Mateo 9:2 - Inkeanon

² Pag-abot idto, may mga tawo nga nag-abot nga may ginaeayungan nga paralitiko. Pagkakita ni Jesus nga nagatuo sanda kana nga mapamayad nana ro paralitiko, ginhambae nana ra, “To, ayaw mahawag, ginpatawad eon ro imong mga saea.”

Mateo 9:2 Iomraidhean Croise

Mateo 14:27

Pero naghambae eagi si Jesus, “Ayaw kamo it kahadlok. Ako ra.”

Mateo 4:24

Nangin bantog si Jesus hasta sa lugar it Syria ngani nag-adto kana ro mga tawo daea ro tanan nga mga masakiton, ro mga nagaantos it grabi nga kasakit sa sari-sari nga baeatian, ro mga ginsudlan it demonyo, ro mga kueueuon, ag ro mga paralitiko. Ginpamayad sanda tanan ni Jesus.

Mateo 6:12

Patawara kami sa among mga saea dahil gintuman namon ro sugo nga dapat kami magpatawad sa tanan nga nagakasaea kamon.

Mateo 8:10

Pagkabati kara ni Jesus hay hangawa gid imaw it duro. Naghambae dayon imaw sa mga tawo nga nagasunod kana, “Matuod dang ginahambae kinyo nga owa pa ako it hakita bisan sa mga inapo ni Israel nga makaraya it bahoe ro anang pagsalig kakon.

Mateo 8:16

Pagkatunod it adlaw, abo nga mga tawo ro nagdaea kay Jesus it mga ginsudlan it demonyo. Sa anang hambae eang hay ginsuboe ni Jesus ro mga maeain nga espirito sa mga tawo ngato, ag ana man nga ginpamayad ro tanan nga mga nagabaeatian.

Mateo 9:22

Umatubang dayon si Jesus ag hakita nana ro bayi. Ginhambae imaw ni Jesus, “Nang, ayaw mahawag. Nagmayad ka tungod nagsalig ka kakon.” Ag insigida hay nagmayad ro bayi.

Mateo 9:5

Ano ro mas maeumo ihambae? ‘Ginpatawad eon ro imong mga saea’ ukon ‘Bangon ag magtikang’?

Mateo 9:6

Pero pamatud-an ko kinyo nga ako nga Unga it Tawo hay may otoridad nga magpatawad it mga saea iya sa kalibutan.” Ginhambae rayon nana ro paralitiko, “Bangon, hakwata ro imong eugban ag umuli.”

Marcos 1:32

Pagkatunod it adlaw hay gindaea it mga tawo kay Jesus ro tanan nga nagamasakit ag ro mga ginsudlan it demonyo.

Marcos 10:49

Pumundo si Jesus ag ginhambae ro mga tawo, “Paadtuna imaw iya.” Ngani gintawag nanda ro bulag, “Dapat hay malipay ka ay ginatawag ka ni Jesus. Tindog eon.”

Marcos 5:34

Naghambae kana si Jesus, “Nang, nagmayad ka tungod nagsalig ka kakon. Panaw eon ag patawhaya ring paino-ino ay mayad ka eon gid sa imo ngatong masakit.”

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 2:25

Bisan indi eon imaw pagsugiran parti karon ay sayod man eagi nana kon ano ro sueod ku andang tagipusuon.

Juan 21:5

Nagsinggit imaw kanda, “Migs, owa't-a kamo it hadakpan ay?” “Owa gid ngani,” sabat nanda.

Mga Binuhatan 14:9

Nagapamati imaw sa ginahambae ni Pablo. Gintueok imaw ni Pablo ag hakita nana nga nagapati ro tawo ngato nga mapamayad imaw.

Mga Binuhatan 19:12

Bisan ro mga panyo o apron nga anang gin-gamit nga ginadaea sa mga masakiton hay nagapamayad kanda ag makapaguwa ku maeain nga espirito.

Mga Binuhatan 23:11

Pagkagabii hay nagpakita kay Pablo ro Ginuo ag nagtindog sa anang euyo. Naghambae imaw kay Pablo, “Isuga ro imong buot tungod dapat ka magpamatuod parti kakon idto sa Roma, pareho man ku imong gin-obra iya sa Jerusalem.”

Mga TagaRoma 5:11

Ag bukon eang it duyon ay bisan sa makaron hay nagakalipay eo't-a kita ay nagmayad eon ro atong relasyon sa Dyos paagi sa kamatayon ku atong Ginuo nga si Jesu-Kristo.

Santiago 2:18

Pero may una siguro kinyo nga mahambae nga, “Owa ma't-a nagapaeareho ro pagsunod it mga tawo sa Dyos. Ro iba hay may anda nga pagtuo ag ro iba ma't-a hay may mayad nga buhat.” Ro akong sabat hay raya: paalin makita ro imong pagtuo kay Jesus kon owa ka it binuhatan nga nagapakita karon? Pero ako, ipakita ko ro akon nga pagtuo paagi sa akon nga binuhatan.