Mateo 7:3 - Inkeanon

³ Ham-an it hakita nimo ro kaisot-isot nga puling it imong isigkapareho pero indi nimo mapan-uhan ro puling nga matsa tablon it bahoe sa imo mismo nga mata?

Mateo 7:3 Iomraidhean Croise

Mateo 7:4

Paalin ka makahambae sa imong isigkapareho nga ‘Abi, bue-on ko ro kaisot-isot nga puling sa imong mata’ pero ikaw ngani mismo hay may tablon sa imo nga mata?

Mateo 7:5

Eaom nimo hay mayad ka gid-ing! Bue-a anay ro tablon sa imong mata agod makakita ka it mayad bago mo bue-on ro puling ku imong isigkapareho.

Lucas 18:11

Nagtindog ro Pariseo ag nagpangamuyo nga ginapabugae ra kaugalingon. Hambae nana, ‘Gapasaeamat ako kimo, Dyos ko, nga bukon ako it pareho ku ibang tawo nga buyong, bukon it matarong, ag hangawatan. Ag gapasaeamat gid-ang nga bukon ako it pareho ku *manogsukot it buhis ngato.

Mga TagaRoma 2:1

Basi mahambae kamo nga ro mga tawong makaruyon hay mga maeaot gid ag dapat pinahan ag kamo't-a hay matarong. Pero sa inyo ngarong pagkondenar kanda hay inyo man nga ginakondenar ro inyong kaugalingon ay paeareho man lang ro inyong mga buhat! Ngani bukon kamo it abswelto sa pina it Dyos!

Mga TagaGalacia 6:1

Mga igmanghod, kon may una kinyo nga hatentar nga magkasaea, kamo nga mga ginagiyahan it Espirito Santo hay dapat nga magbulig kana nga makapanumbalik sa tama nga pagsunod kay Kristo. Pero himua ninyo ron nga may kaeueo ag mag-andam man kamo ay basi matentar man kamo nga magkasaea.