Mateo 3:10 - Inkeanon

¹⁰ Haom eon ro pina it Dyos kinyo pareho it wasay nga haom eon ipukan it kahoy. Ro kada kahoy nga owa nagabunga it manami hay pukanon ag igatong.

Mateo 3:10 Iomraidhean Croise

Mateo 21:19

Nakakita imaw sa binit it daean it kahoy nga higera kon tawgon. Ana ra nga ginpaeapitan ag gintan-aw kon may bunga nga sarang makaon pero owa imaw it hakita kundi dahon. Ginhambae ra nana, “Umpisa makaron, indi ka eon magpamunga maskin hin-uno.” Ag naeaay eagi ro kahoy it higera.

Mateo 7:19

Ro tanan nga kahoy nga owa nagabunga it manami hay ginapukan ag ginagatong.

Lucas 23:31

Kon raya ro andang ginahimo kakon nga pareho it kahoy nga buhi, mas grabi pa gid ro matabo kinyo nga mga Judio nga pareho it patay ag mamaea eon nga kahoy.”

Lucas 3:9

Haom eon ro pina it Dyos kinyo pareho it wasay nga haom eon nga ipukan it kahoy. Ro kada kahoy nga owa nagabunga it manami hay pukanon ag igatong.”

Juan 15:2

Ana nga ginaputoe ro kada sanga nga owa gabunga. Pero ro mga sanga nga nagabunga hay ana nga ginapungoe agod magbunga pa gid it abo.

Juan 15:6

Ro owa nagapadayon sa anang maeueot nga kaangtanan kakon hay pareho it inutod nga mga sanga nga eangkay eon. Tipunon dayon sanda ag ginaitsa sa kaeayo agod masunog.

Mga Hebreo 12:25

Ngani mag-andam kamo nga indi magpabungoe-bungoe sa ginahambae it Dyos kinyo. Ro mga tawo abi kato anay nga nagpabungoe-bungoe sa ginhambae it Dyos halin sa bukid it Sinai iya sa kalibutan hay owa nakalikaw sa pina. Kon makaruyon hay mas kapin gid nga indi kita makalikaw sa pina kon pabungoe-bungoean ta man ro Dyos nga nagahambae katon halin sa eangit.