Mateo 4:10 - Inkeanon

¹⁰ Nagsabat si Jesus, “Halin iya, Satanas! Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”

Mateo 4:10 Iomraidhean Croise

Mateo 16:23

Binalikid dayon ni Jesus si Pedro ag hinambae, “Halin iya, Satanas! Imo 't-a nga ginabaeabagan ro akong pagtuman sa gusto it Dyos. Ro imong paino-ino hay ana it tawo bukon it ana ku Dyos.”

Marcos 1:13

Idto imaw nagtenir sa sueod it kwarenta diyas ag gintinentar imaw ni Satanas. May mga mabangis nga sapat sa ratong lugar pero gindinipara imaw it mga anghel.

Lucas 10:18

Nagsabat si Jesus, “Hakita ko ngani si Satanas nga matsa kilat it dasig nga nahueog halin sa eangit.

Lucas 11:18

Ngani kon si Satanas mismo ro nagasuboe sa anang mga sinakpan nga mga demonyo nga maghalin sa mga tawo nga andang ginsudlan hay ginakuntra nana ro ana mismong kaugalingon. Kon makaruyon hay paalin makapadayon ro anang pagdominar? Ginapangutana ko kamo kara ay sininyo hay paagi eang sa gahom ni Beelzebul makasuboe ako it mga demonyo.

Lucas 13:16

Hay rayang bayi ngara nga apo pa ni Abraham hay gin-gapos ni Satanas sa sueod it 18 anyos. Bukon abi it dapat gid nga hilwayon eon imaw sa anang masakit bisan Adlaw pa ra it Inogpahuway?”

Lucas 22:3

Nagsueod dayon si Satanas kay Judas nga ginatawag nga Iscariote nga sambilog man sa doseng ka sumueunod ni Jesus.

Lucas 22:31

Naghambae dayon si Jesus, “Simon, Simon, pamati kakon. Nageaong si Satanas sa Dyos nga testingan nana kamo nga matsa ginaayag kamo pareho it harina.

Lucas 4:8

Nagsabat si Jesus, “Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”

Juan 13:27

Pagkabaton ni Judas ku tinapay ngato hay nagsueod dayon kana si Satanas. Ginhambae dayon imaw ni Jesus, “Obraha eagi ro imong gindesidihan nga obrahon.”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga Binuhatan 5:3

Pero ginhambae imaw ni Pedro, “Ananias, ham-an it ginsugtan mo si Satanas nga gamhan ro imong paino-ino nga nagpinuril ka't-ing ku kabakeanan ku imong eugta, ay ginbuhinan mo ra bago mo gindaea iya? Pero ro matuod 't-a hay sa Espirito Santo ka't-ing nagpinuril!

1 Corinto 5:5

Pahalina dayon ninyo ro tawo ngaron sa inyong grupo ag iintrigar imaw kay Satanas agod masamad ro anang eawas agod maeuwas ro anang espirito sa adlaw nga hukman eon it Ginuo ro katawhan.

1 Corinto 7:5

Ngani ayaw ninyo pagdimuti ro kada isaea nga indi't-a kamo maghulid. Ro oras eang nga ginasugtan ro mag-asawa nga indi anay maghulid hay kon nagkasugot ma't-a kamo nga magpangamuyo para sa sangka bagay nga importanti sa sueod it pilang adlaw. Pero dapat hay gakasugot man kamo kon man-o eang it buhay. Pero pagkataliwan eon karon hay puydi eo't-a nga maghulid kamo agod indi kamo matentar ni Satanas nga magpangawatan dahil indi ninyo mapugngan ro inyong kaugalingon.

2 Corinto 11:14

Pero bukon man ron it makangawa-ngawa ay bisan si Satanas mismo hay puydi nga magpakita nga anghel nga kasilaw-silaw nga matsa anghel gid-a imaw it Dyos.

2 Corinto 12:7

Hay ngani, agod indi ako magbinugae ag magpaino-ino nga matsa kon sin-o gid ako dahil sa sobra-sobra nga mga makangawa-ngawa nga ginpahayag it Dyos kakon, ginsugtan nana nga pakalisdan ako ni Satanas sa matsa siit nga nagatinuslok sa akon nga eawas.

2 Corinto 2:11

Gin-obra ko ron agod indi kita hiisahan ni Satanas ag hikumbinsi nga indi naton pagpatawaron ro tawo ngaron ay sayod naton kon mauno it eain ro isip ag motibo ni Satanas.

Santiago 4:7

Ngani magpasakop kamo sa Dyos. Sukei ninyo si Satanas ag magapaeagiw imaw kinyo.

1 Pedro 5:9

Sukei ninyo imaw paagi sa inyong malig-on nga pagtuo sa Dyos ay sayod kamo nga bukon eang it kamo ro nagaagi it mga kalisod. Ro inyo ngarong ginaagyan hay pareho man sa ginaagyan ku inyong mga kaigmanghuran sa pagtuo sa bilog nga kalibutan.