Mateo 3:11 - Inkeanon

¹¹ Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Mateo 3:11 Iomraidhean Croise

Mateo 3:6

Gin-ako nanda ag ginhinuesuean ro andang mga saea ag ginbawtismuhan dayon sanda ni Juan sa suba it Jordan.

Marcos 1:4

Natabo raya ngara nga ginsueat ni Propeta Isaias kat nag-umpisa si Juan it pagwali sa *disyerto ag nagpangbawtismo. Naghambae imaw sa mga tawo, “Maghinuesoe ag magtalikod kamo sa inyong mga saea ag magpabawtismo agod patawaron kamo it Dyos.”

Lucas 1:17

Mauna imaw sa Maneueuwas. Mangin pareho man imaw kay anay Propeta Elias nga owa it nahadlukan ag may kaisog it buot. Pahaumon nana ro mga tawo sa pag-abot it Ginuo. Paagi sa anang ginaturo hay pabalikon nana ro mayad nga relasyon ku mga ama sa andang mga unga, ag pabag-uhon nana ro paino-ino ku mga bukon it masinueundon sa Dyos agod ro andang paino-ino hay mangin pareho ku ana it mga matarong nga mga tawo.”

Lucas 3:16

Naghambae kanda si Juan, “Ginabawtismuhan ku kamo it tubi pero may maabot nga mas eabaw pa kakon nga bisan gahubad eon lang ku higot it anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Lucas 3:3

Ngani naglibot si Juan sa tanan nga lugar sa libot it suba it Jordan ag nagwali sa mga tawo nga dapat sandang maghinuesoe ag magtalikod sa andang mga saea, ag magpabawtismo agod patawaron sanda it Dyos.

Juan 1:15

Nagwali si Juan nga Manogbawtismo parti kana. Hambae ni Juan, “Imaw ra ro akong ginapatungdan sa akong ginhambae kinyo nga may maabot masunod kakon nga eabaw pa kakon, tungod una eon imaw bago pa ako natawo.”

Juan 1:30

Imaw ra ro akong ginapatungdan sa akong ginhambae kinyo nga may maabot masunod kakon nga eabaw pa kakon, tungod una eon imaw bago pa ako natawo.

Mga Binuhatan 1:5

Nagbawtismo si Juan it tubi pero kamo't-a, sa indi magbuhay hay ro Espirito Santo't-a ro ibawtismo kinyo.”

Mga Binuhatan 19:4

Nagsabat si Pablo, “Ginturo ni Juan nga dapat nga maghinuesoe ro mga tawo ag magtalikod sa andang mga saea, ag pagkatapos hay magpabawtismo bilang pagpakita nga gin-obra nanda ron. Pero ginturo man nana nga dapat sanda magtuo sa maabot nga masunod kana, ag rato ngani hay si Jesus.”

Mga Binuhatan 8:36

Sa andang pagbiyahe ngato, nakaabot sanda sa sangka lugar nga may tubi. Naghambae ro opisyal, “Hato, may tubi. Puydi eon baea ako nga bawtismuhan?”

Mga Binuhatan 8:38

Ginpapundo ku opisyal ro anang karwahe. Nagpanaog sanda ag nageusob sa tubi ag ginbawtismuhan dayon imaw ni Felipe.

1 Corinto 12:13

Kita tanan, Judio man kita o bukon, ulipon man o bukon hay ginabawtismuhan sa sangka Espirito agod mangin sangka eawas eang, ag tanan kita hay ginaistaran it Espirito Santo ngara.

Mga TagaEfeso 3:8

Bisan ako ro pinakakubos sa tanan nga mga katawhan it Dyos, ginpakita gihapon nana kakon ro anang sobrang kabuot nga gintaw-an nana ako it pribilihiyo nga magwali sa mga bukon it Judio parti sa bugana ag indi matungkad nga pagpakamaayo ni Kristo.

Tito 3:5

hay gineuwas nana kita. Gineuwas nana kita dahil sa anang kaeuoy katon, bukon it dahil may mga matarong kita nga buhat. Gineuwas kita it Dyos paagi sa anang paghugas katon sa atong kasae-anan tag natawo kita it uman, ag gintaw-an it bag-o nga kabuhi paagi sa Espirito Santo

1 Pedro 5:5

Kamo ma't-a nga mga pamatan-on nga mga eaki, ro akon nga bilin kinyo hay magpasakop gid kamo sa mga manogdumaea inha kinyo. Ag kamo tanan inha hay dapat nga mapainubuson sa kada isaea ay nasueat sa Kasueatan nga, “Ro mga palabi-labihon hay ginakuntra it Dyos pero ro mga mapainubuson hay anang ginapakamaayo.”