Mateo 6:2 - Inkeanon

² “Ngani kon magbulig ka sa mga kubos, ayaw pagpakita-kitaan pareho ku ginaobra it mga ipokrito. Makaruyon ro andang ginaobra idto sa mga sinagoga ag sa mga binit it karsada agod dayawon sanda it mga tawo. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 6:2 Iomraidhean Croise

Mateo 6:5

Naghambae pa gid si Jesus, “Kon magpangamuyo kamo, ayaw kamo magtuead sa mga ipokrito. Naila ron sanda magtindog ag magpangamuyo sa sinagoga ag sa mga kanto nga abo kanda ro makakita. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 6:16

Naghambae pa gid si Jesus, “Kon magpuasa kamo, ayaw kamo magtuead sa mga ipokrito. Owa sanda gapang-ayos-ayos ku andang kaugalingon agod masayran gid it mga tawo nga nagapuasa sanda. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Juan 5:41

“Owa ako nagahangad nga dayawon it mga tawo nga parehas kinyo.

Mga Hebreo 13:16

Ayaw ninyo pagkalipati ro paghimo it mayad ag pagtao it hueay ku inyong mga pagkabutang sa mga nagakinahangean, dahil nalipay ro Dyos sa makaruyon nga mga haead.

Lucas 20:46

“Mag-andam gid kamo sa mga maestro it Kasuguan. Naila sanda magpinamasyar nga nakasuksuk it mahaba ag magarbo nga eambong ag magpaila-ila sa kadagayaan ag naila man sanda nga pagsinaluduhan it mga tawo. Kon sa mga sinagoga ag sa mga handaan hay naila man sanda nga magpungko sa mga lingkuran nga para sa mga dungganon nga mga tawo.

Juan 7:18

Ro nagahambae it ana-ana eang hay nagapadayaw-dayaw. Pero ro gusto nga ro nagpadaea kana ro dayawon hay ruyon 't-a ro gahambae it matuod ag owa gapataeang it mga tawo.

1 Pedro 4:11

Ro gintaw-an it abilidad sa paghambae hay dapat maghambae it seryoso, ay ro andang ginahambae hay parti't-a sa mensahi it Dyos. Ro gintaw-an it abilidad sa pagbulig sa mga tawo sa andang kinahangeanon hay dapat nga magbulig paagi sa ikasarang nga ginatao it Dyos para dikaron. Sa tanan ninyong ginahimo hay dapat nga dayawon ro Dyos dahil kay Jesu-Kristo. Daeayawon gid imaw ag makagagahom hasta sa owa it katapusan. Amen!

Mga TagaEfeso 4:28

Kon may una kinyo nga manakaw hay indi eon imaw magpanakaw kundi maghugod imaw sa pagpangita sa matarong nga paagi agod makabulig man imaw sa mga pobre.

Mga TagaGalacia 2:10

Ro pangabay man lang kamon ku mga pinakapinuno ngato hay padayon nga buligan ro mga pobre nga mga tumueuo sa Jerusalem, ag ruyon man ro nailaan gid nakon nga obrahon.

Mga Binuhatan 10:4

Hinadlukan si Cornelius pagtueok nana sa anghel. Nagsabat dayon imaw, “Ano kunta, sir?” Nagsabat ro anghel, “Nalipay gid kimo ro Dyos ag owa nana ginakalipati ro imong mga pangamuyo, ag ro imong pagbinulig sa mga ginakueang.

1 Timoteo 6:18

Tud-i man sanda nga mag-obra permi it mayad agod magmanggaranon sanda pati sa mayad nga buhat. Tud-i man sanda nga magmaatag ag haom permi nga magtao sa iba.

Mga TagaRoma 12:8

Kon ro imong abilidad hay ro pagpabaskog sa buot it iba, gamita ron. Kon pagbulig sa gakinahangean, magbulig ka nga may kaalwan. Kon pagdumaea sa iba, magdumaea ka nga may kahugod. Kon pagkaeuoy sa mga kubos, buligi sanda nga may kalipay.

Mga Binuhatan 24:17

“Imaw pa eang ngani ako ngara nagbalik sa Jerusalem halin ku pilang dag-on ku paghalin ko idto kato. Nagbalik ako ngara agod maghatod it kwarta nga inogbulig sa akong mga kadugo ag maghaead sa Templo.

Mga Binuhatan 10:31

Sinana kakon, Cornelius, ro imo mana nga pangamuyo hay ginpamatian it Dyos ag owa nana ginakalipati ro imong pagbinulig sa mga ginakueang.

Mga Binuhatan 10:2

Nagataha ag nagasimba sa Dyos si Cornelius pati man ro anang panimaeay. Imaw ra hay nagabinulig gid sa mga ginakueang ag permi man imaw nga nagapangamuyo sa Dyos.

Mga Binuhatan 9:36

Idto man sa Joppa, may sangka bayi nga tumueuo nga si Tabita ro ngaean. Dorcas ra kon sa Griniyego. Perming mayad ro anang ginaobra para sa anang isigkatawo ag nagabinulig gid imaw sa mga ginakueang.

Juan 13:29

Eaom ku iba hay ginapabakae ni Jesus si Judas it iba pa nandang kinahangeanon sa Pagtililipon, o basi may ginapatao imaw sa mga pobre, bangod si Judas ro gabuyot ku andang kwarta.

Juan 5:44

Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Lucas 6:42

Paalin ka makahambae sa imong isigkatawo nga bue-on mo ro anang puling nga ikaw ngani mismo hay owa kakita ku tablon nga una sa imong mata? Eaom nimo hay mayad ka gid-ing! Bue-a anay ro tablon sa imong mata agod makakita ka it mayad bago mo bue-on ro puling ku imong isigkatawo.”

Marcos 12:39

Kon sa mga sinagoga ag sa mga handaan hay naila man sanda nga magpungko sa mga pungkuan nga para sa mga dungganon nga mga tawo.

Filemon 1:7

Akon nga igmanghod, nalipay ako it duro ag nagbaskog pa gid ro akong buot tungod sa imo nga paghigugma sa mga katawhan it Dyos inha. Dahil man karon hay imo nga ginpabaskog ro andang buot.

1 Tesalonica 2:6

Ag owa man kami nagapadayaw-dayaw sa tawo, bisan kinyo o kanyo pa.

Mga Binuhatan 11:29

Ngani ro mga sumueunod idto sa Antioc hay nagdesidir nga ro kada isaea kanda hay magtao ku anang masarangan nga ikabulig sa mga kaigmanghuran nga idto nagaistar sa Judea.

Lucas 13:15

Nagsabat kana ro Ginuo, “Mga ipokrito gid-a kamo! Bukon abi it inyo nga ginahubad ro inyong asno o baka sa pasindungan ag ginadaea sa pasabsaban bisan Adlaw it Inogpahuway?

Lucas 12:56

Mga ipokrito gid 't-a kamo! Eaom ninyo hay maaeam gid kamo! Kaantigo kamo magtugma kon ano ro mangin tyempo sa inyo eang nga pagtan-aw sa eangit ag sa palibot pero indi kamo kaantigo mageubot kon ano ro kahueugan ku mga nagakaeanabo iya kinyo sa makaron nga tyempo.

Lucas 12:33

Ngani baligyaan ro inyong pagkabutang ag itao sa mga pobre ro kabakeanan. Kon makaruyon ro inyong obrahon hay parehas man ron nga nagatinipon kamo it manggad sa eangit nga nakabutang sa sueudlan nga owa it pagkasamad. Ngani owa ron it pagkaduea ag owa it pagkaubos. Indi man ron hitakaw ag indi hisamad it sapat-sapat.

Lucas 11:43

Makaeueuoy kamo nga mga Pariseo ay makangingidlis gid ro matabo kinyo sa ulihi! Sa sinagoga hay naila gid-a kamo permi nga magpungko sa mga pungkuan para sa mga dungganon nga mga tawo. Sa kadagayaan hay naila man kamo nga pagsinaluduhan it mga tawo.

Lucas 11:41

Dapat ninyo nga limpyuhan ro maeain nga una sa inyong kabubut-on ag magtao kamo sa mga imoe nga owa ginamunti it inyong buot. Bukon eang dayon it ro inyong mga buhat nga makita ro mangin limpyo sa mata it Dyos kundi pati ro inyong kabubut-on.

Lucas 6:24

“Makaeueuoy kamo nga mga manggaranon ay ro inyong ginaagyan nga matawhay ag bugana nga pagpangabuhi hay hasta eang iya sa kalibutan.

Marcos 7:6

Nagsabat si Jesus, “Tama gid ro hambae ni Propeta Isaias parti kinyo, nga mga ipokrito kamo. Sa ginsueat ni Isaias, naghambae ro Dyos: ‘Ginapadunggan ako ku mga tawo ngara sa andang mga ginahambae, pero maeayo ro andang buot kakon.

Mateo 24:51

Grabi gid-a nga pina ro anang hisamitan sa anang amo ag itagbong dayon imaw, kaibahan it ibang mga ipokrito, sa lugar nga bagay gid kanda kon siin sige ro pagtinangis ag pagpinagot it mga tawo.”

Mateo 23:6

Kon sa mga handaan ag mga sinagoga hay naila gid-a sanda permi nga magpungko sa mga pungkuan para sa mga dungganon nga mga tawo.

Mateo 22:18

Pero sayod gid ni Jesus nga maeain ro andang tuyo. Hinambae nana sanda, “Mga ipokrito! Ham-an it ginadakop-dakop ninyo ako?

Mateo 16:3

Ag kon sa agahon hay mapuea ro kaeangitan, gahambae man kamo nga maeain ro tyempo. Kaantigo kamo magtugma kon ano ro mangin tyempo sa inyo eang nga pagtan-aw sa eangit, pero indi kamo kaantigo mageubot kon ano ro kahueugan ku mga nagakaeanabo iya kinyo sa makaron nga tyempo.

Mateo 15:7

Mga ipokrito gid-a kamo! Tama gid ro hambae ni Propeta Isaias parti kinyo kato anay nga,

Mateo 7:5

Eaom nimo hay mayad ka gid-ing! Bue-a anay ro tablon sa imong mata agod makakita ka it mayad bago mo bue-on ro puling ku imong isigkapareho.

Mateo 5:18

Matuod rang ginahambae kinyo nga myentras iya pa ro kaeangitan ag ro kalibutan hay indi puydi nga dueaon ro gahom ku bisan sangka tuldok o pinakamaisot nga detalye sa Sagrado nga Kasueatan hasta nga indi ra matabo tanan.

Mateo 6:3

Pero kon ikaw 't-a ro magbulig sa mga kubos, ayaw eon pagpasayra bisan ro imong pinakamaeueot nga amigo.

Mateo 23:5

Ro tanan nandang ginaobra hay pakita-kita eang sa tawo agod dayawon sanda. Ro kahon-kahon nga andang ginabutang sa andang dahi ag butkon hay anda gid nga ginapaeagko. Ro palawit ku andang mga kunop hay anda gid nga ginapahabaan kaysa sa ana ku iba.

1 Corinto 13:3

Bisan siguro akon pa nga ipanueupod tanan nakong pagkabutang sa mga ginakueang, ag bisan siguro makapabugae pa ako nga itugyan ko ro akong eawas nga makaagi it grabing kalisod dahil sa akong pagwali, pero kon owa man lang ako it gugma sa iba hay owa man gihapon ako it ganaron karon.