Mateo 8:4 - Inkeanon

⁴ Ginhambae imaw ni Jesus, “Ayaw gid magsugid kara bisan kanyo pero umadto ka dayon sa saserdote ag magpatan-aw. Maghaead ka dayon sa Dyos it mga haead sa pagtuman sa kasuguan nga ginsueat ni Moises, bilang pamatuod sa mga tawo nga mayad ka eon.”

Mateo 8:4 Iomraidhean Croise

Mateo 10:18

Ro iba kinyo hay pagaimbistigaron it mga gobernador ag hari tungod mga sumueunod nakon kamo, ag ruyon ro inyong kahigayunan nga ikawali kanda ag sa mga owa nagakilaea sa Dyos nga andang mga sinakpan ro Mayad nga Balita parti kakon.

Mateo 16:20

Ginbilinan dayon ni Jesus ro anang mga sumueunod nga indi magsugid bisan kanyo nga imaw ro Maneueuwas nga ginpromisa it Dyos.

Mateo 17:9

Tag nagapapanaog eon sanda sa bukid, ginbilinan sanda ni Jesus. Hambae nana, “Ayaw ninyo pagsugiran bisan kanyo ro inyo ngatong hakita hasta indi pa mabanhaw ako nga Unga it Tawo.”

Mateo 3:15

Pero nagsabat si Jesus, “Ayaw eon it balibad ay tama eang nga obrahon naton ra ay dapat nga tumanon naton ro tanan nga tama sa panueok it Dyos.” Ngani nagsugot si Juan nga bawtismuhan si Jesus.

Mateo 5:17

Naghambae pa gid si Jesus, “Ayaw kamo magpaino-ino nga nag-adto ako iya agod kansilahon ro Sagrado nga Kasueatan it Dyos nga ginsueat ni Moises ag ku mga propeta. Bukon it ruyon ro akong tuyo sa pag-adto riya kundi agod matuman ron tanan.

Mateo 6:1

Nagpadayon pa gid si Jesus it pagturo. Hambae nana, “Mag-andam gid kamo nga indi kamo magpakita-kita ku inyong pagkamatarong sa mga tawo agod dayawon nanda kamo. Kon makaruyon ro inyong ginaobra hay sigurado gid nga owa kamo it premyo nga mabaton halin sa inyong Ama sa eangit.

Mateo 9:30

Nakakita dayon sanda. Ginbilinan gid dayon sanda ni Jesus, hambae nana, “Ayaw gid ra ninyo pagsugiran bisan kanyo.”

Marcos 13:9

“Mag-andam gid kamo. Pagadakpon kamo ag ipaatubang sa andang mga korte. Pagabakueon kamo sa mga sinagoga. Pagaimbistigahon kamo it mga gobernador ag hari tungod mga sumueunod nakon kamo ag ruyon ro inyong kahigayunan nga ikawali kanda ro Mayad nga Balita parti kakon.

Marcos 3:12

Pero ginbinawaean gid ni Jesus ro mga maeain ngato nga espirito nga indi magsugid bisan kanyo kon sin-o imaw.

Marcos 5:43

Ginbilinan gid sanda ni Jesus nga owa dapat it ibang makasayod ku natabo ngato. Ginhambae man ni Jesus ro mga ginikanan, “Pakan-a ninyo imaw.”

Marcos 6:11

Kon may hiadtunan kamo nga lugar nga indi magbaton ag indi magpamati kinyo ro mga pumueuyo, aywani sanda. Ag kon maghalin kamo sa lugar ngaron hay pagpaga ro tapu-tapu sa inyong mga siki bilang tanda nga sa mata it Dyos hay pareho sanda it mga tawo nga owa nagakilaea kana.”

Marcos 7:36

Ginpaandaman ni Jesus ro mga tawo, “Ayaw gid kamo it sugid bisan kanyo ku inyong hakita.” Pero bisan ginpinaandaman sanda ni Jesus, nagsinugid man gihapon sanda.

Marcos 8:30

Ginbilinan dayon sanda ni Jesus nga indi magsugid bisan kanyo kon sin-o gid imaw.

Marcos 9:9

Tag nagapapanaog eon sanda sa bukid hay ginbilinan sanda ni Jesus nga indi magsugid bisan kanyo ku anda ngatong hakita hasta indi pa mabanhaw imaw nga Unga it Tawo.

Lucas 17:14

Pagkakita kanda ni Jesus hay naghambae imaw, “Adto kamo sa mga saserdote ag magpatan-aw.” Nagpanaw sanda ag tag sa daean pa eang sanda hay nagmayad ro andang aro.

Lucas 21:13

Kon matabo ron hay duyon eon ro inyong kahigayunan nga ikawali kanda ro Mayad nga Balita.

Lucas 4:41

Abo man nga mga maeain nga espirito ro ginsuboe ni Jesus sa eawas it mga tawo. Nagasinggit ro mga maeain nga espirito nga si Jesus ro Unga it Dyos pero ginpahipos sanda ni Jesus. Owa gid sanda pagpabay-i ni Jesus nga maghambae ay sayod abi nanda nga imaw ro Maneueuwas nga ginpromisa it Dyos.

Lucas 5:14

Ginhambae imaw ni Jesus, “Ayaw gid magsugid kara bisan kanyo, pero umadto ka dayon sa saserdote ag magpatan-aw. Maghaead ka dayon it sakripisyo para sa imong paglimpyo suno sa Kasuguan ni Moises bilang pamatuod sa mga tawo nga mayad ka eon.”

Lucas 8:56

Hangawa ro mga ginikanan ku unga pero ginbilinan sanda ni Jesus nga indi igsugid bisan kanyo kon ano ro natabo.

Lucas 9:21

Ginbilinan gid sanda ni Jesus nga indi rato igsugid bisan kanyo.

Juan 5:41

“Owa ako nagahangad nga dayawon it mga tawo nga parehas kinyo.

Juan 7:18

Ro nagahambae it ana-ana eang hay nagapadayaw-dayaw. Pero ro gusto nga ro nagpadaea kana ro dayawon hay ruyon 't-a ro gahambae it matuod ag owa gapataeang it mga tawo.

Juan 8:50

Ugaling hay owa ma't-a ako gahangad nga dayawon. Pero may una't-a nga gusto nga dayawon ako, ag imaw 't-a ro magahusgar sa mga owa nagatahod kakon.