Mateo 26:10 - Inkeanon

¹⁰ Pero sayod ni Jesus ro andang ginaistoryahan ngani naghambae imaw kanda, “Ham-an it ginasura't-a ninyo imaw? Mayad ro ana ngarang gin-obra kakon.

Mateo 26:10 Iomraidhean Croise

Mateo 26:11

Ro mga pobre hay kaibahan 't-a ninyo permi pero ako hay indi ninyo mangin kaibahan permi.

Mateo 26:9

Kon ginbaligya't-a kunta ron hay abo't-a ron nga kwarta nga ikatao sa mga pobre.”

Marcos 14:6

Pero ginhambaean sanda ni Jesus, “Pabay-i ninyo imaw. Ham-an it ginapamas-ot 't-a ninyo ro anang buot ay mayad ro anang gin-obra ngara kakon.

Lucas 8:49

Samtang nagahambae kara si Jesus, may nag-abot halin sa baeay nanday Jairus nga nagsugid kana, “Owa eo't-a ring unga. Mayad lang siguro nga indi mo eon pag-awaton ro manogturo.”

2 Corinto 9:8

Makasarang ro Dyos nga pakamaayuhon kamo it bugana agod bugana gid kamo permi sa tanan nga inyong kinahangean ag agod abo gihapon nga sobra nga ikabulig man ninyo sa iba.

Mga TagaGalacia 1:7

Sa minatuod eang hay owa eon it iba pa nga Mayad nga Balita kundi ro parti kay Kristo. Ro mga nagaturo ngaron hay nagapalitik eang ku inyong ueo ag gusto nanda nga bayluhan ro Mayad nga Balita parti kay Kristo.

Mga TagaGalacia 5:12

Kon ako ro pasugtan, ro mga nagasuesue ngaron kinyo nga indi magpati sa matuod nga mensahi hay indi eang magpatuli kundi magpakapon pa gid!

Mga TagaGalacia 6:17

Iya sa akong eawas ro mga inueatan ku mga pagbakoe kakon dahil sa akong pagturo ku mensahi nga ginsalig kakon ni Jesus. Ngani umpisa makaron, ayaw eon ninyo ako pagpaproblemaha sa inyong pagpati it saea nga mga ginaturo ngaron.

Mga TagaEfeso 2:10

Ro Dyos ro nagbag-o ku atong kabuhi paagi sa atong maeueot nga kaangtanan kay Kristo Jesus. Ginbag-o nana kita agod himuon ta ro mga mayad nga buhat nga ginplano it Dyos kato pa nga ipahimo katon.

Mga TagaColosas 1:10

Dahil kon itugot nana ra, magakabuhi kamo nga bagay sa mga sumueunod it Ginuo ag ro tanan ninyo nga ginaobra hay makapalipay kana. Ginapangamuyo man namon nga makahimo kamo permi it tanan nga mayad nga buhat, ag makilaea pa gid ninyo it mayad ro Dyos.

2 Tesalonica 2:17

hay magatao kinyo it kaisog it buot ag buligan kamo nga mangin ditirminado permi sa pag-obra ag paghambae it mayad.

1 Timoteo 3:1

Masaligan gid ro haeambaeunon nga ro nagahandom nga mangin manogdumaea it mga tumueuo hay nagahandom it dungganon nga katungdanan.

1 Timoteo 5:10

Dapat man nga imaw hay bantog dahil sa anang mayad nga binuhatan pareho ku mga raya: mayad nga pagpabahoe sa anang mga unga, pagkamaabi-abihon, pagpaubos ku anang kaugalingon sa pagserbi sa anang isigkapareho nga tumueuo, pagkamabinuligon sa mga nagakalisod, ag mahugod sa paghimo it bisan ano nga mayad.

2 Timoteo 2:21

Kon sa tawo ron, ro bisan sin-o nga nagatalikod ag nagalikaw sa ginahimo ag ginaturo ku mga nagaturo ngaron it saea hay limpyo eon sa mata it Dyos. Pareho imaw it kagamitan nga nagatao it kadungganan sa tag-ana. Ginpaeain imaw it Dyos bilang isaea sa anang balaan nga katawhan, ag mapuslanon sa Dyos nga anang Amo. Ag ginpahaom eon imaw sa pag-obra it maskin anong klasing mayad nga buhat.

Tito 1:16

Nagaako sanda nga kilaea kuno nanda ro Dyos pero sa andang buhat hay makita nga bukon man ron it matuod. Ro makaraya nga klasi it tawo hay makangingil-ad sa mata it Dyos, mga bukon it masinueundon kana, mga owa it pueos ag owa nana ginabilanga nga mayad ro bisan ano nanda nga buhat.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Tito 3:1

Padumduma ro mga tumueuo inha nga magpasakop ag magtuman sa mga manogdumaea sa gobyerno, ag sa tanan nga may otoridad kanda. Padumduma man sanda nga dapat haom sanda permi sa pag-obra it bisan ano nga mayad.

Tito 3:14

Dapat man nga mag-antiguhan ro aton nga mga kaigmanghuran inha nga magtinguha nga mag-obra it mayad, agod nga makabulig sanda sa nagakinahangean gid. Sa rayang paagi hay mangin mapuslanon ro andang kabuhi.

Tito 3:8

Masaligan ro mga pamisaea ngara nga ginapadumdum ko kimo. Mawron nga gusto ko nga ituro nimo ra nga may kaisog it buot, agod ro mga nagatuo sa Dyos inha hay paeabyon permi ro paghugod sa paghimo it mayad sa andang isigkatawo. Raya hay mayad ag mapuslanon para sa tanan.

1 Pedro 2:12

Sa inyong pagpangabuhi kaibahan ro mga owa nagatuo sa Dyos hay bantayi gid ninyo nga perming mayad ro inyong hueag agod kon anda kamo nga pabangdan nga nagahimo it maeain hay makita nanda nga mayad 't-a gali ro inyong buhat. Padunggan dayon nanda ro Dyos sa adlaw nga pahayagon nana ro andang paino-ino.