Mateo 8:12 - Inkeanon

¹² Pero ro mga inapo ni Israel nga dapat kunta nga matapoe sa mga sinakpan it Dyos, ro kaabo-abo kanda hay ihaboy sa kadueom-dueom nga lugar kon siin sanda mag-inueahab ag magpinagot.”

Mateo 8:12 Iomraidhean Croise

Mateo 13:38

Ro kahueugan ku taeamnan hay ro mga tawo iya sa kalibutan. Ro manami nga binhi hay ro mga sinakpan it Dyos ag ro mga hilamunon hay ro mga sinakpan ni Satanas, ro ginahalinan it kaeainan.

Mateo 13:42

Ag itagbong sanda ku mga anghel idto sa kaeayo nga pwerti kainit ag magainueahab sanda idto ag magapinagot.

Mateo 13:50

Ro mga maeaot hay anda dayon nga itagbong sa kaeayo nga pwerti kainit, ag magainueahab sanda idto ag magapinagot.”

Mateo 21:43

“Ngani ginahambae ko eagi kinyo nga bukon eon it kamo ro bilangon it Dyos nga anang mga sinakpan kundi ro iba't-ang mga tawo nga ro bunga ku andang kabuhi hay magapalipay kana.

Mateo 24:51

Grabi gid-a nga pina ro anang hisamitan sa anang amo ag itagbong dayon imaw, kaibahan it ibang mga ipokrito, sa lugar nga bagay gid kanda kon siin sige ro pagtinangis ag pagpinagot it mga tawo.”

Mateo 25:30

Ag raya ma't-ang owa't pueos nga sueuguon, habyan ninyo imaw sa kadueom-dueom nga lugar kon siin imaw mag-inueahab ag magpinagot.’ ”

Lucas 13:28

“Kon hikita ninyo sanday Abraham, Isaac ag Jacob ag ro tanan nga mga propeta nga gintapoe sa mga sinakpan it Dyos nga anang ginaharian pero kamo hay hibilin sa guwa ag pagatabugon, dikaron eon dayon kamo mag-inueahab ag magpinagot.

Mga Binuhatan 3:25

Kita mismo ro mga inapo ku mga propeta ngato. Hatapoe man kita sa kasugtanan nga gintao it Dyos sa atong mga kalolo-lolohan tag nagpromisa imaw kay Abraham nga, ‘Paagi sa isaea sa imong mga inapo hay akon nga pakamaayuhon ro tanan nga mga tawo sa kalibutan.’

Mga TagaRoma 9:4

Sanda ro mga inapo ni *Israel, ro mga katawhan it Dyos nga anang ginpili. Sanda man ro anang ginhimo nga anang mga unga ag ro anang ginpakitaan ku anang pagkadaeayawon bilang Dyos. Sanda man ro anang ginpromisahan it anang ipapanubli kanda ag ro gintaw-an ku anang Kasuguan. Sanda man ro anang gintud-an kon mauno ro tama nga pagsimba kana. Ag sanda man ro anang ginpromisahan it kamaeayran sa mga kasugtanan nga anang gintao kanda.

2 Pedro 2:17

Ro mga manogturo ngaron it saea hay owa it pueos pareho it tuburan nga namaehan ag pareho man it gae-om nga ginaapok it mabaskog nga hangin bago makatueo ro uean. Ginatigan-an eon sanda ku Dyos it lugar nga sobrang kadueom ag kamingaw.

2 Pedro 2:4

Sigurado gid ron, tungod owa ngani nana pagpataliwana ro saea ku mga anghel kato kundi ana sanda nga tinagbong sa kadudueman nga mamingaw sa impyerno, kon siin mat kinadinahan sanda idto hasta sa adlaw nga sintinsyahan sanda ag pinahan.

Judas 1:13

Pareho man sanda it mabaskog ag daeagko nga humbak nga nagadinagsa it makangingil-ad nga gaea sa baybayon ay nagahinimo sanda it makangingil-ad nga buhat nga makahueuya. Bukon sanda it pareho it mga bituon nga masaligan nga giya sa pagpamanawon kundi pareho sanda it mga planeta nga matsa nagataeang-taeang sa kaeangitan, ngani ro andang giya hay indi gid masaligan. Gintigan-an eon sanda it Dyos it lugar nga grabi it dueom ag idto sanda magapabilin hasta sa owa it katapusan.

Pahayag 22:15

Pero indi makasueod idto ro mga may buhat nga matsa ana it sapat, ro mga nagapangbarang, ro mga nagahulid sa bukon nanda it asawa, ro mga manogpatay, ro mga nagasimba sa mga diyos-diyos, ag ro tanan nga mga naila magpangluko ag magpinuril.