Mateo 2:2 - Inkeanon

² Pag-abot idto, nagpinangutana sanda sa mga tawo, “Siin ro natawo nga hari it mga Judio? Kat idto pa kami sa amon sa sidlangan hay hakita namon nga nagtunga ro bituon nga paeatandaan nga natawo eon imaw. Ngani nag-adto kami riya sa pagsimba kana.”

Mateo 2:2 Iomraidhean Croise

Mateo 2:3

Pagkabati kara ni Haring Herodes hay nabangat imaw pati man ro tanan nga mga tagaJerusalem.

Mateo 21:5

“Hambaea ro mga pumueuyo it Jerusalem ‘Haron, nagapaeangop ro inyo nga hari nga nagpaubos ku anang kaugalingon ag nagasakay sa tiyo it asno.’ ”

Mateo 27:11

Tag idto eon si Jesus nagatindog sa atubang ku gobernador nga si Pilato hay ginpangutana imaw ku gobernador, “Ikaw baea ro hari it mga *Judio?” “Tama ro imong hambae ngaron,” sabat ni Jesus.

Lucas 19:38

Hambae nanda, “Daeayawon ro hari nga ginpadaea iya it Ginuong Dyos! Paagi kana hay makapanumbalik eon kita sa Dyos sa eangit! Daeayawon ro Dyos sa pinakamataas nga kaeangitan!”

Lucas 2:11

Makaron sa banwa nga natawuhan ni Haring David, natawo ro inyong Maneueuwas. Imaw ro Ginuo, ro *Kristo nga ginpromisa it Dyos.

Lucas 23:3

Ginpangutana ni Pilato si Jesus, “Ikaw baea ro hari it mga Judio?” Nagsabat imaw, “Tama ro imong hambae ngaron.”

Lucas 23:38

May ginbutang man nga karatula sa may ibabaw ku anang ueo nga raya ro nakasueat: “Raya ro Hari it mga Judio.”

Juan 1:49

Naghambae si Nataniel, “*Rabbi, Unga ka gid matuod it Dyos. Ikaw eon gid-a ro among ginahueat nga hari ku mga inapo ni Israel.”

Juan 12:13

Ngani nagbuoe sanda it mga dahon it palmera ag naggueuwa sa syudad agod sueang-sueangon imaw. Ag nagasilinggit sanda, “Dayawon ta ro Dyos! Daeayawon raya nga ginpadaea iya it Ginuong Dyos! Daeayawon imaw nga hari naton nga mga inapo ni Israel!”

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 19:19

May ginpaobra man nga karatula si Pilato nga raya ro nakasueat: “Si Jesus ra nga tagaNazaret nga Hari it mga Judio.” Ginpabutang rato ni Pilato sa krus ni Jesus.

Juan 20:28

Naghambae dayon si Tomas, “Ikaw ro akong Ginuo ag ro akong Dyos!”

Juan 5:23

Gin-obra nana ron agod ako nga Unga hay tahuron it tanan nga tawo, pareho ku andang pagtahod kana nga akong Ama. Ro owa nagatahod kakon nga Unga hay owa man nagatahod sa akong Ama nga nagpadaea kakon iya.”

Juan 9:38

Naghambae dayon ro eaki, “Gatuo ako kimo, Ginuo.” Pagkatapos, nageuhod imaw sa atubang ni Jesus sa pagsimba kana.

Mga Hebreo 1:6

Ag tag inogpadaea eon it Dyos iya sa kalibutan ro anang owa it kapareho nga Unga hay naghambae imaw, “Dapat nga simbahon imaw ku tanan nakon nga mga anghel.”

Pahayag 22:16

Hambae pa gid ni Jesus, “Ako nga si Jesus ro nagpaadto ku akong anghel agod magpamatuod parti sa mga butang ngara kinyo nga mga grupo it mga tumueuo. Apo gid ako ni Haring David, ag ako man ro ginatawag nga mahayag nga bituon nga nagapakita kon aga-aga.”