Mateo 5:1 - Inkeanon

¹ Kaisaeang adlaw, pagkakita ni Jesus ku kaabo nga mga tawo nga nagasunod kana hay nagsaka imaw sa sangka manaba nga bukid ag idto nagpungko. Pagkapungko nana, nagpaeapit kana ro anang mga sumueunod.

Mateo 5:1 Iomraidhean Croise

Mateo 13:2

Kaabo-abo nga mga tawo ro nagtilipon sa anang palibot ngani nagsakay imaw sa baroto nga idto sa may bi-bi ag naglingkod samtang idto ma't-a ro tanan nga mga tawo sa baybayon nagatilindog.

Mateo 15:29

Naghalin sa ratong lugar si Jesus ag nagpamanawon hasta nga nakaabot imaw sa may Dagat it Galilea. Pag-abot idto, nagsaka imaw sa sangka bukid ag nagpungko.

Mateo 4:25

Tungod kara, kaabo-abo gid nga mga tawo ro nagsunod kana nga naghalin sa mga lugar it Galilea, Judea, Jerusalem, Decapolis ag pati man sa tabok ku suba it Jordan.

Mateo 5:2

Nag-umpisa dayon imaw it pagturo sa mga tawo. Hambae nana,

Marcos 3:13

Ku ulihi, nagtukad si Jesus sa bukid ag ana nga gintawag ro mga tawo nga gusto nana nga magmunot idto kana ag nag-aeadto dayon sanda kana.

Marcos 3:20

Nag-adto dayon sanday Jesus sa sangka baeay. Kaabo-abo eon man nga mga tawo ro nag-aeabot idto ngani owa eon makakaon sanday Jesus ag ro anang mga sumueunod ay masako gid sanda.

Marcos 4:1

Kaisaea kato, nagturo eon man si Jesus sa mga tawo idto sa baybayon ku Dagat it Galilea. Kaabo-abo ro mga tawo nga nagtilipon sa anang palibot, ngani nagsakay imaw ag lumingkod sa baroto nga idto sa may bi-bi. Ro tanan nga mga tawo ma't-a hay idto sa baybayon.

Lucas 6:12

Pagkataliwan it pilang adlaw, nagtukad si Jesus sa bukid agod magpangamuyo. Sang gabii ro anang pagpinangamuyo sa Dyos.

Lucas 6:17

Pagkatapos, nagpanaog sa bukid sanday Jesus ag ro anang mga ginpili ngato. Bago sanda nakaabot sa ubos hay nagpundo anay sanda sa sangka lugar idto nga patag-patag. Nagatueumpok idto ro kaabo-abo nga iba pa nga mga sumueunod ni Jesus, pati man ro kaabo-abo nga mga tawo nga halin pa sa Judea, sa Jerusalem ag sa mga syudad it Tiro ag Sidon nga maeapit sa kadagatan.

Lucas 6:20

Tapos, nagtan-aw si Jesus sa kaabo-abo nana ngato nga mga sumueunod ag naghambae, “Bulahan kamo nga mga kubos ay matapoe kamo sa mga sinakpan it Dyos.

Lucas 9:28

Pagkataliwan it mga waeong adlaw nga ginhambae ra ni Jesus, nagsaka imaw sa bukid agod magpangamuyo. Gindaea nana sanday Pedro, Juan ag Santiago.

Juan 6:15

Hasayran ni Jesus nga gusto ku mga tawo nga hawiran imaw ag piliton nga mangin hari nanda, ngani pumanaw imaw nga isaea ag sumaka it uman sa bukid.