Mateo 3:7 - Inkeanon

⁷ Abo man nga mga *Pariseo ag mga *Saduceo ro nag-adto kay Juan agod magpabawtismo. Pagkakita kanda ni Juan hay ginhambaean nana sanda, “Mga tuso gid-a kamo pareho it sawa! Eaom baea ninyo hay makalikaw kamo sa pina it Dyos paagi sa inyong pagpabawtismo?

Mateo 3:7 Iomraidhean Croise

Mateo 12:24

Pero pagkabati karon ku mga Pariseo hay naghueutikan sanda. Sinanda, “Makasuboe man lang ron it mga demonyo dahil sa gahom ni Beelzebul nga pinuno it mga demonyo.”

Mateo 12:34

Mga tuso gid-a kamo pareho it sawa! Paalin abi kamo makahambae it mga mayad ay mga maeaot kamo? Kon ano ro una sa kabubut-on hay imaw man ro nagaguwa sa ba-ba.

Mateo 15:12

Nagpaeapit dayon kana ro anang mga sumueunod ag naghambae, “Sayod mo baea nga nanaw-ay it duro ro mga Pariseo pagkabati nanda sa imong ginhambae ngato?”

Mateo 16:1

Owa mabuhayi, may nag-adto nga mga Pariseo ag *Saduceo kay Jesus. Gusto nanda imaw nga testingan ngani ginapaobra kunta nanda imaw it milagro sa kaeangitan bilang pamatuod nga pinadaea imaw it Dyos.

Mateo 16:6

Naghambae dayon si Jesus, “Mag-andam gid kamo sa pangpaalsa it tinapay ku mga Pariseo ag mga *Saduceo.”

Mateo 22:15

Nagpaeanaw dayon ro mga Pariseo ag ginplanuhan nanda kon paalin ro pagdakop-dakop kay Jesus paagi sa istorya, ay basi may anang ihambae nga magamit nanda kuntra kana agod ikakiha nanda imaw.

Mateo 22:23

Ku rato mismo nga adlaw, may mga *Saduceo nga nag-adto kay Jesus agod mangutana. (Ro mga *Saduceo hay owa nagapati nga may pagkabanhaw.)

Mateo 22:34

Pagkabati ku mga Pariseo nga owa kasabat kay Jesus ro mga *Saduceo hay umadto sanda idto kana ag idto nagtueumpok.

Mateo 23:33

Mga tuso gid-a kamo pareho it sawa! Imposible gid nga makalibre kamo sa inyong pina sa impyerno.

Mateo 5:20

Ginahambae ko eagi kinyo nga indi kamo hitapoe sa mga sinakpan it Dyos kon ro inyong pagkamatarong hay indi kaeabaw sa pagkamatarong ku mga Pariseo ag ku mga maestro it Kasuguan.”

Marcos 12:13

Ngani ro mga pinuno ngato hay nagpadaea it mga Pariseo ag mga kaapin ni Herodes agod magdakop-dakop kay Jesus sa istorya, ay basi may anang ikahambae nga magamit nanda kuntra kana.

Marcos 12:18

Pagkatapos, may mga *Saduceo nga nag-adto kay Jesus agod mangutana. Ro mga Saduceo hay owa nagapati nga may pagkabanhaw. Naghambae sanda kay Jesus,

Marcos 8:15

Naghambae dayon si Jesus, “Mag-andam gid kamo sa pangpaalsa it tinapay ku mga Pariseo ag sa pangpaalsa it tinapay ni Herodes.”

Lucas 16:14

Habatian ku mga Pariseo ro tanan ngato nga ginhambae ni Jesus ag dahil sanda ra hay mga mailaon gid it manggad, anda kara imaw nga gintinuya-tuya.

Lucas 18:11

Nagtindog ro Pariseo ag nagpangamuyo nga ginapabugae ra kaugalingon. Hambae nana, ‘Gapasaeamat ako kimo, Dyos ko, nga bukon ako it pareho ku ibang tawo nga buyong, bukon it matarong, ag hangawatan. Ag gapasaeamat gid-ang nga bukon ako it pareho ku *manogsukot it buhis ngato.

Lucas 7:30

Pero ginbaliwala ku mga Pariseo ag mga maestro it Kasuguan ro plano it Dyos para kanda mawron nga owa sanda nagpabawtismo kay Juan.

Juan 1:24

Sa mga nagapangutana ngato hay may mga *Pariseo.

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Juan 9:40

May mga Pariseo idto ag habatian nanda ro ginhambae ngara ni Jesus ngani naghambae sanda, “Ano ring eaom, kueang ro among pagkaeubot sa plano it Dyos ay?”

Mga Binuhatan 15:5

Pero may pilang ka tumueuo nga mga Pariseo nga tumindog ag naghambae, “Dapat gid-a nga tulion ro mga tumueuo nga bukon it Judio, ag ipatuman kanda ro Kasuguan it Dyos nga ginsueat ni Moises.”

Mga Binuhatan 20:31

Ngani mag-andam kamo ag dumduma ninyo nga sa sueod it tatlong dag-on hay owa gid ako nagpundo sa pagtinuro kinyo adlaw-gabii, ag abo ro akong euha nga nagtueo por dahil kinyo.

Mga Binuhatan 26:5

Ag hasayran man nanda, kon magsugid eang kunta sanda, nga kato pa hay myembro eon ako it Pariseo, nga pinakastrikto nga grupo it atong relihiyon, ag gintinuman ko ro tanan nga andang ginaturo.

Mga Binuhatan 5:17

Dahil sa mga nagakaeatabo ngara hay nahisa it duro sa mga apostoles ro pinakapinuno nga saserdote ag ro anang mga kaibahan nga mga *Saduceo.

Mga TagaRoma 1:18

Dapat nga mangin matarong kita sa panueok it Dyos tungod ro Dyos sa eangit hay nagapahayag nga naakig imaw ag anang pinahan ro tanan nga owa it kahadlok kana ag nagakabuhi nga bukon it matarong. Sa andang bukon it matarong nga pagpangabuhi hay ginatinguhaan nanda permi nga tabunan ro kamatuuran nga halin sa Dyos.

Mga TagaRoma 5:9

Ngani dahil ginbilang eon kita it Dyos nga mga matarong paagi sa dugo ni Kristo nga nag-agay tag ginpatay imaw hay mas kapin nga sigurado nga maeuwas kita sa pina it Dyos sa atong kasae-anan.

1 Tesalonica 1:10

Ag ginasugid man nanda nga ginapaabot gid ninyo ro pagbalik halin sa eangit ku anang Unga nga anang ginbanhaw. Ro anang Unga ngara hay si Jesus, ag imaw ro magaeuwas katon sa pina nga maabot tungod sa kaakig it Dyos sa kasae-anan it tawo.

Mga Hebreo 11:7

Dahil sa pagtuo ni Noe, mawron nga nagpati imaw sa paandam it Dyos parti sa anang obrahon sa ulihi. Bisan owa pa imaw it hakita nga makato nga natabo hay nagtuo gid imaw nga matabo gid rato. Ag dahil sa anang pagtaha sa Dyos hay gintuman nana ro sugo it Dyos nga mag-obra it arka agod maeuwas ro anang panimaeay. Ro anang pagtuo ro nagpakita man nga bagay eang nga pinahan it Dyos it kamatayon ratong mga indi magtuman kana. Ag ginpremyuhan it Dyos si Noe it pagkamatarong sa anang panueok nga mabaton man ku bisan sin-o nga may pagtuo nga makaruyon.

Mga Hebreo 6:18

Ro promisa ag ro sumpa ngaron hay indi gid magbag-o ay imposible gid nga magpinuril ro Dyos. Ngani paagi sa daywa ngara, kita nga nagdangop kana agod anang proteksyunan hay may grabi nga kabaskog it buot nga magpati it malig-on nga aton nga mabaton sa ulihi ro ginpromisa it Dyos.

1 Juan 3:10

Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.