Mateo 4:3 - Inkeanon

³ Pagkatapos, nag-abot ro Panueay ag naghambae kana, “Dahil Unga ka it Dyos, sugua rondayang mga bato nga mangin tinapay.”

Mateo 4:3 Iomraidhean Croise

Mateo 14:33

Nageuhod dayon ro anang mga sumueunod nga idto sa baroto ag ginsimba nanda imaw. Hambae nanda, “Ikaw gid matuod ro Unga it Dyos.”

Mateo 16:16

Nagsabat si Simon Pedro, “Ikaw ro Maneueuwas nga ginpromisa it Dyos. Ikaw ro Unga ku buhi nga Dyos.”

Mateo 26:63

Pero naghinipos eang si Jesus. Ginhambae eon man imaw ku pinakapinuno nga saserdote, “Magsumpa ka sa ngaean it buhi nga Dyos nga magasugid ka it matuod kon ikaw ro Unga it Dyos, ro Maneueuwas nga anang ginpromisa.”

Mateo 3:17

May naghambae dayon halin sa eangit, “Raya ro akong palangga nga unga. Nalipay gid ako it duro kana.”

Marcos 1:1

Ro Mayad nga Balita hanungod kay Jesu-Kristo nga Unga it Dyos hay nag-umpisa tag natuman rato nga

Marcos 3:11

Ag kon hikita ngani imaw it mga maeain nga espirito nga una sa eawas it mga tawo hay anda nga ginapahapa ag ginapasiyagit ro mga tawo nga andang ginsudlan ag ginapahambae it mabaskog, “Ikaw ro Unga it Dyos!”

Marcos 5:7

Nagsiyagit ro eaki, “Ayaw ako pag-intrahi, Jesus, unga it Dyos nga Eabing Mataas! Magsumpa ka sa ngaean it Dyos nga indi mo ako pagpasakitan.”

Lucas 1:35

Nagsabat ro anghel, “Ro Espirito Santo hay magakunsad kimo ag pagalikupan ka ku gahom it Dyos nga Eabing Mataas ngani ro imong mangin unga hay balaan ag pagakilaeahon nga Unga it Dyos.

Lucas 22:70

Nagpangutana dayon sanda tanan, “Kon mawron hay ikaw baea ro Unga it Dyos?” Nagsabat si Jesus kanda, “Tama ro inyong hambae ngaron.”

Lucas 4:3

Ginhambae dayon imaw ni Satanas, “Dahil Unga ka it Dyos, sugua rondaya nga bato nga mangin tinapay.”

Lucas 4:41

Abo man nga mga maeain nga espirito ro ginsuboe ni Jesus sa eawas it mga tawo. Nagasinggit ro mga maeain nga espirito nga si Jesus ro Unga it Dyos pero ginpahipos sanda ni Jesus. Owa gid sanda pagpabay-i ni Jesus nga maghambae ay sayod abi nanda nga imaw ro Maneueuwas nga ginpromisa it Dyos.

Lucas 4:9

Gindaea dayon imaw ni Satanas sa Jerusalem ag ginpatindog sa pinakamataas nga parti it Templo. Hambae kana ni Satanas, “Dahil Unga ka it Dyos, abi eumpat

Juan 1:34

Nakita ko gid ron ngani ginahambae ko kinyo nga imaw matuod ro Unga it Dyos.”

Juan 1:49

Naghambae si Nataniel, “*Rabbi, Unga ka gid matuod it Dyos. Ikaw eon gid-a ro among ginahueat nga hari ku mga inapo ni Israel.”

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 9:35

Pagkabati ni Jesus nga indi eon nanda pagpasudlon sa sinagoga ro eaki ngato hay ana ra nga gin-usoy. Pagkakita kana ni Jesus hay ginhambae ra nana, “Nagatuo ka baea sa Unga it Tawo?”

Mga Binuhatan 9:20

Ag samtang idto imaw hay nagwinali't-a eagi imaw sa mga sinagoga nga si Jesus hay Unga it Dyos.

2 Corinto 1:19

Ginahambae ko ra dahil ro Unga it Dyos nga si Jesu-Kristo nga ginwali namon kinyo nanday Silas ag Timoteo hay masaligan gid ag bukon it huae-huae ag ginatuman nana permi ro tanan nanang ginahambae.

Mga TagaGalacia 2:20

Ginabilang ko nga gineansang ag namatay man ako sa krus kaibahan ni Kristo. Bukon eon it ro akong gusto sa akon nga kabuhi ro akon nga sundon kundi ro ay Kristo nga gusto, tungod iya imaw nagakabuhi kakon. Ag ro akon nga adlaw-adlaw nga pagkabuhi hay bunga it akong pagtuo sa Unga it Dyos. Imaw ro naghigugma kakon ag naghaead ku anang kabuhi para kakon.

1 Tesalonica 3:5

Mawron ngani nga ginpaadto ko inha si Timoteo, ay indi ako himayang ag gusto kong masayran kon nagapadayon kamo sa inyong pagtuo. Basi sinakon kon hatentar eon kamo ku Panueay nga magtalikod sa inyong ginatuuhan, ag mangin owa it pueos ro among kabudlay sa pagtinuro kinyo.

Mga Hebreo 12:16

Mag-andam man kamo nga owa kinyo it maghulid sa bukon ninyo it asawa ukon magtuead kay Esau nga nagbaliwala sa mga bagay nga mahaega sa Dyos. Bilang panganay, ro ginpromisa it Dyos sa anang lolo nga si Abraham hay kana kunta maadto, ugaling ginbaliwala nana ron ag ginbaylo nana sa sangka kaean-an eang.

Mga Hebreo 4:14

Ngani padayon nga huptan gid naton ro bilog nga doktrina nga atong ginapatihan dahil may aton nga owa it katupong nga Pinakapinuno it mga Saserdote nga nakasueod sa pinakabalaan nga parti it eangit agod magrepresentar katon sa Dyos Ama. Ag imaw ra hay owa't iba kundi si Jesus nga Unga it Dyos.

Mga Hebreo 7:3

Owa imaw it tatay o nanay o mga kalolohan ag owa man it umpisa o katapusan ro anang kabuhi. Ag dahil pareho imaw sa Unga it Dyos, saserdote imaw hasta sa owa it katapusan.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

Pahayag 2:10

Ayaw gid kamo it kahadlok sa mga kalisdanan nga madali lang ninyo maagyan. Pamati kamo! Sa indi magbuhay, ipapriso ni Satanas ro iba kinyo agod testingan ro inyong pagtuo. Ro inyong pagkalisod hay magaeawig it napueong adlaw. Magpakalig-on kamo sa inyong pagtuo kakon bisan patyon pa kamo, ag premyuhan ko kamo it kabuhi nga owa it katapusan.