Biblia Todo Logo
Bìoball air-loidhne

- Sanasan -




Mateo 3:6 - Inkeanon

6 Gin-ako nanda ag ginhinuesuean ro andang mga saea ag ginbawtismuhan dayon sanda ni Juan sa suba it Jordan.

Faic an caibideil Dèan lethbhreac




Mateo 3:6
35 Iomraidhean Croise  

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.


Abo nga mga tawo halin sa bilog nga probinsya it Judea ag sa syudad it Jerusalem ro nag-adto kay Juan agod magpamati. Gin-ako nanda ag ginhinuesuean ro andang mga saea ag ginbawtismuhan dayon sanda ni Juan sa suba it Jordan.


Abo nga mga inapo ni *Israel ro pagapabalikon nana sa Ginuo nga andang Dyos.


Naghambae kanda si Juan, “Ginabawtismuhan ku kamo it tubi pero may maabot nga mas eabaw pa kakon nga bisan gahubad eon lang ku higot it anang sandalyas hay bukon ako it takos. Pagabawtismuhan nana kamo it Espirito Santo ag kaeayo.


Nagbawtismo si Juan it tubi pero kamo't-a, sa indi magbuhay hay ro Espirito Santo't-a ro ibawtismo kinyo.”


Ag hadumduman ko dayon ro ginhambae it Ginuo, ‘Nagbawtismo si Juan it tubi pero kamo't-a hay ro Espirito Santo't-a ro ibawtismo kinyo.’


Ag abo nga mga tumueuo nga nag-ako ku andang maeain nga buhat sa atubang ku andang mga kaibahan.


Ayaw eon pagpabuhaya. Magpangamuyo ka eon nga patawaron it Dyos ro imong mga saea dahil sa ginhimo ni Jesus. Magpabawtismo ka dayon nga nagapakita nga ginhugasan ka eon sa imong mga saea.’


Sa andang mga gin-agyan ngaron hay matsa ginbawtismuhan sanda tanan bilang mga sumueunod ni Moises.


Pagbawtismo kinyo hay pareho man nga gineubong kamo kaibahan ni Kristo, ag nabanhaw man kaibahan nana tungod sa inyong pagtuo sa gahom it Dyos nga nagbanhaw kana.


ro mga ritwal sa pagpalibanaw, ro pagtungtung it alima sa tawo kon gapangamuyo para kanda, ro pagkabanhaw it mga patay, ag ro owa't katapusan nga pina it Dyos sa mga owa nagtuo kana.


Ro mga sueundanan ngato hay parti eang sa kaeawasan, pareho it kon ano ro puydi nga kan-on ag imnon, ag sa mga ritwal sa pagpalibanaw. Duyon nga mga sueundanan hay temporaryo eang ag nangin owa eon it pueos tag gintao eon it Dyos ro anang bag-o nga kasugtanan sa tawo.


Ngani akua ro inyong mga saea nga inyong nahimo sa kada isaea ag magpaeangamuyuan kamo agod magmayad kamo. Pwerti gid ro pangamuyo it tawo nga matarong ag mabahoe gid ro mahimo kara.


Rato hay nagasimbolo ku pagbawtismo sa makaron nga tyempo tungod tag ginabawtismuhan kamo, ruyon ro kahalimbawa kon paalin kamo ginaeuwas it Dyos sa pina it saea dahil sa pagkabanhaw ni Kristo. Ro pagbawtismo hay owa kinyo gaeuwas paagi sa paglimpyo it higko sa inyong eawas kundi paagi sa inyong pagpangamuyo sa Dyos nga patawaron na ro inyong kasae-anan.


Pero kon aton nga akuon sa Dyos ro atong mga saea, ag pangayuan it patawad hay ana kita nga patawaron ag limpyuhan sa tanan naton nga nahimo nga bukon it matarong, agod mangin limpyo kita sa anang panueok, dahil ro Dyos hay permi nga matarong ro anang ginaobra, ag permi nga masaligan nga tumanon nana ro anang ginpromisa.


Lean sinn:

Sanasan


Sanasan