Mateo 6:1 - Inkeanon

¹ Nagpadayon pa gid si Jesus it pagturo. Hambae nana, “Mag-andam gid kamo nga indi kamo magpakita-kita ku inyong pagkamatarong sa mga tawo agod dayawon nanda kamo. Kon makaruyon ro inyong ginaobra hay sigurado gid nga owa kamo it premyo nga mabaton halin sa inyong Ama sa eangit.

Mateo 6:1 Iomraidhean Croise

Mateo 16:27

Maabot gid ro oras nga ako nga Unga it Tawo hay magabalik iya sa kalibutan nga may grabi nga kasilaw ku akon nga Ama, ag kaibahan ku anang mga anghel. Tapos hay akon dayon nga baeusan ro kada isaea suno sa anang hinimuan.

Mateo 16:6

Naghambae dayon si Jesus, “Mag-andam gid kamo sa pangpaalsa it tinapay ku mga Pariseo ag mga *Saduceo.”

Mateo 23:13

Naghambae pa gid si Jesus, “Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, tungod paagi sa inyong saea nga mga ginaturo hay inyo nga ginapugngan ratong gusto nga matapoe sa mga sinakpan it Dyos. Kamo mismo hay nagabalibad nga mangin anang mga sinakpan, tapos hay ginapugngan pa ninyo ro naila.

Mateo 23:5

Ro tanan nandang ginaobra hay pakita-kita eang sa tawo agod dayawon sanda. Ro kahon-kahon nga andang ginabutang sa andang dahi ag butkon hay anda gid nga ginapaeagko. Ro palawit ku andang mga kunop hay anda gid nga ginapahabaan kaysa sa ana ku iba.

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Mateo 5:16

Ngani pahayaga ro inyong iwag paagi sa pagpakita ku inyong pagsunod sa Dyos, agod ro mga tawo sa inyong libot hay makakita ku inyong mayad nga binuhatan, ag andang dayawon ro inyong Ama sa eangit.”

Mateo 5:46

Ham-an gid abi nga premyuhan kamo it Dyos kon ro inyo eang nga ginahigugma hay ro nagahigugma man kinyo? Gahigugma man ngani ro mga manogluko nga *manogsukot it buhis sa mga nagahigugma kanda, bukon abi?

Mateo 5:48

Ngani, kamo hay dapat nga mangin pareho ku inyo nga Ama sa eangit nga owa't kasawayan.”

Mateo 6:16

Naghambae pa gid si Jesus, “Kon magpuasa kamo, ayaw kamo magtuead sa mga ipokrito. Owa sanda gapang-ayos-ayos ku andang kaugalingon agod masayran gid it mga tawo nga nagapuasa sanda. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 6:9

Ngani kon magpangamuyo kamo, hay makaraya ro inyong ihambae: ‘Ama namon sa eangit, kabay nga tahuron ag dayawon it mga tawo ro imong ngaean.

Marcos 8:15

Naghambae dayon si Jesus, “Mag-andam gid kamo sa pangpaalsa it tinapay ku mga Pariseo ag sa pangpaalsa it tinapay ni Herodes.”

Lucas 11:35

Ngani mag-andam gid kamo ay basi eaom ninyo hay kahayag eon ro inyong ginasunod pero kadueom 't-a gali.

Lucas 12:1

Tag nagakatabo ra hay nagtililipon ro linibo nga mga tawo nga nagtaeapakan eon sanda sa andang kaabo. Naghambae anay si Jesus sa anang mga sumueunod, “Mag-andam gid kamo agod indi kamo matapnan ku pangpaalsa it tinapay ku mga Pariseo. Ro akong buot hambaeon hay ro andang pagkaipokrito.

Lucas 12:15

Naghambae dayon si Jesus sa mga tawo, “Mag-andam gid kamo nga indi kamo maghinangoe sa bisan ano nga butang dahil ro kabuhi hay owa eang nasandig sa kaabo it manggad.”

Lucas 16:15

Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Juan 12:43

ay mas ginapaeabi pa abi nanda nga dayawon it tawo kaysa sa dayawon sanda it Dyos.

Juan 5:44

Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Mga Binuhatan 3:12

Pagkakita kara ni Pedro hay naghambae imaw, “Mga kadugo ko nga mga inapo ni Israel, ham-an it hangawa gid kamo sa natabo ngara? Ag ham-an it makaruyon gid ro inyong tueok kamon? Eaom baea ninyo nga paagi sa among gahom o pagkamatarong hay hapatikang namon ro tawo ngara?

Mga TagaGalacia 6:12

Ro mga nagapilit ngaron kinyo nga magpatuli kamo hay nagapakita-kita ag nagapadayaw-dayaw sa mga tawo nga nagasunod sanda sa Kasuguan. Pero sa minatuod hay nagalikaw eang sanda nga hingabuton ku andang kapareho nga mga Judio kon magturo sanda nga ro kamatayon gid lang ni Kristo sa krus ro makaeuwas sa tawo.

Mga Hebreo 11:26

Nagdesidir imaw nga bisan pakaeainon imaw dahil sa anang pagtuo sa Maneueuwas nga ipadaea it Dyos sa ulihi hay mas mahaega ron nga kamaeayran kaysa sa tanan-tanan nga manggad sa Egipto, dahil ginaisip nana permi ro premyo nga itao it Dyos kana sa ulihi.

Mga Hebreo 2:1

Ngani dahil nga ro Unga it Dyos hay eabaw gid sa tanan, dapat naton nga lig-unon pa gid ro atong pagpati sa mensahi parti sa kaeuwasan nga aton eon nga habatian agod indi kita mag-amat it paeayo dikaron.

Mga Hebreo 6:10

Matarong abi ro Dyos ag indi nana paglipatan ro inyong mayad nga binuhatan ag ro inyo nga pagpakita ku inyong paghigugma kana paagi sa inyong padayon nga pagserbi sa katawhan it Dyos.

2 Juan 1:8

Ngani mag-andam gid kamo nga indi hipataeang ag mawad-an it pueos ro among kinabudlayan kinyo sa pagturo. Ayaw kamo magbueag sa matuod nga mensahi, agod mabaton ninyo ro husto nga premyo it Dyos.