Mateo 17:3 - Inkeanon

³ Ag gulpi eang dayon nga hakita ku tatlo sanday Moises ag si Propeta Elias nga nagapakighambae kay Jesus.

Mateo 17:3 Iomraidhean Croise

Mateo 17:2

Tag idto eon sanda hay hasaksihan ku tatlo nga nag-iba ro itsura ni Jesus. Ro anang uyahon hay kasilaw-silaw pareho it adlaw ag ro anang eambong hay nagabanaag sa kaputi nga pareho it masilaw nga iwag.

Mateo 17:4

Naghambae dayon si Pedro kay Jesus, “Ginuo, mayad ngani ay iya kami. Kon gusto mo, maobra ako it tatlong ka payag. Sambilog para kimo, sambilog para kay Moises ag sambilog man para kay Elias.”

Marcos 9:4

Ag gulpi eang dayon nga hakita ku tatlo ngato sanday Moises ag si Propeta Elias nga nagapakighambae kay Jesus.

Lucas 1:17

Mauna imaw sa Maneueuwas. Mangin pareho man imaw kay anay Propeta Elias nga owa it nahadlukan ag may kaisog it buot. Pahaumon nana ro mga tawo sa pag-abot it Ginuo. Paagi sa anang ginaturo hay pabalikon nana ro mayad nga relasyon ku mga ama sa andang mga unga, ag pabag-uhon nana ro paino-ino ku mga bukon it masinueundon sa Dyos agod ro andang paino-ino hay mangin pareho ku ana it mga matarong nga mga tawo.”

Lucas 16:16

Naghambae pa gid si Jesus, “Ro Sagrado nga Kasueatan it Dyos nga ginsueat ni Moises ag ku mga propeta hay ginapatuman tag owa pa si Juan nga Manogbawtismo. Pero umpisa nga nagturo si Juan hay ginwinali eon ro Mayad nga Balita parti sa paghari it Dyos sa anang mga sinakpan ag kaabo-abo nga mga tawo ro nagatinguha gid nga matapoe kara.

Lucas 24:27

Ginpaathag dayon kanda ni Jesus ro tanan nga ginsueat ni Moises ag ku tanan nga mga propeta parti kana nga nasueat sa Sagrado nga Kasueatan.

Lucas 24:44

Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Lucas 9:33

Tag nagabueag eon kay Jesus ratong daywa, naghambae si Pedro kay Jesus, “Sir, mayad ngani ay iya kami. Mayad siguro maobra kami it tatlong ka panilungan. Sambilog para kimo, sambilog para kay Moises ag sambilog man para kay Elias.” Matsa owa sa paino-ino ni Pedro ro ana ngatong ginhambae.

Juan 1:17

Gintao it Dyos ro *Kasuguan paagi kay Moises pero paagi't-a kay Jesu-Kristo ginpakita it Dyos ro anang sobrang kabuot, ag ginpahayag ro kamatuuran parti sa kaeuwasan it tawo.