Mateo 2:4 - Inkeanon

⁴ Ngani ginpatawag ni Herodes ro tanan nga mga pinuno it mga *saserdote, ag ro mga *maestro it *Kasuguan ag ginpangutana kon siin matawo ro Maneueuwas nga ginpromisa it Dyos nga ginsueat ku mga propeta.

Mateo 2:4 Iomraidhean Croise

Mateo 13:52

Naghambae dayon si Jesus, “Kon mawron hay haeubtan ninyo nga ro kada maestro it Kasuguan nga nangin akon eon nga sumueunod ag gintapoe eon sa mga sinakpan it Dyos hay pareho it manggaranon nga tagbaeay nga may kaabong maeahaeon nga kagamitan nga mga bag-o ag mga daan man.”

Mateo 2:3

Pagkabati kara ni Haring Herodes hay nabangat imaw pati man ro tanan nga mga tagaJerusalem.

Mateo 2:5

Nagsabat sanda, “Imaw hay matawo sa Betlehem nga iya sa probinsya it Judea, ay makaraya ro ginpasueat kato it Dyos sa propeta,

Mateo 21:15

Pero naugot ro mga pinuno it mga saserdote ag mga maestro it Kasuguan pagkakita nanda ku mga makangawa-ngawa nga ginaobra ni Jesus ag pagkabati nanda nga nagasininggit ro mga unga it “Dayawon ro apo ni Haring David!”

Mateo 21:23

Pag-abot nanda sa Jerusalem, nagbalik si Jesus sa Templo ag idto nagturo. Tag nagaturo imaw, ginpaeapitan imaw ku mga pinuno it mga saserdote ag ku kaibahan nandang mga lider ag ginpangutana, “Ano ring otoridad nga obrahon ro imong mga ginaobra iya sa Templo? Sin-o kimo ro nagtao ku otoridad ngaron?”

Mateo 26:3

Ku rato man nga oras, ro mga pinuno it mga saserdote ag ro kaibahan nandang mga lider hay nagtililipon sa palasyo ni Caifas nga pinakapinuno nga saserdote.

Mateo 26:47

Owa pa katapos it hambae si Jesus hay nag-abot si Judas nga isaea sa dose nana nga ka sumueunod. Kaibahan nana ro kaabo-abong mga tawo nga may mga daeang daga ag bakulo. Ro mga tawo ngato hay ginpaadto ku mga pinuno it mga saserdote ag ku kaibahan nandang mga lider.

Mateo 27:1

Agahon pa gid ku ruyon nga adlaw, nagtililipon eon man ag nagkaeasugot ro tanan nga mga pinuno it mga saserdote ag ro kaibahan nandang mga lider kon paalin matuman ro andang sintinsya nga kamatayon kay Jesus.

Mateo 7:29

Hangawa sanda tungod sigurado gid imaw ku kamatuuran nga anang ginaturo, bukon it pareho ku mga maestro it Kasuguan.

Marcos 8:31

Pagkatapos, gin-umpisahan ni Jesus it pagpaathag sa anang mga sumueunod nga imaw nga Unga it Tawo hay dapat gid mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon, pero banhawon man dayon pagkatatlong adlaw.

Lucas 20:19

Ginadakop eagi kunta ku mga maestro it Kasuguan ag ku mga pinuno it mga saserdote si Jesus ay nakatagumpaaw sanda nga sanda ro anang ginapatamaan ku ana ngatong istorya. Pero owa man nanda pagpadayuna ay nahadlok man sanda sa mga tawo nga apin kay Jesus.

Lucas 23:10

Idto man ro mga pinuno it mga saserdote ag ro mga maestro it Kasuguan. Nagatilindog sanda idto ag nagaeupok-eupok gid sanda sa pag-akusar kay Jesus.

Juan 18:3

Tag idto sanday Jesus sa katamnan ngato hay nag-abot si Judas, daea ro kaabo nga soldado nga halin sa batalyon sa Jerusalem nga ginmanduan nga magmunot kana. Kaibahan man nanda ro mga gwardya it Templo nga ginpadaea ku mga pinuno it mga saserdote ag ku mga Pariseo. May daea sanda nga mga sueo, lampara ag mga armas.

Juan 3:10

Nagsabat si Jesus, “Ginatahod ka pa man nga maestro ku mga inapo ni Israel, pero owa ka't-ing gali kaeubot kara?

Juan 7:32

Habatian ku mga Pariseo ro ginahambae ngara ku mga tawo parti kay Jesus, ngani sanda ag ro mga pinuno it mga saserdote hay nagsugo it mga gwardya it Templo agod dakpon si Jesus.

Juan 8:3

Tag nagaturo pa imaw, ro mga *maestro it Kasuguan ag ro mga Pariseo hay may gindaea nga bayi sa atubang ni Jesus ag ku tanan nga mga tawo. Ro bayi ngato hay hadakpan nga nagapangawatan.

Mga Binuhatan 23:9

Nagbinaskog pa gid ro andang silinggitan. Tumindog dayon ro ibang mga maestro it Kasuguan nga myembro it Pariseo ag nakigbatubat sa mga *Saduceo. Hambae nanda, “Owa kami it hakita nga saea nga gin-obra ku tawo ngara. Basi kon may espirito o anghel ma't-a matuod nga naghambae kana.”

Mga Binuhatan 4:5

Pagkaagahon kato, nagtilipon sa Jerusalem ro *Sanedrin nga ro mga myembro hay mga pinuno it mga saserdote, mga manogdumaea it mga Judio ag mga *maestro it Kasuguan.

Mga Binuhatan 6:12

Sa anda ngatong ginhambae hay ginsuesuean nanda nga maakig ro mga tawo, ro mga maestro it Kasuguan ag iba pang mga manogdumaea it mga Judio. Ngani inadtunan nanda si Esteban, dinakop ag pinaatubang sa *Sanedrin.