Mateo 4:11 - Inkeanon

¹¹ Tapos, naghalin si Satanas ag nag-abot dayon ro mga anghel it Dyos ag andang gintatap si Jesus.

Mateo 4:11 Iomraidhean Croise

Mateo 26:53

Owa ka baea kasayod nga kon magpangayo ako it bulig sa akon nga Ama hay makapadaea imaw it linibo nga mga anghel makaron eagi?

Mateo 4:6

Ginhambae imaw ni Satanas, “Dahil Unga ka it Dyos, abi eumpat ay nasueat sa Sagrado nga Kasueatan nga, ‘Suguon it Dyos ro anang mga anghel nga bantayan ka.’ Ag nasueat man nga, ‘Anda ka nga sapnayon agod owa it matabo kimo, ag bisan ro imong siki hay indi hinandad sa bato.’ ”

Marcos 1:13

Idto imaw nagtenir sa sueod it kwarenta diyas ag gintinentar imaw ni Satanas. May mga mabangis nga sapat sa ratong lugar pero gindinipara imaw it mga anghel.

Lucas 22:43

[May nagpakita dayon nga anghel halin sa eangit nga nagpabaskog ku anang buot.

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Lucas 4:13

Tag nahimo eon ni Satanas ro tanan nga paagi agod eang hitentar si Jesus, inaywanan anay nana ra ag naghueat nga makatsansa imaw sa ulihi.

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Mga Hebreo 1:14

Hay ano gali ro mga anghel kon mawron? Sanda ro mga indi makita nga mga tinuga nga nagaserbi sa Dyos, ag sanda hay ana nga ginapadaea para sa ikamayad ku mga tawo nga ro dangaton hay kaeuwasan halin kana.

Mga Hebreo 1:6

Ag tag inogpadaea eon it Dyos iya sa kalibutan ro anang owa it kapareho nga Unga hay naghambae imaw, “Dapat nga simbahon imaw ku tanan nakon nga mga anghel.”