Mateo 3:8 - Inkeanon

⁸ Kon matuod nga nagatalikod kamo sa inyong mga saea, pakitaan sa inyong mayad nga buhat.

Mateo 3:8 Iomraidhean Croise

Mateo 21:32

Bangod tag nag-adto riya si Juan nga Manogbawtismo ag nagturo kon mauno ro pagpangabuhi it matarong hay owa kamo magtalikod sa inyong mga saea ag magpati kana. Pero nagpati kana ro mga *manogsukot it buhis ag ro mga maeain nga bayi. Bisan hakita eon ron ninyo hay owa gihapon kamo nagpati kay Juan.”

Lucas 3:8

Kon matuod nga nagatalikod kamo sa inyong mga saea, ipakita ron paagi sa inyong mayad nga buhat. Ag ayaw kamo magsalig nga tungod mga inapo kamo ni Abraham hay makalibre kamo sa pina it Dyos. Ginahambae ko kinyo nga ro Dyos hay makahimo it inapo ni Abraham halin sa rayang mga bato iya.

Mga Binuhatan 26:20

Mawron nga nagwali ako, primero anay hay sa Damascus, pagkatapos hay sa Jerusalem ag sa bilog nga probinsya it Judea, ag pati man sa mga lugar ku mga bukon it Judio. Ginwali ko sa mga tawo nga dapat sandang maghinuesoe ag magtalikod sa andang mga saea, ag magpasakop sa Dyos. Ginwali ko man nga dapat sandang maghimo it mga matarong nga buhat, nga nagapakita nga nagatalikod matuod sanda sa andang mga saea.

Mga TagaEfeso 5:8

Kato anay hay pareho man kamo kanda nga nagakabuhi sa kadueom it saea, pero makaron hay sa kahayag eon kamo dahil mga katawhan eon kamo it Ginuo. Ngani magpangabuhi kamo nga ro inyong batasan hay kat ana it mga tawo nga sa kahayag eon,

Mga TagaEfeso 5:9

ay ro batasan ku mga sa kahayag eon hay mabuot, matarong ag owa nagapakuno-kuno.

Mga TagaFilipos 1:11

Ag sa adlaw ngaron hay makita nga ro bunga ku inyong pagtuo kay Jesu-Kristo hay kabuhi nga matarong gid, ag pagapadunggan ro Dyos ag pagakilan-on ro anang pagkadaeayawon.