Mateo 2:6 - Inkeanon

⁶ ‘Sa tanan nga kabanwahan it Juda, Ikaw Betlehem hay mangin pinakaimportanti, tungod inha kimo matawo ro sangka manogdumaea, nga magatatap sa akong mga katawhan nga *Israel kon tawgon.’ ”

Mateo 2:6 Iomraidhean Croise

Mateo 2:1

Natawo si Jesus sa banwa it Betlehem nga sakop ku probinsya it Judea. Ro hari ku tyempo ngato hay si *Herodes. Pagkatawo ni Jesus hay may nag-abot sa Jerusalem nga mga mangin-aeamon nga tawo halin sa maeayo nga lugar sa sidlangan nga mga mayad magbasa kon ano ro kahueugan it mga bituon.

Mateo 28:18

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Juan 21:16

Pinangutana eon man imaw ni Jesus, “Simon, unga ni Juan, ginahigugma mo baea ako?” “Huo, Ginuo, ikaw mismo ro nakasayod nga ginahigugma ko ikaw,” sabat ni Pedro. “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 7:42

Bukon abi it nasueat sa Sagradong Kasueatan nga ro Maneueuwas nga ginpromisa it Dyos hay halin sa linahi ni Haring David ag tagabaryo man it Betlehem pareho kana?”

Mga TagaEfeso 1:22

Ginpaidaeom it Dyos ro tanan-tanan sa gahom ni Kristo ag ginbutang imaw nga pinakaueo naton tanan nga nagatuo kana.

Mga TagaColosas 1:18

Kon sa eawas pa, imaw ro ueo naton nga mga tumueuo ag kita hay ana nga eawas. Imaw ro ginhalinan ku atong bag-o nga kabuhi. Imaw man ro hauna nga nabanhaw agod imaw gid ro eabaw sa tanan,

Pahayag 11:15

Ginpatunog dayon ku ikapito nga anghel ro anang trumpeta ag may mabaskog nga mga limog sa eangit nga naghambae, “Umpisa makaron, owa eon it iba nga magahari kundi ro aton nga Ginuong Dyos, ag magahari imaw hasta sa owa it katapusan kaibahan ku Maneueuwas nga anang ginpromisa.”

Pahayag 7:17

Ro Tiyo it Karnero abi nga una sa atubang it trono it Dyos ro magabantay kanda pareho it manogbantay it karnero ag magadaea kanda permi sa mga tuburan nga nagatao it kabuhi nga owa it katapusan. Pagapahiron man it Dyos ro euha sa andang mga mata ag owa eon it makapatangis pa kanda it uman.”