Mateo 5:3 - Inkeanon

³ “Bulahan ro mga nagaako nga owa sanda it mahimo kon owa ro Dyos, ay sanda ro itapoe sa anang mga sinakpan.

Mateo 5:3 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Mateo 11:6

Sugiri man imaw nga bulahan ro tawo nga owa gatalikod sa anang pagtuo kakon.”

Mateo 13:16

“Pero bulahan kamo nga mga nagasunod kakon ay haeubtan ninyo kon ano ro inyong hakita ag habatian.

Mateo 19:14

Pero ginhambaean ni Jesus ro anang mga sumueunod, “Pabay-i nga magpaeapit kakon ro mga unga. Ayaw ninyo sanda pagbawaei tungod ro mga pareho kanda ro ginatapoe sa mga sinakpan it Dyos.”

Mateo 24:46

Bulahan gid-a ro sueuguon ngaron kon hiabutan imaw ku anang amo nga ginaobra ro ginbilin ngaron kana.

Mateo 25:34

Pagkatapos, bilang Hari hay hambaeon ko ro mga tawo sa akong may tuo, ‘Maliya kamo nga mga ginapakamaayo ku akon nga Ama. Bilang anang mga sinakpan hay batuna ninyo ro inyong premyo nga gintigana kinyo halin pa ku pagtuga it kalibutan.

Mateo 3:2

Hambae nana permi sa mga tawo, “Maghinuesoe kamo ag magtalikod sa inyong mga saea ay madali lang ro oras nga ipahayag it Dyos ro anang paghari sa tagipusuon ku anang mga sinakpan.”

Mateo 8:11

Ginahambae ko eagi kinyo nga sa ulihi hay kaabo-abo nga tawo nga naghalin sa sari-sari nga lugar sa bilog nga kalibutan ro igatapoe sa mga sinakpan it Dyos nga anang ginaharian, ag magasaeo sanda permi kanday Abraham, Isaac, ag Jacob sa pagkaon.

Marcos 10:14

Naakig si Jesus sa anang mga sumueunod pagkakita nana sa andang gin-obra. Ngani ginhambaean nana sanda, “Pabay-i nga magpaeapit kakon ro mga unga. Ayaw ninyo sanda pagbawaei tungod ro mga pareho kanda ro ginatapoe sa mga sinakpan it Dyos.

Lucas 11:28

Pero nagsabat si Jesus, “Matuod ron pero mas kapin 't-a nga bulahan ro mga nagapamati ag nagatuman sa mensahi it Dyos.”

Lucas 18:14

Hambae ni Jesus, “Ginahambae ko kinyo nga pag-uli ku manogsukot hay imaw 't-a ro matarong eon sa mata it Dyos ag bukon it ratong Pariseo. Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Lucas 22:29

Dahil karon hay taw-an ko kamo it otoridad nga maghari pareho ku pagtao karon kakon ku akon nga Ama sa eangit.

Lucas 22:30

Ngani padunggan ko kamo ag mangin kaibahan nakon kamo permi sa pagkaon kon magselebrar eon idto sa eangit ro tanan nga sinakpan it Dyos. Ag padumaeahon ko kamo ku dose nga ka tribo ni Israel.”

Lucas 4:18

“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos. Ana ako nga ginpaadto iya agod ipahayag sa mga bihag nga puydi sandang mahilway ag sa mga bulag nga makakita sanda it uman ag sa mga matsa ginaeuok it kalisod nga puydi man sanda nga makatibawas.

Juan 20:29

Ginhambae dayon imaw ni Jesus, “Gapati ka baea dahil hakita mo ako? Bulahan ro mga nagapati bisan owa sanda kakita kakon.”

Santiago 1:10

Ag ro mga igmanghod sa pagtuo nga manggaranon hay may ikapabugae man tungod owa eon sanda gasalig sa andang manggad. Kasayod sanda nga bisan manggaranon sanda hay mamatay man gihapon sanda pareho ku mga bueak it hilamunon.

Santiago 1:12

Bulahan ro nagabatas it mga pagtesting sa andang pagtuo ag owa nagatalikod dikaron tungod aprubahan sanda it Dyos. Magabaton dayon sanda it premyo nga kabuhi nga ginpromisa it Dyos sa mga nagahigugma kana.

Santiago 2:5

Pamati kamo, mga pinalangga ko nga igmanghod sa pagtuo! Bukon abi it abo sa mga pobre iya sa kalibutan hay ginpili it Dyos agod mangin manggaranon sa pagtuo kana? Ag bukon abi it itapoe sanda sa anang mga sinakpan ay duyon ro anang ginpromisa sa mga nagahigugma kana?

Pahayag 19:9

Naghambae dayon kakon ro anghel, “Sueatan ra. Bulahan ro mga ginkangay sa ponsyon ku kasae it Tiyo it Karnero.” Ag naghambae pa gid imaw kakon, “Matuod raya nga mga hambae it Dyos.”

Pahayag 22:14

Bulahan ro mga nagalinaba ku andang eambong dahil sanda ro may kinamatarong nga makasueod sa mga pwertahan ku syudad. May kinamatarong man sanda nga makakaon ku bunga ku kahoy nga nagatao it kabuhi.

Pahayag 3:17

Sininyo hay manggaranon gid kamo ag owa kamo ginakueanga. Pero owa kamo kasayod nga sa akong panueok hay mga makaeueuoy gid kamo pareho ku mga pobre, ku mga owa it ginasuksuk ag ku mga bulag.