Mateo 24:3 - Inkeanon

³ Ku ulihi, tag nagapungko si Jesus sa Bukid it Olibo, ginpaeapitan imaw ku anang mga sumueunod nga sanda-sanda eang. Anda dayon imaw nga ginpangutana, “Sugiri abi kami kon hin-uno matabo ro imo ngatong ginhambae, ag kon ano ro paeatandaan ku imong pagbalik ag ku katapusan it kalibutan.”

Mateo 24:3 Iomraidhean Croise

Mateo 13:36

Pagkatapos kara hay ginpauli ni Jesus ro kaabo nga mga tawo ag tapos hay nagsueod imaw sa baeay. Sinunod imaw idto ku anang mga sumueunod ag ginhambae, “Sugiri abi kami kon ano ro kahueugan ku istorya ngato parti sa hilamunon sa taeamnan.”

Mateo 13:49

Makaruyon man ro matabo sa katapusan it kalibutan. Suguon it Dyos ro mga anghel nga ipaeain ro mga maeaot sa mga matarong nga tawo sa ana nga panueok.

Mateo 15:12

Nagpaeapit dayon kana ro anang mga sumueunod ag naghambae, “Sayod mo baea nga nanaw-ay it duro ro mga Pariseo pagkabati nanda sa imong ginhambae ngato?”

Mateo 16:27

Maabot gid ro oras nga ako nga Unga it Tawo hay magabalik iya sa kalibutan nga may grabi nga kasilaw ku akon nga Ama, ag kaibahan ku anang mga anghel. Tapos hay akon dayon nga baeusan ro kada isaea suno sa anang hinimuan.

Mateo 16:28

Matuod rang ginahambae kinyo nga may iba iya kinyo nga indi pa mamatay hasta indi nanda makita ako nga Unga it Tawo nga nagahari sa akong mga sinakpan.”

Mateo 17:19

Ku ulihi, kat sanda lang ku anang mga sumueunod hay nagpaeapit ra sanda kay Jesus ag nagpangutana, “Ham-an it indi namon masuboe ro demonyo ngato?”

Mateo 21:1

Tag maeapit eon sanday Jesus sa Jerusalem ag nakaabot eon sanda sa Bukid it Olibo, nga maeapit sa baryo it Betfage hay ginpauna dayon ni Jesus ro daywa sa anang mga sumueunod.

Mateo 24:27

tungod ro pagbalik nakon nga Unga it Tawo hay pareho it kilat nga gaguhit ro hayag sa bilog nga kaeangitan ag makita it tanan nga tawo.

Mateo 24:30

Ag may makita dayon sa kaeangitan nga tanda nga magabalik eon ako nga Unga it Tawo. Magaueahab dayon ro tanan nga mga tawo sa kalibutan kon hikita nanda ako sa daeaura sa pagbalik nakon iya, ag kon hikita man nanda ro akong gahom ag pwerting pagkadaeayawon.

Mateo 24:37

Ro ginaobra ku mga tawo sa tyempo nga magbalik ako nga Unga it Tawo hay pareho man sa ginaobra ku mga tawo sa tyempo anay ni Noe.

Mateo 24:39

Ag owa gihapon sanda nakaeubot ku magakaeanabo hasta nagbaha eon ro kalibutan ag nagkaeaeumos sanda tanan. Ro pagbalik nakon nga Unga it Tawo hay pareho man sa pag-abot ku baha ngato.

Mateo 24:43

Paino-inoha tuo ninyo ra. Halimbawa abi nga sayod ku tagbaeay kon anong oras maabot ro manakaw, bukon abi it mapueaw gid imaw ag bantayan nana ro anang baeay agod indi ra hisueod ku manakaw?

Mateo 28:20

Tud-i sanda nga tumanon ro tanan nga ginsugo ko kinyo. Ginapasalig ko kamo nga ibhan ko gid kamo permi hasta sa katapusan it kalibutan.”

Lucas 21:7

Nagpangutana kay Jesus ro anang mga sumueunod, “Maestro, hin-uno matabo ro imo ngatong ginhambae. Ano ro mga paeatandaan nga madali eon lang rato matabo?”

Mga Binuhatan 1:7

Nagsabat si Jesus, “Ro Dyos Ama eang ro may otoridad nga magtaeana ku oras ag tyempo nga matabo ro anang mga ginplano eon. Owa it kinahangean nga masayran ninyo ron.

Mga Hebreo 9:26

Kon ro anang pagsakripisyo hay pareho man lang gali sa pagsakripisyo it mga sapat nga dapat uman-umanon hay dapat man nga pauman-uman imaw mag-antos it kasakit umpisa pa ku pagtuga it kalibutan. Pero sang beses eang imaw nag-adto iya sa kalibutan sa rayang ulihing tyempo, agod paeaon ro aton nga mga saea paagi sa anang pagsakripisyo ku anang kaugalingon.