa tanan hay mayad ag naila kara ro Dyos nga atong Maneueuwas,

1 Tesalonica 2:4

Hapamatud-an it Dyos nga masaligan kami ngani gintugyanan nana kami nga magwali ku Mayad nga Balita. Ngani makasalig kamo nga ro among ginawali hay kamatuuran. Owa't-a namon ginabayluhi ro mensahi it Dyos agod eang malipay ro tawo karon. Ro importanti't-a hay malipay 't-a karon ro Dyos, dahil imaw 't-a ro nakatungkad kon ano gid ro una sa among tagipusuon.

Mga TagaColosas 1:23

Matabo eang ra kon magpadayon kamo sa inyo nga malig-on ag indi mahuyang nga pagtuo, ag indi gid magduda nga mabaton ninyo ro mga mayad nga butang nga ginpromisa sa Mayad nga Balita nga inyong habatian. Ro Mayad nga Balita ngara hay ginasugid sa bilog nga kalibutan, ag ako nga si Pablo hay ginpili it Dyos nga magsugid karon.

Mga TagaColosas 1:6

Rayang mensahi hay nagaeapnaag man sa bilog nga kalibutan. Bisan siin ra makaabot hay nagadinugang pa gid ro nagatuo kara, ag nagabag-o ro kabuhi ku mga nagatuo pareho man sa natabo inha kinyo. Halin ku pagkabati ninyo ku Mayad nga Balita hay inyo nga haeubtan it mayad kon ano gid ro sobrang kabuot it Dyos nga anang ginpakita pageuwas nana kinyo.

Mga TagaEfeso 2:17

Si Kristo hay nag-adto riya ag nagwali ku mayad nga balita nga makapanumbalik eon ro mayad nga relasyon ku tanan nga tawo sa Dyos, kamo nga mga bukon it Judio nga maeayo anay kana, ag kami man nga mga Judio nga maeapit.

Mga TagaGalacia 4:4

Pero pag-abot it oras nga gintaeana it Dyos hay ginpaadto nana iya sa kalibutan ro anang unga. Tawo gid imaw tungod gin-unga imaw it isaeang ka bayi nga Judio, ag nagkabuhi imaw nga hasakpan ku andang Kasuguan.

1 Corinto 9:17

Kon ro pagwali ngara hay akon ea't-a nga ginpili nga akong trabaho hay bagay eang nga swelduhan ako. Pero ginahimo ko't-a ra dahil gintugyan ra kakon it Dyos.

Mga TagaFilipos 1:13

Ro tanan abi nga gwardya it Emperador iya sa palasyo ag ro tanan nga mga tawo iya hay nakasayod eon nga ginpriso ako dahil eang sa akon nga pagwali parti kay Kristo.

Mga TagaRoma 16:26

Pero ginpasayod eon ra makaron, ag suno sa sugo it Dyos nga nagakabuhi hasta sa owa it katapusan hay ginapahayag eon sa tanan nga rasa it tawo ro anang ginpasueat kato sa mga propeta parti kara agod magtuo ag magtuman sanda kana.

Mga TagaRoma 15:19

Ginbuligan na man ako sa paghimo it mga makangawa-ngawa ag milagrosong pamatuod paagi sa gahom it Espirito Santo. Ginwali ko it husto ro Mayad nga Balita parti kay Kristo sa tanan nga lugar, halin sa Jerusalem hasta sa pinakamaeayo nga nasyon it Iliricum.

Mga TagaRoma 5:6

Tag owa gid kita it mahimo agod magpundo sa pagpakasaea, sa tama nga oras nga gintaeana it Dyos hay namatay si Kristo por dahil katon nga mga owa it kahadlok kana.

Mga Binuhatan 17:26

Halin sa sangka tawo eang hay ana nga gintuga ro tanan nga rasa it tawo nga nagailistar sa bilog nga kalibutan. Ginplano na kato eagi kon man-o it eawig ro pagkabuhi it kada rasa sa kalibutan, ag kon hasta siin ro dueunan ku andang nasyon.

Mga Binuhatan 10:36

Ginpahayag it Dyos kamon nga mga inapo ni Israel ro Mayad nga Balita nga puydi eon makapanumbalik ro mayad nga relasyon it tawo sa Dyos, paagi kay Jesu-Kristo nga Ginuo it tanan.

Lucas 1:47

ag nagakalipay gid ako tungod sa Dyos nga akon nga Maneueuwas,

Marcos 16:15

Naghambae man imaw kanda, “Panaw kamo sa tanan nga lugar sa kalibutan ag iwali ro Mayad nga Balita sa tanan nga mga katawhan bisan siin.

Marcos 13:10

Bago mag-abot ro katapusan it kalibutan hay dapat anay nga ikawali ro Mayad nga Balita sa mga tawo sa tanan nga mga nasyon sa bilog nga kalibutan.

Pahayag 14:16

Ngani ratong nagapungko sa daeaura hay naggaeab sa kalibutan ag ro tanan-tanan nga gianyon sa kalibutan hay anang gin-ani.

Mga TagaEfeso 1:10

Ro anang plano ngara hay makara: pag-abot ku tamang oras hay tingubon nana ro tanan nanang mga tinuga, ro tanan sa eangit ag sa eugta, ag anang ipaidaeom sa pagdumaea ni Kristo.

Marcos 1:15

Bisan siin imaw mag-adto, nagahambae imaw sa mga tawo, “Ro oras nga gintaeana it Dyos hay nag-abot eon nga ro mga tawo hay puydi eon nga ikatapoe sa mga sinakpan it Dyos. Maghinuesoe ag magtalikod kamo sa inyong mga saea ag magpati sa Mayad nga Balita.”

Mga TagaRoma 16:25

Dayawon ta ro Dyos. Imaw ro makapalig-on kinyo sa inyong pagtuo suno sa akong pagwali it Mayad nga Balita parti kay Jesu-Kristo. Rayang Mayad nga Balita hay suno sa plano it Dyos nga owa anay nana kato ginpasayod.

2 Timoteo 4:17

Pero sa gihapon hay gin-ibhan ako it Ginuo ag ginpaisog ro akong buot agod paagi kakon hay ikasugid ro bug-os nga mensahi parti kana, ag agod makabati karon ro tanan nga mga bukon it *Judio. Ag gineuwas nana ako sa mga gustong magpatay kakon.