Mateo 8:3 - Inkeanon

³ Ginbuytan imaw ni Jesus ag ginhambae, “Gusto ko nga pamayron ka. Mayad ka eon!” Naduea eagi ro aro sa eawas ku rondato nga tawo.

Mateo 8:3 Iomraidhean Croise

Mateo 12:13

Ginhambae dayon nana tag kimpay ngato, “Untaya ro imong alima.” Gin-untay ku tawo ro anang alima ag nagmayad eagi rato ag owa eon it diperensya pareho ku sambilog pa nanang ka alima.

Marcos 1:41

Naeuoy gid it duro si Jesus sa aruon. Ginbuytan ra nana ag ginhambae, “Gusto ko nga pamayron ka. Mayad ka eon.”

Marcos 4:39

Bumangon si Jesus ag ginsugo ro hangin. Sinana, “Pundo eon!” Ginhambaean man nana ro dagat, “Maglinong ka!” Ag insigida hay nagpundo ro hangin ag nangin kalmado nga mayad ro dagat.

Marcos 5:41

Ginpaeapitan ni Jesus ro unga ag ginbuytan sa alima ag ginhambae, “Talita kum!” nga ro buot hambaeon hay “Nene, ginahambae ko kimo nga magbangon ka!”

Marcos 7:34

Nagtangda dayon si Jesus sa eangit ag nagpanghakoe ag ginhambae nana sa inAramaic, “Effata!” Ro kahueugan kara hay “Magbukas ka.”

Marcos 9:25

Pagkapan-o ni Jesus nga mas kaabo pa gid nga mga tawo ro nagdaeaeagan paadto kanda hay ginsugo nana ro maeain nga espirito, “Maeain nga espirito nga nagapa-apa ag nagapabungoe, magguwa ka sa unga! Ag ayaw eon it balik-balik!”

Lucas 4:27

Ag sa tyempo man anay ni propeta Eliseo, abo nga aruon sa Israel pero owa imaw it ginpamayad bisan sambilog kanda. Pero ginpamayad 't-a nana rondato nga tagaSyria nga si Naaman ro ngaean.”

Lucas 5:13

Ginbuytan imaw ni Jesus ag ginhambae, “Gusto ko nga pamayron ka. Mayad ka eon!” Naduea eagi ro aro sa eawas ku tawo ngato.

Lucas 7:14

Nagpaeapit dayon si Jesus ag ginbuytan ro papag nga ginabutangan it patay ag nagpundo ro mga nagadaea kato. Pagkatapos, ginhambae ni Jesus rondatong solterito nga namatay, “Toto, ginahambae ko kimo nga magbangon ka.”

Juan 11:43

Pagkahambae nana kara hay nagsinggit dayon imaw it mabaskog, “Lazarus, guwa iya!”

Juan 15:24

Ag kon owa ako nag-obra sa anda mismo nga atubang it mga makangawa-ngawa nga owa it bisan sin-o nga makahimo mageuwas kakon hay owa sanda it saeabton sa andang saea nga owa sanda nagtuo kakon. Pero makaron nga hakita eon nanda ro akong mga gin-obra hay ginakaugtan gihapon nanda kami ku akon nga Ama.

Juan 5:21

Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.